Árbók Nemendasambands Samvinnuskólans - 01.06.1977, Síða 149

an hátt. Einu sinni á ári er farin kynningar- og keppnis-
ferð í Bifröst og þá haldin kvöldvaka sem talin er bera af
öðrum slíkum þar á staðnum. Af öðrum ólöstuðum mun
Pálmi Gíslason (1959) fulltrúi í Samvinnubankanum eiga
þar mestan hlut að máli. Þetta er jafnan tveggja daga ferð
og síðari daginn er keppt í ýmsum íþróttum. Nýbrautskráð-
ir nemendur fara einu sinni á vetri helgarferð í Bifröst og
síðustu ár hefur stjórn NSS farið þangað og kynnt starfið
og hafa kennslustundir verið teknar til þeirrar kynningar.
Við skólaslit hvert vor mætir svo fulltrúi stjórnar.
Eftir að Bifröst var gerð að orlofsheimili hefur NSS
haft þar eina viku á sumri fyrir sitt fólk. Hafa menn
skemmt sér þar mjög vel, rifjað upp gömul kynni og efnt
til nýrra. Loks má geta þess að ýmsir hópar NSS-manna
úti um land, en þar eru nemendasambandsmenn víða fjöl-
mennir, hafa efnt til eigin hátíða árlega sem hafa mælst
mjög vel fyrir. Er til dæmis sviðamessa NSS-manna á
Vopnafirði orðinn fastur liður í vetrarstarfi þar.
Eins og segir í 4. grein er annar aðaltilgangur NSS að
vinna að vexti og viðgangi Samvinnuskólans. Eftir að fram-
haldsdeildin var stofnuð komst mikill fjörkippur í um-
ræður um þetta mál og dagana 6. og 7. mars 1976 var efnt
til helgarráðstefnu um Samvinnuskólann og starfsemi NSS.
Til þessarar ráðstefnu var boðið öllum félögum sambands-
ins, fulltrúum nemenda í Bifröst svo og kennurum þar og
forvígismönnum samvinnuhreyfingarinnar. — Ráðstefnan
þótti heppnast mjög vel og þessa daga komu í Hamragarða
um eða yfir áttatíu samvinnuskólanemendur af ýmsum ár-
göngum og í raun varð þessi ráðstefna til að staðfesta enn
einu sinni að NSS er lifandi félagsskapur.
Ráðstefnustjóri var Hrafn Magnússon, en fyrsta fram-
söguerindið flutti sr. Guðmundur Sveinsson fyrrverandi
skólastjóri að Bifröst, var ræða hans mjög yfirgripsmikil
og fróðleg. Ræddi hann fyrst um þróun framhaldsmennt-
unar í ýmsum löndum Evrópu og í Bandaríkjunum. Þá
ræddi hann um frumvarp um viðskiptamenntun á fram-
haldsskólastigi og frumvarpið um fullorðinsfræðslu. Gat
10
145