Fréttablaðið - 18.05.2019, Page 14

EUROVISION Andrean Sigurgeirsson,
dansari og meðlimur Hatara, hefur
hlotið mikið lof fyrir frammistöðu
sína í Eurovision. Evrópa dáist að
danshæfileikum hans, framkomu
og fatavali. Viktor Stefánsson, kær-
asti Andreans, er staddur í Tel Avív
og segir ferðina hafa verið ævintýri
líkast.
„Þetta er einstök upplifun, að fá
að fylgja liðinu út og hvað þá að sjá
kærastann sinn dansa og „death-
droppa“ í leðurbúningi á sviði
fyrir framan rúmlega 300 milljón
manns,“ segir Viktor og bætir því við
að hann sé afar stoltur af hópnum.
Viktor er sjálfur mikill aðdáandi
Eurovision en segir Andrean ekki
vera þekktan fyrir ást sína á keppn-
inni. „Andrean mætir í Eurovision-
partíin en hann þekkir ekki sigur-
vegara fyrri ára eða getur sungið
lögin, nema kannski Euphoria. En já,
mér finnst þetta skemmtilegt! Hvað
getur maður ekki fílað við þetta?“
segir Viktor. Hann segir keppnina
hafa gefið heiminum mörg góð lög
til að dansa við og að hugmyndin
um að Evrópa skuli koma saman
einu sinni á ári í keppni sem þessari
sé afar jákvæð.
Mikið hefur verið rætt um þá
staðreynd að keppnin sé haldin í
Ísrael þrátt fyrir deilur Ísraels og
Palestínu. Viktor segir það alþekkt
að stjórnvöld nýti stórviðburði til
þess að fegra ímynd sína og að þar
séu ísraelsk stjórnvöld engin undan-
tekning. Hann segir þversögn fólgna
í því að halda viðburð sem táknar
sameiningu og ást í landi þar sem
þjóðernishópar eru aðskildir og ein-
angraðir og ástand sé óstöðugt. „Við
fyrstu sýn virðist Tel Avív vera eins
og hver önnur frjálslynd stórborg.
En það er margt sem liggur þarna
að baki sem flestir munu ekki sjá.
Gjörningur og list á að vera gagn-
rýnin og vekja viðbrögð, þá hefur
hún gert sitt. Þetta er vettvangur
til þess að skapa umræðu og beina
sjónarhorni almennings frá glam-
úrnum yfir á raunveruleg málefni.“
Að áliti Viktors hefur Hatara
tekist að skapa mikla umræðu.
„Hatari er gjörningur sem óneitan-
lega skapar viðbrögð, góð sem
slæm.“ Hann segir hópinn hafa
áhrif á margan hátt og nefnir að
þátttaka hans í keppninni hafi til
að mynda haft jákvæð áhrif á hin-
segin samfélagið með búningavali
og sýnileika regnbogafánans. En
Hatari veifaði fánanum þegar ljóst
var að hópurinn hefði komist í úrslit
keppninnar.
Hatara hefur verið spáð góðu
gengi og jafnvel sigri í keppninni
í ár og segir Viktor Ísland vel geta
haldið keppnina fari svo að Hatari
sigri. „Höllin hér gerir það ljóst að
það þarf ekki einhvern ólympíu-
leikvang til að halda þessa keppni.
Ég held að það séu rúmlega sjö þús-
und manns í salnum hér miðað við
einhver 40 þúsund þegar Þýskaland
hélt keppnina. Þannig að við gætum
alveg hundrað prósent haldið
keppnina“. Lykilinn segir Viktor
vera að Íslendingar tileinki sér aga
í stað þess að reiða sig á „reddast-
þankaganginn“ sem af mörgum er
sagður einkennandi fyrir þjóðina.
birnadrofn@frettabladid.is
Fylgist með kærastanum á stóra sviðinu
Andrean Sigurgeirsson, dansari Hatara, hefur vakið mikla athygli um allan heim. Kærasti hans, Viktor Stefánsson, segir það ein-
staka upplifun að fylgja Hatara í keppninni. Hann segist stoltur af hópnum enda hafi hann reynt að vekja athygli á góðum málstað.
Viktor er stoltur af sínum manni.
Andrean, einn af dönsurum Hatara, heldur hér utan um Matthías Haraldsson söngvara. NORDICPHOTOS/GETTY
Benedikt Bóas og Ingólfur tóku
vegfarendur tali í Tel Avív.
Duje
frá Króatíu
Tel Avív er
ótrúleg borg. Ég
kom hingað á
þriðjudag og fór
beint í Euro village.
Síðan höfum við
ferðast um og borgin er full af lífi.
Hér eru allir svo rólegir, allt er svo
frjálst og hefur allt. Sjó, strendur,
góðan mat, partí og fólkið er mjög
yndislegt. Það er eitthvað sérstakt
við þetta land.
