Heimsmynd - 01.03.1991, Síða 89

sinni, þjóðfrelsishetju, sem ótrauður
hafði barist gegn franskri heimsveldis-
stefnu og síðan þeirri bandarísku, sem
leysti Frakkana af hólmi. En friðarhreyf-
ingarnar í dag fordæma Saddam Hussein
af engu minni ákafa en aðrir og þá verð-
ur það ekki trúverðug niðurstaða að
samt skuli hann ekki látinn gjalda fyrir
verk sín.
Hefði viðskiptabannið eitt sér getað
neytt Saddam út úr Kúvæt ef það hefði
fengið nægan tíma til að virka? Hvað er
nægur tími? Þrír, sex, níu mánuðir í við-
bót? Hefði sú samstaða, sem tókst í upp-
hafi um viðskiptabann, haldið þann tíma
sem til þurfti? Var ekki eðlilegt að
álykta sem svo að viðskiptabann stutt
öflugu vopnavaldi hlyti að vera fljótvirk-
ara? Og eftir að fjölmennt herlið er
komið á staðinn, hvað er hægt að halda
því þar lengi í varnarstöðu og án að-
gerða? Hver hefðu viðbrögð almennings
orðið í Bandaríkjunum og öðrum lýð-
ræðisríkjum, sem eiga þarna fjölmennast
herlið, eftir því sem á tímann og tauga-
stríðið hefði liðið?
Nei, skoðun á atburðarásinni frá 2.
ágúst leiðir ekki í ljós að fljótfærni og
taugaveiklunarviðbrögð hafi leitt til
þessa styrjaldarástands. Hvert skref hef-
ur verið vandlega skoðað, gagnstæðar
skoðanir hafa fengið svigrúm til að tak-
ast á, kostir verið vegnir og metnir,
rannsóknarnefndir bandaríska þjóð-
þingsins hafa tekist á við forsetann, full-
trúar tuga landa hafa tekist á um orðalag
og efni hinna tólf ályktana Sameinuðu
þjóðanna. Þetta er ekki stríð sem heim-
urinn hefur álpast út í heldur ákveðið að
vandlega yfirveguðu ráði. Þetta er vissu-
lega harmleikur heimsins, stríð sem eng-
inn óskaði eftir og allir skynsamir stjórn-
málamenn reyndu að fyrirbyggja. Allar
þær tilraunir strönduðu á þvermóðsku
eins manns, Saddams Hussein.
allt öðru máli gegnir ef við skoðum
aðdragandann að innrásinni 2.
ágúst. Saddam Hussein er ekkert ef
hann er ekki sköpunarverk leiðtoga
þeirra ríkja sem nú senda ungmenni sín
út í opinn dauðann gegn hermaskínu
hans í eyðimörkinni. Bandaríkin, Bret-
land, Vestur-Þýskaland, Frakkland og
Sovétríkin hafa selt honum vopnin, sem
hann beitir nú gegn þeim, og byggt upp
fyrir hann efna- og sýklaverksmiðjurnar
sem hann ógnar heiminum með. Fram á
síðustu stund var honum gert kleift að
flytja inn tæki og tækni sem þarf til smíði
kjarnorkusprengju. Saúdi-Arabar og Kú-
væt fjármögnuðu átta ára stríðsrekstur
hans gegn Iran og gáfu honum eftir tug-
milljarða dollara skuldir að því loknu,
þótt ekki væri það nóg að hans mati.
Eftir dólgslega ræðu hans í apríl kom
sendinefnd amerískra öldungadeildar-
þingmanna í heimsókn til Bagdad og
hrósaði Saddam, sem manni friðarins.
Síðustu daga júlí sagði Saddam Hussein
bandaríska sendiherranum, April Glasp-
ie, því sem næst hreint út hvað til stæði,
og hún flutti honum þau skilaboð frá yf-
irmönnum sínum að Bandaríkin teldu sig
engar skuldbindingar hafa um að tryggja
óbreytt landamæri arabaríkja á þessum
slóðum. Þegar Saddam beitti efnavopn-
um gegn eigin þegnum af þjóðerni
Kúrda fyrir tveimur árum bárust engin
mótmæli frá lýðræðisríkjum í vestri. Af
öllu þessu gat hann varla dregið aðrar
ályktanir en að hann gæti komist upp
með hvað sem er, svo lengi sem hann
hróflaði ekki við öðrum heilögum
bandamanni vestursins á þessum slóð-
um, ísrael. Einnig þeir höfðu komist upp
með það áratugum saman að virða allar
HÖFÐAKAFFI
VEISLUÞJÓNUSTA
ER FERMINGARVEISLA í NÁND?
Spariö ykkur erfiði og áhyggjur - viö bjóðum upp á:
• Hlaðborð með girnilegum og fjölbreyttum réttum og eftirrétti.
• Kaffihlaðborð með einum heitum rétti og eftirrétti.
Við tökum að okkur allar almennar veislur. Þjónusta í hágæðaflokki og verðið
er afar sanngjarnt. Pantið tímalega.
o HÖFÐAKAFFI
VAGNHÖFÐA 11 SÍMi 68 60 75
HEIMSMYND 89