Fréttablaðið - 05.01.2013, Qupperneq 34

5. janúar 2013 LAUGARDAGUR| HELGIN | 34
Frúarleikfimi
og líkamsrækt
Að loknu jólafríi með tilheyrandi veisluhöldum fyllist fólk
gjarnan fítonskrafti og skundar í ræktina. Í Ljósmyndasafni
Reykjavíkur er að finna margar myndir sem bera líkams-
ræktaráhuga fyrri tíma vitni. Hér eru nokkrar frá þeim
tíma er líkamsrækt fyrir almenning var að festa sig í sessi.
ÞOLFIMI TIL SÝNIS Jónína Ben stóð fyrir þolfimi-
sýningu á skemmtistaðnum Broadway í febrúar árið
1984.
MORGUNSTUND GEFUR GULL Í MUND Valdimar Örnólfsson stjórnaði morgunleikfimi í útvarpinu um
árabil. Þessi mynd er tekin árið 1962. MYND/LJÓSMYNDASAFN REYKJAVÍKUR
SKOKKAÐ Í ÁRBÆNUM Íbúar í Árbæjarhverfi skokka á vegum íþróttafélagsins Fylkis. Mynd úr tökunni
birtist í Vísi en þar sagði: „Konurnar og krakkarnir hlaupa 1 km, þarna upp að rauða húsinu og til
baka. Karlarnir hlaupa aftur á móti einn hring, sem er um það bil 2½ kílómetri. Þetta sagði skokkfólk i
Árbæjarhverfi, sem í framtíðinni ætlar að hittast tvisvar í viku við stíflubrúna á Elliðaánum og hlaupa
saman, sér til líkamlegrar og andlegrar upplyftingar.“
Í UPPHAFI ÁRS Myndin var tekin 1. janúar 1985 í líkamsræktinni Brautarholti 22. Í því húsi er í dag
karatefélagið Þórshamar.
FRÚARLEIKFIMI Leikfimisbolir og sokkabuxur voru staðalútbúnaður í svonefndri frúarleikfimi sem kennd var
hjá Júdódeild Ármanns árið 1977.
LEIKFIMI Hópur kvenna gerir leikfimisæfingar undir
stjórn Eddu Guðgeirsdóttur árið 1983. Myndin er
tekin í íþróttahúsi Háskóla Íslands.
LEIKFIMI Í LAUGARDAL Konur í leikfimi á gervigrasvellinum í Laugardal undir stjórn Jónínu Benediktsdóttur
íþróttakennara árið 1985.