Fréttablaðið - 12.04.2017, Qupperneq 44

Vigdís Ylfa starfar á sölu-sviði hjá heildversluninni Innnesi. Að auki gefur hún
uppskriftir á vefnum gerum-
daginngirnilegan.is sem margir
kannast við. Uppáhalds páska-
matur hennar er lambahryggur
að hætti ömmu hennar, Herdísar.
„Þetta er gamaldags hryggur sem
svíkur engan,“ segir hún. „Mamma
er alltaf með hamborgarhrygg,
sykurbrúnaðar kartöflur og
rósakál. Það er mikið um matar-
veislur og kaffiboð yfir hátíðirnar
hjá henni. Þegar við mæðgurnar
erum saman erum við alltaf að
brasa í eldhúsinu og útbúum ein-
hverja gómsæta rétti. Núna um
páskana ætla ég að elda og borða
góðan mat með fjölskyldunni og
njóta samverunnar með henni.
Ég hlakka mikið til að vera heima
í fríi og slaka á með strákunum
mínum,“ segir Vigdís en hún og
eiginmaður hennar eiga tvo syni
og labradorhund.
Flott matarboð
„Ég ætla að bjóða litlu systur
minni og kærasta hennar í matar-
boð á skírdag. Þá verð ég með
humar og rækjur í forrétt og
kálfa-rib eye með teryakisósu í
aðalrétt. Í eftirrétt hafði ég svo
hugsað mér að hafa crème brȗlée.
Annars elda ég mjög hefðbundinn
mat heima en er frekar dugleg að
prófa nýja rétti og nýjar samsetn-
ingar. Mér finnst skemmtilegast
að elda fisk, gera djúsí eftirrétti og
kökur. Yfir hátíðardaga, eins og
páska, er yfirleitt veisla á mínum
bæ.
Mér finnst fátt skemmtilegra
en að elda góðan og fjölbreyttan
mat og dekka borðstofuborðið
upp með fallegu skrauti. Yfirleitt
elda ég alltof mikið þannig að
það endar yfirleitt á því að ég býð
systrum mínum að koma í mat til
okkar,“ segir Vigdís og gefur hér
girnilegar uppskriftir.
Þegar við mæðg-
urnar erum saman
erum við alltaf að brasa
í eldhúsinu og útbúum
einhverja gómsæta rétti.
Vigdís Ylfa Hreinsdóttir
Elín
Albertsdóttir
elin@365.is
H
V
ÍT
A
H
Ú
S
IÐ
/
S
ÍA
–
1
5–
05
90
Úrval af mildum og ómótstæðilegum
ostum á veisluborðið. Dala-Auður,
Dala-Kastali og Dala-Camembert
fullkomna veisluna.
ÚR DÖLUNUM
PÁSKAÞRENNAPá Pá
Vigdís Ylfa
Hreinsdóttir
gefur lesendum
dýrindis páska-
uppskriftir.
MYND/EYÞÓR
Girnileg andabringa með góðu grænmeti.
Heimagert páskaegg.
Andabringur og fyllt páskaegg
Andabringur eru frábær hátíðarmatur. Vigdís Ylfa Hreinsdóttir matreiðslumaður segir að anda-
bringur séu í miklu uppáhaldi hjá sér. Hún gefur uppskrift að páskamatnum og góðum eftirrétti.
„Andabringur er í sérlegu uppá-
haldi hjá mér núna og þess vegna
langar mig til þess að deila því
með ykkur hvernig ég elda þær.
Svo er mjög sniðugt að nota
afganginn í pinnamat eða á osta-
bakkann.“
Andabringur
Grænmeti að eigin vali
Salt og pipar
Best er að byrja á því að snyrta
bringurnar með því að taka sinar
og snyrta fitu. Skerið síðan rákir í
fituna án þess að skera í kjötið.
Hitið pönnu og steikið bring-
urnar á fituhliðinni. Ekki hafa of
háan hita því þá brennur fitan,
hún á bara að vera vel stökk.
Fleytið allri umfram fitu af
pönnunni meðan á steikingunni
stendur, geymið fituna og notið
hana síðar til að steikja græn-
meti. Steikið bringurnar í um
það bil sex mínútur á fitunni og
snúið síðan við og steikið í tvær
mínútur.
Bragðbætið bringurnar með
salti og pipar. Setjið í 180°C
heitan ofn í 8-10 mínútur. Látið
bringurnar hvíla í 15 mínútur
áður en þær eru skornar í sneiðar.
Ljúffengar andabringur
„Þetta páskaegg er dásamlega gott,
algjört æði sem eftirréttur með
ferskum berjum. Það er líka hægt
að nota dekkra súkkulaði, en ég
geri oft mismunandi páskaegg og
leyfi börnunum alltaf að taka þátt.“
100 g mjólkursúkkulaði (ég nota
Milka)
200 g rjómaostur (t.d. Phila-
delphia)
120 g Dumle-karamellur
60 ml rjómi
1 msk. smjör
Bræðið súkkulaðið og setjið í
páskaeggjaform. Súkkulaðið á
eingöngu að fylla skelina en eggið
á að vera holt að innan. Kælið í
30 mínútur í ísskáp og losið síðan
varlega úr formunum. Sjóðið upp
á rjómanum og bætið karamellun-
um út í. Hærið vel en bætið síðan
smjörinu saman við og kælið.
Þeytið upp rjómaostinn og
blandið karamellublöndunni
saman við. Fyllið eggin með
blöndunni.
Páskadesert með karamellu rjómaostsfyllingu
10 KYNNINGARBLAÐ 1 2 . A P R Í L 2 0 1 7 M I ÐV I KU DAG U R