Heimsmynd - 01.11.1988, Page 107

MICHELLE VALFELLS fylgist með athöfn hjá
samtökunum Trú og líf þar sem kristileg
dœgurlagatónlist er leikin og kraftaverk framin
era má að allar helstu kirkjur landsins standi tómar að
jafnaði en Biblíukirkjan við Smiðjuveg er þar undan-
tekning. Hún var þéttsetin síðasta kvöldið sem séra Tony
Fitzgerald messaði hér á landi. Fitzgerald er trúboði frá
Brighton í Englandi og hefur ferðast með boðskap sinn
víða um heim. Nú var röðin komin að íslandi og má Fitz-
gerald vera stoltur af þeim árangri sem hann náði í þessu
hálfheiðna landi. Fundir hans í Reykjavík voru fjölsóttir og
stofnun nýs safnaðar fylgdi í kjölfar heimsóknar hans til Vest-
mannaeyja.
Athöfnin hófst með tónlist. Ekki fallegum bænasöng á lat-
ínu heldur kristilegri dægurtónlist sem safnaðarpresturinn,
Halldór Magnússon, og hljómsveit hans stóðu fyrir. Söfnuður-
inn, sem var aðallega skipaður ungu fólki milli tvítugs og þrí-
tugs, var brátt staðinn á fætur. Fólk dansaði og baðaði út öllum
öngum (vægast sagt sjaldgæf sjón á íslandi þar sem landsmenn
eru yfirleitt hlédrægir). Sumir voru augljóslega vel undirbúnir og
höfðu komið með bjöllutrommur sem þeir hristu af miklum krafti
í takt við tónlistina. Vingjarnleg, bandarísk kona, sem sat við hlið-
ina á mér, opnaði Biblíuna sína og sýndi mér hvar dýrkendur eru hvattir til að lofa
guð með tónlist og söng. Hún benti hreykin á málsgrein þar sem sérstaklega er
minnst á bjöllutrommur. (Enginn viðstaddra virtist hafa minnstu áhyggjur af að
hvergi er minnst á rafmagnsgítara í Biblíunni og tónlistarmennirnir léku ótrauðir
áfram á þá.)
„Þú mátt eiga von á mikilli upplifun í kvöld,“ sagði einhver við mig áður en at-
höfnin hófst. „Danshópur kirkjunnar ætlar að sýna í kvöld.“
Ljósmyndir • BRAGI Þ. JÚSEPSSON
Trúmál
AISLANDI
HEIMSMYND 107