Skessuhorn - 12.12.2018, Blaðsíða 10
MIÐVIKUDAGUR 12. DESEMbER 201810
Síðastliðinn laugardag var Guð-
laug við Langasand formlega tekin
í notkun. Félagar úr Sjóbaðsfélagi
Akraness voru fyrstir til að vígja
laugina að aflokinni stuttri sjó-
ferð. Meðan sjósundsfólkið gekk í
sjóinn flutti Ragnar Sæmundsson,
formaður skipulags- og umhverf-
isráðs Akraneskaupstaðar, ávarp og
Sævar Freyr Þráinsson bæjarstjóri
fór yfir sögu mannvirkisins, kostn-
að og fjármögnun. Loks var klippt
á borða og laugin þar með form-
lega vígð.
Guðlaug er steinsteypt á þrem-
ur hæðum og er alls sex metra hátt
mannvirki staðsett í grjótvarnar-
garði neðan við stúku Akranesvall-
ar og Aggapall. Efst er útsýnispallur
sem gengið er út á beint af göngu-
stíg sem liggur meðfram Langa-
sandi. Undir pallinum er stjórnher-
bergi og heit laug samsíða honum
sem vísar á móti sjónum með út-
sýni yfir Akraneshöfn, Faxaflóa og
til Reykjaness. Önnur grynnri laug
er á neðstu hæð mannvirkisins og
nýtir hún yfirfallsvatn sem rennur
úr pottinum fyrir ofan. Þegar laug-
in er opin er sífellt gegnumstreymi
og því er ekki þörf á klór eða öðr-
um hreinsiefnum. Á stórstreymi
flæðir sjór í neðstu laugina. Á sand-
inum framan við mannvirkið hefur
verið komið fyrir nokkrum stórum
steinum en hlutverk þeirra er að
draga úr sjógangi og álagi á mann-
virkið.
Laugina hönnuðu basalt arki-
tektar og Mannvit verkfræðistofa.
Yfirverktaki við framkvæmdina
var Ístak ehf. og Vélaleiga Hall-
dórs Sigurðssonar ehf. var undir-
verktaki. Rafþjónusta Sigurdórs og
Píplagningaþjónustan sáu um raf-
magns- og vatnslagnir í lauginni og
Trésmiðjan Akur gerði búningaað-
stöðuna undir stúku Akranesvallar.
Verkefnið styrkt
um 40% af
byggingarkostnaði
Sævar Freyr Þráinsson bæjarstjóri
fór yfir forsögu þess að ráðist var
í framkvæmdina. Árið 2014 var
minningarsjóði í nafni Jóns Gunn-
laugssonar útvegsbónda og Guð-
laugar Gunnlaugsdóttur húsmóð-
ur frá bræðraparti á Akranesi form-
lega slitið. Stjórn minningarsjóðs-
ins ákvað að ráðstafa 14 milljónum
króna til uppbyggingar á heitri laug
við Langasand ásamt því að úthluta
öðrum styrkjum til samfélagsins á
Akranesi, alls 54 milljónum króna
ásamt lóðum að verðmæti 66 millj-
ónir. Tilgangur þessa sjóðs var að
efla mannlíf og samfélag á Akranesi
og veita ungum fátækum náms-
mönnum á Akranesi styrki til náms
sem tengdist sjávarútvegi. Með
breyttum aðstæðum og atvinnu-
háttum á Akranesi var samþykkt
að leggja sjóðinn niður og ráð-
stafa stærstum hluta hans til mál-
efna tengdum slysavörnum og öðr-
um samfélagsmálum á Akranesi. Í
kjölfar styrkveitingarinnar var sett-
ur á laggirnar starfshópur til að út-
færa verkefnið um uppbyggingu á
heitri laug á Langasandi og skilaði
hópurinn af sér tillögu á haustmán-
uðum 2015. Til viðbótar styrkn-
um úr minningarsjóði bræðra-
partshjóna fékkst 30 milljóna króna
styrkur úr framkvæmdasjóði ferða-
mannastaða. Styrkir þessir dekka
tæplega 40% af byggingarkostnaði
en annan kostnað við mannvirkið
og búningsaðstöðu sem komið hef-
ur verið upp undir stúku Akranes-
vallar greiðir Akraneskaupstaður.
Fram kom hjá Sævar Frey að heild-
arkostnaður vegna byggingar og
hönnunar Guðlaugar og búninga-
aðstöðu nemur 115-120 milljónum
króna. Sagði hann að það væri um
4-8% umfram upphaflega kostn-
aðaráætlun við verkefnið. Nettó-
kostnaður Akraneskaupstaðar verð-
ur því 71-76 milljónir króna.
„Guðlaug er frábær viðbót hér
á Akranesi fyrir bæði heimamenn
og gesti og erum við full stolts að
standa hér í dag og vígja laugina,“
sagði Sævar. Tvímælalaust mun
mannvirki þetta laða að ferðamenn
en ekki síður auka umferð og notk-
un heimafólks á þeirri náttúrupara-
dís sem Langisandur er.
Opin í fyrstu
fjóra daga vikunnar
Guðlaug verður opin í vetur alla
miðvikudaga og föstudaga frá
klukkan 16 til 20 og laugardaga
og sunnudag frá klukkan 10 til 14.
Opnunartími getur tekið breyting-
um og eru gestir laugarinnar hvatt-
ir til að fylgjast með upplýsingum
um rekstur laugarinnar á Face-
booksíðu Guðlaugar. Laugin er
gjaldfrjáls. mm
Guðlaug við Langasand tekin í notkun
Félagar úr Sjóbaðsfélagi Akraness vígðu laugina. Hér ræðir pottverjinn Jón Pálmi Pálsson við fréttamann RUV sem mætti til
að fanga augnablikið.
Klippt á borða til marks um formlega vígslu Guðlaugar. F.v. Hrólfur Karl Cela
arkitekt, Elín Sigrún Jónsdóttir barnabarn hjónanna á Bræðraparti, Ragnar
Sæmundsson, Ólafur Adolfsson, Sævar Freyr Þráinsson og Gerður Jóhanna
Jóhannsdóttir.
Fjölmenni var viðstatt vígsluna.
Neðri laugin tekur affall frá þeirri sem er fyrir ofan. Guðlaug. Efst er útsýnispallur en undir honum er stjórnherbergi og laug og neðsta
hæðin er önnur laug sem sjór flæðir í þegar stórstreymt er.
Félagar í Sjóbaðsfélagi Akraness skömmu áður en þeir vígðu laugina.