Fréttablaðið - 07.11.2015, Blaðsíða 2

Vara við virkjunumVeður
Í dag er útlit fyrir suðvestanstrekkingsvind
með rigningu eða jafn vel slyddu öðru
hvoru, en skúrum fyrir austan. Hiti 2 til 7 stig.
Sjá SÍðu 62
trúfélög Tillögum tveggja presta
á kirkjuþingi í október um að þjóð­
kirkjan aflaði sér meiri eigin tekna
var fálega tekið af formanni fjár­
hagsnefndar kirkjuþingsins sem
taldi að þá myndi framlag úr ríkis­
sjóði minnka á móti.
Það var í umræðum um fjármál
kirkjunnar sem séra Vigfús Bjarni
Albertsson, sjúkrahúsprestur á
Landspítalanum, og séra Guð­
björg Arnardóttir, sóknarprestur á
Selfossi, vöktu máls á því að þjóð­
kirkjan hefði möguleika til þess að
skapa sjálfri sér tekjur.
„Ég er aðeins með smá hugleið­
ingar um hvar sú vinna stendur og
hvort það sé svona aðeins verið að
ræða það hvort kirkjan geti ekki
farið í meiri rekstur, aflað tekna.
Mér er þetta mjög hugleikið af því,
og ég hef haft orð á því áður, að
það eru svo ótrúlega mörg tækifæri
í gangi sem gætu flokkast undir
auknar tekjur fyrir okkur, sem við
sköpum sjálf,“ sagði séra Vigfús.
Fyrir sitt leyti sagðist séra Guð­
björg hafa eina tillögu: „Skógrækt
er tekjumöguleiki,“ sagði hún.
Séra Gísli Jónasson, formaður
fjárhagsnefndar kirkjuþings,
sagði þessi mál örugglega til skoð­
unar. „En á meðan við erum í þessu
umhverfi sem við erum í núna, og
vonandi losnum út úr, þá þurfum
við hins vegar að passa okkur bara
á einu: á meðan við erum í fjárla­
gaumhverfi og erum meðhöndluð
eins og hver önnur stofnun þá
koma allar svona sértekjur til frá­
dráttar,“ varaði Gísli við og undir­
strikaði það frekar:
„Þannig að það þarf að passa það
alveg sérstaklega í öllu reiknings­
haldi að sýna ekki sértekjur því
þær eru bara mínusaðar frá fjár­
veitingunni,“ ráðlagði formaður
fjárhagsnefndar þingheimi. Hann
benti enn fremur á að í fjárlaga­
frumvarpi fyrir næsta ár er reiknað
með nærri 230 milljóna króna sér­
tekjum í þeim lið sem merktur er
þjóðkirkjunni og Biskupsstofu.
Þeim lið í frumvarpinu mótmælti
Agnes M. Sigurðardóttir biskup í
bréfi til alþingismanna í október.
„Það skal áréttað að þjóðkirkjan
mun ekki hafa sértekjur á árinu
2016,“ segir í bréfi biskups. Kirkjan
telji að ákvæði samnings síns við
ríkið sé skýrt um að sértekjur eigi
ekki að lækka skuldbindingar rík­
isins gagnvart kirkjunni.
„Þannig að þetta er ekkert alveg
svona einfalt,“ sagði séra Gísli. „Að
minnsta kosti á meðan við erum í
þessu rugli sem við lendum í þegar
verið er að blanda þessu í fjárlögin.“
Þar vísaði séra Gísli í mál sem
fjárhagsnefnd Kirkjuþings reifaði
síðan í nefndaráliti. „Nefndin telur
mikilvægt að afgjald ríkisins af
kirkjujarðasamkomulaginu verði
ekki skráð á fjárlögum sem fram­
lag til þjóðkirkjunnar á fjárlagalið
innanríkisráðuneytisins heldur fært
í ríkisbókhaldi hjá fjármálaráðu­
neyti,“ sagði nefndin.
gar@frettabladid.is
Ráðlagt á kirkjuþingi
að sýna ekki sértekjur
Í umræðum um fjármál þjóðkirkjunnar á kirkjuþingi lögðu tveir prestar til að
aflað yrði meiri sértekna. Formaður fjárhagsnefndar þingsins varaði við því þar
sem það myndi leiða til skerts framlags úr ríkissjóði vegna fjárlagaumhverfis.
