Fréttablaðið - 10.12.2015, Blaðsíða 6

Okkar félagsmenn
hafa ekki lengur
stöðu til að hafa skoðun eða
setja fram sínar kröfur án
hótana.
Guðmundur
Ragnars son
formaður VM
Leikandi
jólagjöf
Gjafakort í Þjóðleikhúsið gleður
unga sem aldna, enda ávísun á
upplifun og ævintýri.
Hafðu samband við miðasölu
Þjóðleikhússins í síma 551 1200
eða á midasala@leikhusid.is
Töfrastund sem gleymist seint.
19
50
-
20
15
ÞJ
Ó
Ð
LE
IK
H
Ú
SI
Ð
65
Kjaramál „Við viljum hitta sem
flesta félagsmenn og við munum
ræða þá staðreynd að það mun
ekkert fást frá útgerðinni nema
henni verði stillt upp við vegg,“
segir Guðmundur Ragnarsson,
formaður VM – Félags vélstjóra og
málmiðnaðarmanna.
Á vef VM kemur fram að boðað
verði til funda milli jóla og nýárs til
að ræða stöðuna sem upp sé komin
í kjaraviðræðum félaga sjómanna
við Samtök fyrirtækja í sjávar­
útvegi (SFS), en þeim var frestað
á föstudag. Sjómenn hafa verið
samningslausir frá 2011.
Guðmundur segir upp komna
undarlega stöðu. Af hálfu útgerð­
anna sé með öllum ráðum unnið
á móti tilraunum verkalýðsfélag­
anna til að spyrna við fótum á
móti breytingum sem útgerðirnar
hafi komið á um borð í skipunum.
„Okkar félagsmenn hafa ekki
lengur stöðu til að hafa skoðun
eða setja fram sínar kröfur án
hótana,“ segir hann. Dæmi séu um
að mönnum hafi ekki bara verið
hótað brottrekstri, heldur útilokun
um ráðningu hjá öðrum útgerðum
innan SFS.
„Við glímum nú við nýja teg­
und útgerðarmanna. Ég hef ekki
kynnst neinu slíku frá því ég byrj­
aði að vinna við samningagerð,“
segir Guðmundur. Um sjö stórar
útgerðir ráði öllu. „Staðan er sú að
sjómenn andmæla ekki Þorsteini
Má í Samherja, Gunnþóri í Síldar­
vinnslunni, eða þeim á Höfn eða
í Vestmannaeyjum. Þetta er veru­
leikinn sem við glímum við.“
Í tilkynningu SFS um frestun við­
ræðnanna er áréttað að þeim hafi
ekki verið slitið og þær séu áfram
hjá ríkissáttasemjara. „Frá því
samningar voru lausir í ársbyrjun
2011 hafa sjómenn fengið hækkun
kauptryggingar og kaupliða í sam­
ræmi við hækkanir á almennum
markaði. Þótt samningar séu lausir
gildir síðasti kjarasamningur þar
til nýr kjarasamningur hefur verið
gerður,“ segir þar og bent er á að
tekjur sjómanna ráðist af fiskverði
á hverjum tíma. Þeir hafi því notið
þess góðæris sem verið hafi undan­
farin ár í sjávarútvegi.
SFS hafi lýst sig reiðubúin til
að reyna að ljúka samningum við
sjómenn fyrir næstu áramót. Full­
trúar sjómanna telji ekki ástæðu til
þess og hafi ákveðið að fresta við­
ræðum. „SFS er hins vegar ávallt
reiðubúið til viðræðna við fulltrúa
sjómanna um endurskoðun kjara­
samninga.“ olikr@frettabladid.is
Segjast glíma við nýja
tegund útgerðarmanna
Formaður VM segir útgerðir hafa hótað sjómönnum sem lýst hafi skoðunum
eða sett fram kröfur í kjaramálum. Viðræðum hefur verið frestað. SFS segir að
ekki standi á þeim. Samningar hafa verið lausir frá 2011.
Kona í Kasmír-héraði nyrst á Indlandi hengir upp chili-pipar til þerris í góða veðrinu, en þar er nú sumar. Fréttablaðið/EPa
SVÍÞjÓÐ Önnur hver lögreglurann­
sókn í Svíþjóð hefur ekki verið tekin
upp á ný þótt tilkynning hafi borist
um að lífsýni sem tekið var á sínum
tíma stemmi við lífsýni sem tekið
var síðar vegna rannsóknar á öðru
afbroti.
Í kjölfar frétta sænska blaðsins
Dagens Nyheter af þessu nú í vik­
unni hefur lögreglan í Gautaborg
hafið rannsókn á nauðgunarmáli
frá 2012. Þá lýsti kona því hvernig
hún var dregin inn í íbúð þar sem
tveir menn nauðuguðu henni. Líf­
sýni úr tveimur mönnum fundust
í líkama hennar og á buxum. Sam­
svörun fannst þá ekki í gagnabanka.
Í maí í fyrra fékk lögreglan til­
kynningu um samsvörun með nafni
viðkomandi. Nú segir lögreglan að
það hafi verið vegna mistaka sem
málið var ekki tekið upp á ný. – ibs
Mál ekki tekin
upp vegna fúsks
Kjaramál Kjarasamningur Starfs­
greinasambandsins (SGS) og Sam­
bands íslenskra sveitarfélaga var
samþykktur með yfir 90 prósentum
greiddra atkvæða. Kosningu um
samninginn, sem skrifað var undir
20. nóvember, lauk á miðnætti á
þriðjudagskvöld.
„Starfsgreinasambandið fór með
umboð 15 aðildarfélaga sinna og var
samningurinn samþykktur í öllum
félögunum,“ segir á vef SGS. Kjör­
sókn var 33,14 prósent. – óká
Níu af tíu hjá
SGS sögðu já
Sumar á Indlandi
Útgerðarmenn segja fulltrúa félaga sjómanna hafa kosið að fresta viðræðum við
Samtök fyrirtækja í sjávarútvegi (SFS). Fréttablaðið/StEFán
GriKKland Á fjórða hundrað
grískra lögreglumanna mættu að
landamærum landsins við Make­
dóníu í gær. Tilgangurinn var að
smala 2.500 flóttamönnum í 45
rútur og ferja þá til Aþenu, höfuð­
borgar landsins.
Flóttamennirnir verða hýstir
í flóttamannabúðum á tveimur
íþróttaleikvöngum sem byggðir
voru fyrir Ólympíuleikana árið
2004.
Fólkið hafði verið strand á landa­
mærunum í þrjár vikur, síðan
Makedónar ákváðu að hleypa ein­
ungis inn flóttamönnum frá stríðs­
hrjáðum svæðum.
Nokkrir þeirra höfðu mótmælt
undanfarið með því að sauma
saman varir sínar. Flóttamennirnir
sem um ræðir eru að mestu leyti frá
Íran, Pakistan, Bangladess, Sómalíu
og Marokkó.
Til stympinga kom milli um
þrjátíu flóttamanna og lögreglu.
Ákveðið var að flóttamennirnir
uppreisnargjörnu yrðu fluttir á
lögreglustöð. – þea
Á þriðja þúsund
flóttamanna
flutt til Aþenu
1 0 . d e S e m b e r 2 0 1 5 F i m m T U d a G U r6 F r é T T i r ∙ F r é T T a b l a Ð i Ð