Árbók Nemendasambands Samvinnuskólans - 01.06.1977, Page 134

VETURINN 1971—72
3. FUNDUR
Fundur var haldinn í Skólafélagi Samvinnuskólans,
mánudaginn 18. október.
Formaður setti fundinn og skipaði Ólaf Sigurðsson sem
fundarstjóra og ritara Fanney Ólafsdóttur og Sigurlaugu
Stefánsdóttur. Ritari las að því loknu fundargerð síðasta
fundar.
Því næst voru ýmis mál tekin fyrir. Guðbjartur össur-
arson bar fram tillögu þess efnis að stofna til félagsskapar
er bæri nafnið Bókmenntafélag Samvinnuskólans. Hefði
það á dagskrá sinni að kynna bókmenntir og fá einnig
rithöfunda til þess arna. Undir tillöguna höfðu sjö annars
bekkingar og þrír fyrstu bekkingar ritað nöfn sín.
Valdimar gerði grein fyrir því að kaupfélagsstjóri hefði
greitt 5.000,00 kr. í tómstundasjóð fyrir hönd Kaupfélags
Samvinnuskólans. Sagði hann að samkvæmt lögunum ætti
að gera þetta, en hefði þrátt fyrir það ekki verið gert áð-
ur. Valdimar var ekki hlynntur tillögu Guðbjarts, þar sem
hann taldi hana seilast inn á svið leiklistarklúbbs. Hefðu
verið haldnir fyrirlestrar á vegum klúbbsins í fyrra, en
þeir verið illa sóttir.
Guðmundur Hermannsson mótmælti tillögu Guðbjarts.
Taldi hann leiklistarklúbb vera sýnd vanvirðing og kvað
formann klúbbsins vel stöðu sinni vaxinn og hafa fullan
áhuga á að standa sig í henni.
Ólafur Haraldsson vildi að einnig yrðu kvikmyndakynn-
ingar á vegum félagsins og stakk upp á Guðbjarti sem yf-
irmanni í því að útvega fyrirlesara.
Guðbjartur vildi leiðrétta þann misskilning að fólk héldi,
að hann vildi koma sér í embætti. Sagði hann að leiklistar-
klúbbur hefði þetta á stefnuskrá sinni, en það væri ekki
nóg, því það þyrfti að framkvæma hlutina. Ennfremur
hefði hann rætt persónulega við formann leiklistarklúbbs
130