Heimsmynd - 01.11.1988, Síða 65
Þjóðleikhússins? í þá daga borguðu
menn ekki fyrir auglýsingar. Fjölskyldu-
skemmtunin var haldin níu sinnum þann
vetur í stað einu sinni eins og ráðgert
hafði verið. Út frá henni þróuðust aðrar
sýningar. Það eru haldnar sýningar til
styrktar góðum málefnum. I æ ríkari
mæli er leitað til Hermanns Ragnars og
Unnar. Þau setja upp tískusýningar og
danssýningar. Hvorki þau né nokkur
sem þátt tekur í sýningunum fær greitt
kaup fyrir. Allir gefa vinnu sína til líkn-
armála.
Árið 1962. Hermann hefur starfað
með séra Braga Friðrikssyni hjá Æsku-
lýðsráði. Það er boðið upp á kynningu á
æskulýðsmálum á vegum Bandaríkja-
stjórnar. Séra Bragi hvetur Hermann til
að sækja um, sem hann gerir líkt og sex-
tán aðrir. Fjórir komast til Chicago,
þeirra á meðal Hermann. í Bandaríkjun-
um kynnir hann sér æskulýðsmál við fé-
lagsráðgjafadeild Chicago háskólans. Þar
kynnist hann sumarstarfi barna og starf-
ar í tíu vikur í drengjaklúbb. Drengirnir
koma snemma á morgnana og eru fram á
eftirmiðdag. Það er farið með þá á söfn
og sýningar. Hugmynd vaknar hvort
slíkt starf sé ekki þarft á íslandi. - Þátt-
takendur mega velja sér aukanámsgrein.
Hermann velur að sjálfsögðu dansinn og
lærir við Arthur Murray Studio, þekktan
dansskóla í miðri Chicago, ásamt Unni
konu sinni.
egar þau koma aftur til íslands
ber Hermann hugmyndina um
sumarstarf undir menn. Undir-
tektir eru ekki góðar. Tveimur
árum síðar er hann beðinn að
koma slíku starfi á á Seltjarn-
arnesi. Því sinnir hann næstu
þrjú sumur. Þá verður hlé fram
til ársins 1977 er Hermann
endurvekur sumarnámskeiðin,
nú á vegum Æskulýðsráðs. Hann verður
forstöðumaður Bústaða. Þangað koma
börn snemma morguns. Þau fara í ferða-
lög, heimsækja söfn, öðlast þekkingu á
mörgu. Það er mikið sungið og farið í
leiki. Hermann verður nokkurs konar
pabbi mörg hundruð barna á þessum ár-
um. Mörg þeirra höfðu kynnst honum í
gegnum Stundina okkar í Sjónvarpinu.
Um þann þátt sá Hermann Ragnar
ásamt Sigríði Margréti Guðmundsdóttur
í fjögur ár. Börn hafa alltaf verið honum
hugleikin.
Árið 1982. Hermann byrjar með þætti
í útvarpinu sem kallast Ég man þá tíð.
Hann leikur lög fyrir eldri kynslóðina,
fólkið sem hann segir gleymast í amstri
hversdagsins. í hverri viku fær hann bréf
og símtöl frá eldra fólki um allt land.
Hann fær kvæði, þakkir og hlý handtök.
Slíkt gefur lífinu gildi. Hann sér einnig
um þátt á rás tvö í einn vetur, 1985 til
1986. Þar eru eingöngu leikin danslög og
framhald á bls. 120
HEIMSMYND 65