Séra Gísli Jónasson, formaður fjárhagsnefndar kirkjuþings, benti þingheimi á að
sértekjur gætu komið til frádráttar á ríkisframlagi. Fréttablaðið/Valli
VITA
Skógarhlíð 12
Sími 570 4444
Flogið með Icelandair
Skíðaferðir til Austurríkis
Vikuferðir til Saalbach
Verð frá 145.900 kr.*
og 12.500 Vildarpunktar
Á mann m.v. 2 í herbergi með hálfu fæði á
hótel Sport Aktiv 23. Janúar í 1 viku.
*Verð án Vildarpunkta 155.900 kr.
Það þarf að passa
það alveg sérstak-
lega í öllu reikningshaldi að
sýna ekki sértekjur því þær
eru bara mínusaðar frá
fjárveitingunni.
Séra Gísli Jónasson
formaður kirkjuþings
VÍSindi Trúaruppeldi gerir börn
kaldlyndari og refsiglaðari en upp­
eldi á heimilum trúlausra. Þetta eru
niðurstöður nýrrar rannsóknar,
sem birtar hafa verið í vísindatíma­
ritinu Current Biology.
Vísindamenn úr sjö háskólum
gerðu þessa rannsókn á nærri 1.200
börnum víðs vegar um heiminn.
Nærri fjórðungur barnanna var úr
kristnum fjölskyldum, 43 prósent
úr fjölskyldum múslima og rúm­
lega þriðjungur úr fjölskyldum
kristinna.
„Niðurstöður okkar,“ segir
í greininni, „ganga þvert á þá
almennu og viðteknu hugmynd
að börn frá heimilum trúaðra séu
meiri mannvinir og sýni öðrum
góðvild.“
Enn fremur ganga niðurstöð­
urnar þvert gegn þeirri hugmynd
að trú sé nauðsynleg fyrir þróun
siðferðiskenndar: „Þetta styður þá
hugmynd að undanhald trúarinnar
í siðferðilegri umræðu dragi ekki
úr manngæsku – satt að segja hefur
það þveröfug áhrif.“
Þá sýna niðurstöðurnar að trú­
hneigð ýti undir refsigleði barna.
Enn fremur virðast börn, sem koma
frá heimilum trúaðra, vera dóm­
harðari gagnvart öðrum.
Frá þessu er skýrt á vefsíðu breska
dagblaðsins The Guardian. Þar er
bent á að meirihluti íbúa jarðar­
innar standi í þeirri trú, að trú á guð
sé nauðsynleg fyrir siðferðið. – gb
Áhersla á
trú í uppeldi
ýtir undir
kaldlyndi
börn í kirkju. NordicphotoS/aFp
SkipulagSmál Samgöngustofa
hefur hafnað beiðni Þ.G. verktaka
um að koma upp tveimur bygg­
ingar krönum á Hlíðarendasvæð­
inu í Reykjavík.
Samgöngustofa metur það sem
svo að kranarnir kæmu til með að
slaga upp í aðflugsflöt minnstu
flugbrautar Reykjavíkurflugvallar.
Til stendur að reisa 600 íbúðir á
svæðinu og stærsta hótel landsins.
Valsmenn hf., eigandi bygg­
ingarlóðarinnar, hefur vísað á
samkomulag sem Hanna Birna
Kristjánsdóttir þáverandi innan­
ríkisráðherra og Jón Gnarr borgar­
stjóri undirrituðu um að loka ætti
norðaustur­suðvestur flugbraut­
inni síðla árs 2013. En síðan þá
hefur ekkert gerst af hálfu innan­
ríkisráðuneytisins.
Dagur B. Eggertsson, borgar­
stjóri Reykjavíkur, vildi í gær­
kvöldi ekki tjá sig um málið fyrr
en hann væri búinn að kynna sér
það betur. – srs, hmp
Mega ekki reisa
byggingarkrana
„Ef við myndum virkja hverja einustu á á Íslandi gætum við mögulega framleitt tíu prósent af því rafmagni sem Bretar nota,“ sagði Andri Snær Magnason
á blaðamannafundi sem hann og Björk Guðmundsdóttir boðuðu til í gær til að vara við virkjanaáformum stjórnvalda. „Ríkisstjórnin sem hefur aðeins
verið við völd í tvö ár hefur þegar planað að virkja 80 svæði á Íslandi. Talan er sem betur fer komin niður í 54 svæði nú,“ sagði Björk. Fréttablaðið/GVa
7 . n ó V e m b e r 2 0 1 5 l a u g a r d a g u r2 f r é t t i r ∙ f r é t t a b l a ð i ð