Skessuhorn - 12.12.2018, Blaðsíða 13

MIÐVIKUDAGUR 12. DESEMbER 2018 13
Ný ljóðabók eftir
Sigurbjörgu Þrastardóttur
Ljóð sem einkennast af léttleika
og hárfínni myndvísi – undir niðri
kraumar dauðans alvara
Og
maður
íhugar aldrei nógu
vandlega verandi
kona í veröld skúmaskota og
hratt blánandi kinna að
það er aldrei að vita
hvenær maður
dettur á hníf
Bókabúð Forlagsins | Fiskislóð 39 | Opið alla virka daga 10–18 | Um helgar 11–17 | www.forlagid.is
LANDSINS MESTA ÚRVAL BÓKA
„Í dag sem svo oft áður var lækn-
islaust í Grundarfirðinum. Mér
skilst að læknir sem er í Ólafsvík
hafi forfallast og læknir sem hér
átti að vera hafi því verið fluttur
þangað. Mér finnst þetta algjör-
lega óásættanlegt,“ skrifaði íbúi í
Grundarfirði á Facebook í liðinni
viku. „Í firðinum okkar eru mikl-
ar framkvæmdir og t.d. hjá G.Run
eru um 40 manns alla daga vik-
unnar vinnandi við nýbyggingu; í
stigum, lyftum, við rafmagn með
þunga hluti og fleira. Það er ótrú-
legt að tryggingafélagið mitt, bæj-
arstjórn og við skulum sætta okkur
við þetta,“ skrifar hann.
Þriðja skiptið á árinu
Jóhanna Fjóla Jóhannesdóttir, for-
stjóri HVE, staðfestir í samtali við
Skessuhorn að skerðing hafi orð-
ið á læknisþjónustu í Grundar-
firði í síðustu viku vegna forfalla
læknis. Hún vill engu að síður í
þessu samhengi benda á að það
gerist sem betur ekki oft að lækn-
ir forfallist því mjög erfitt, nán-
ast ómögulegt, er að fylla í skörð
lækna sem forfallast með stuttum
eða engum fyrirvara. „Þetta var í
þriðja skiptið á þessu ári sem vant-
aði lækni í Grundarfirði og það er
miður. Fyrir utan dagana í síðustu
viku þá gerðist það að lækni vant-
aði í Grundarfjörð tvo daga í byrj-
un maí og síðustu vikuna í septem-
ber,“ segir Jóhanna Fjóla.
„Þegar svona frávik verða er
eftir sem áður hjúkrunarfræðingur
á heilsugæslustöðinni sem sinnir
erindum sem upp koma og hefur
beint samband við lækni í Ólafsvík
sem er á bakvakt ef á þarf að
halda. Á síðustu árum hefur þáttur
hjúkrunarfræðinga í móttöku á
heilsugæslustöðvum aukist og
þeim hafa verið falin fleiri verkefni.
Það kom læknir frá Stykkishólmi
á þriðjudaginn í síðustu viku og
var hálfan daginn, sinnti m.a.
dvalarheimilinu eins og venjan
er á þriðjudögum. Læknirinn tók
einnig að sér afgreiðslu rafrænna
lyfseðla alla vikuna. Læknirinn úr
Ólafsvík kom svo á föstudag og
var með móttöku eftir hádegið,“
segir Jóhanna. Læknisþjónustan
var aftur með eðlilegum hætti á
mánudaginn í Grundarfirði. „Það
er mikilvægt að það komi fram
að þeir sem hringja eða leita til
heilsugæslustöðvarinnar eftir
þjónustu er leiðbeint og öllum
bráðatilvikum er sinnt því auk
hjúkrunarfræðings í Grundarfirði
er læknir í Ólafsvík á bakvakt og
sjúkraflutningsmenn eru á bakvakt í
Grundarfirði allan sólarhringinn.“
Stöðug áskorun
Jóhanna Fjóla bætir því við að
endingu að það sé stöðug áskorun
stjórnenda að manna stöður lækna
á starfssvæðinu því erfiðlega geng-
ur að manna stöður lækna á lands-
byggðinni. „Síðast var auglýst eftir
lækni til starfa í Grundarfirði síð-
astliðið sumar en því miður barst
hvorki umsókn né fyrirspurn um
starfið,“ segir hún að endingu.
mm/ Ljósm. úr safni; tfk.
Grundfirðingar argir
vegna læknaskorts
Skata - Saltfiskur - Síldarréttir
Rófur - Kartöflur - Heimabakað Rúgbrauð
Hnoðmör - Hamsar - Smjör
Mjólkurgrautur - Kaffi
Verð kr. 3.900,-
Árleg skötuveisla Laxárbakka verður haldin
laugardaginn 22. desember
18.00 - 21.00
og sunnudaginn 23. desember
frá kl. 11.30 - 14.00
Skötuveisla
Laxárbakka
HÓTEL
LAXÁRBAKKI
Pantanir í síma 551-2783
eða laxarbakki@laxarbakki.is
www.skessuhorn.is