Hatari er með stórkostlegt atriði.
Þeir verða við toppinn en ég er ekki
viss að þeir endi sem sigurvegarar.
Þetta er ekki endilega tebolli Evr-
ópu – þeir eru svolítið rosalegir.
Ég skil ekki alveg þessa ást sem
Holland er að fá frá veðmálafyrir-
tækjum. Ástralía er rosalegt atriði
og eitthvað sem maður hefur ekki
séð áður í Eurovision og ég hélt ég
hefði séð allt í Eurovision.
Ég held líka með Sviss og Dan-
mörku og Spánn er með gott lag.
Hann kom á svið í Wiwibloggs-
partíinu og staðurinn fór á hliðina
en Spánn vinnur aldrei, maður veit
þó aldrei.
Gidi
frá Tel Avív
Bros fólksins
kemur frá
sólinni og
sjónum. Hver
er í vondu skapi í
svona aðstæðum?
Okkar maður Kobi Marimi
er mitt uppáhald að sjálfsögðu.
Röddin hans er svo rosaleg.
Ég er svolítið hræddur við atriði
Hatara. Ég skal viðurkenna það.
Ronnie
frá Ber Shervia
Ísrael er mjög
fallegt land með
góðan mat og
gott veður. Sjáðu
bara hvar við
erum. Ber Shervia er
ekki strandbær eins og Tel Avív en
það er fallegt þar líka og ég er mjög
stolt að koma þaðan.
Núna er Ísrael að vakna til lífs-
ins og það finnst.
Ég hef ekki alltaf horft á Euro-
vision en ég get lofað að allir hér
munu verða límdir við skjáinn
hvort sem það er í útipartíi eða
hvar. Allir horfa á Cobi og hann
mun standa sig vel.
Neil og Sergej
frá Rússlandi
Við komum
2. maí. Það
er ekkert svo
langt í burtu.
Ísland er lengra
frá en þaðan sem við
komum. Okkar atriði er frábært og
ég get alveg séð okkur vinna. Við
elskum Svíþjóð, Kýpur og Ísland.
Hatari er með ótrúlega flott
atriði og við höfum elskað lagið
frá fyrstu hlustun og það gæti vel
endað í topp þremur.
Ég skil ekki þessa ást á Hollandi.
Þetta er leiðinlegt lag miðað við
Hatara – sem er með frábært lag.
Allir límdir við skjáinn
Stór rafverktaki og verslun
í eigin húsnæði
Velta 2018 265 miljónir. Leiðrétt ebitda um 20 miljónir.
Rafverktaki sem byggir á 45 ára reynslu, með ráðandi markaðs-
stöðu á stóru landssvæði. Starfsemi þjónustu og að auki versl-
unar í eigin 364 fm. húsnæði.
Þjónusta:
• Allur iðnaður til sjávar og sveita
• Eldvarnar, þjófavarnar, loftnets, tölvukerfi og samskipta-
kerfi
• Skip og báta af öllum stærðum og gerðum.
• Allar almennar raflagnir í íbúðarhúsum og fjölbýlishúsum.
• Verslun með vörur m.a. frá Heimilistækjum, Smith&Norland,
Rönning, ofl
• Uppsetningar á fiskleitar og siglingatækjum í skip og báta
Verkefni tengjast verkefnum allt frá hinum smæstu til hinna
stærstu, m.a.:
• Kjöt- og fiskvinnslur
• Virkjanir og hótel
• Ríki og sveitarfélög
• Bankar, verslanir og smáfyrirtæki
• Fyrirtæki tengd sjávarútvegi ofl .
Möguleikar í kaupum á félaginu.
1. Kaupa félagið í heild með öllum eignum og öllum skuldum.
2. Kaupa rekstur á verktakaþjónustu og verslun út úr félaginu og
leigja húsnæðið af félaginu.
3. Kaupa verktakaþjónustuna sér út úr félaginu, og mögulega
leigja húsnæði af félaginu.
4. Kaupa verslunarreksturinn sér út úr félaginu og mögulega leig-
ja húsnæði af félaginu.
5. Möguleiki að yfirtaka í heild eða hluta skuldir við lánastofnanir
upp á 31,4 miljónir sem hluta af fjármögnun.
Allar nánari upplýsingar veitir:
Óskar Thorberg Traustason, MBA Rekstrarhagfræðingur
Kompaní fyrirtækjasala, netfang oskarthorberg@kompani.is.
s. 659-2555.
Það var mikið stuð á áhangendasvæðinu í Tel Avív þegar Hatari steig á svig á þriðjudaginn. FRÉTTABLAÐIÐ/BENEDIKT
1 8 . M A Í 2 0 1 9 L A U G A R D A G U R12 F R É T T I R ∙ F R É T T A B L A Ð I Ð