Heimsmynd - 01.02.1992, Síða 46

KONUR
TIL
VALDA
Er ekki allt í himnalagi með valdahlutföll kynjanna í ís-
lensku samfélagi? Er ekki forseti íslands kona og hvað með
forseta Alþingis og forseta Hæstaréttar? Jú þetta eru vissulega
konur í valda- og ábyrgðarstöðum, en ekki er allt sem sýnist.
Konur hafa í gegnum aldirnar fyrst og fremst verið mæður
og eiginkonur. Þær hafa staðið í skugga karlmanna, helgað sig
heimili, börnum og maka. Þær hefur skort fjárhagslegt sjálf-
stæði, menntun og rétt til þátttöku í stjórnmálum. Það eru
ekki nema rétt rúm hundrað ár síðan Bríet Bjarnhéðinsdóttir
hélt opinberan fyrirlestur, fyrst íslenskra kvenna, og var efni
hans „Kjör og réttindi kvenna“. Þetta þóttu mikil tíðindi árið
1887 enda voru þá aðeins þrjátíu ár síðan Katarín Booth varð
fyrst breskra kvenna til að tala opinberlega. Nú hafa konur
öðlast lagalegan rétt til jafns við karlmenn en tækifærin hafa
látið á sér standa. Konur hafa til þessa verið valdalitlar í ís-
lensku atvinnulífi. Þær afla sér menntunar til jafns við karl-
menn og eru nær helmingur allra launþega. Engu að síður telj-
ast hátt í níutíu prósent kvenna á vinnumarkaðinum til ófag-
lærðs verkafólks eða afgreiðslu- og skrifstofufólks samkvæmt
skýrslu Þjóðhagsstofnunnar frá árinu 1989.
eftir Laufeyju Elísabetu Löve
Hún þarf helst að
vera barnlaus
Börn verða veik og þau þarf að sækja í
leikskólann og koma til dagmömmunnar.
Þau vilja hafa mömmu heima á kvöldin og
um helgar. Móðir sem er þjökuð af
samviskubiti þykir ekki vera með allan
hugann við starfið.
KONA EFTIR HÖFÐI KARLMANNA Á VINNUMARKAÐINUM
Konur þurfa að
berjast við Elli
kerlingu
Það þykir sjarmerandi þegar karlmenn eld-
ast, gefa þeim aukinn virðuleika ef eitt-
hvað er. Konur þurfa hins vegar að gæta
þess að lita hár sitt reglulega og halda sér í
formi. Vinnumarkaðurinn hefur fordóma
gagnvart eldri konum.
46 HEIMSMYND