Fréttablaðið - 17.12.2015, Side 60

s p o r t ∙ F r É t t A B L A ð i ð
Abby kyssir eiginkonu sína, Söruh
Huffman, eftir að langþráður heims-
meistaratitill var í höfn hjá Wambach
síðasta sumar. FréttAblAðið/Getty
Abby Wambach togar hér í treyju Guðlaugar Jónsdóttur í landsleik bandaríkjanna
á móti Íslandi árið 2005. Ólína Viðarsdóttir fylgist vel með. FréttAblAðið/Getty
FótBoLti Það féllu örugglega mörg tár
á kveðjustund Abby Wambach í New
Orleans í nótt. Það er nefnilega ekki á
hverjum degi sem leikmaður á borð
við Abby Wambach setur skóna upp
á hillu.
Það var kannski við hæfi að hún hafi
í raun spilað fullt af kveðjuleikjum því
bandaríska landsliðið hefur fagnað
heimsmeistaratitlinum frá því í sumar
með því að spila tíu leiki um öll Banda-
ríkin. Sá síðasti af þeim var á móti Kína
í nótt.
Í tæp fimmtán ár hefur Abby Wam-
bach farið fyrir einu besta landsliði
heims, unnið allt sem hægt er að vinna
og skorað fleiri landsliðsmörk en
nokkur annar í sögunni, karl eða kona.
Það er ekki nóg með að Abby Wam-
bach hafi skorað 184 mörk í 255 lands-
leikjum, skorað 24 mörk á stórmótum,
unnið tvö Ólympíugull og einn heims-
meistaratitil. Hún hefur einnig farið
fyrir liðinu innan sem utan vallar og
oftar en ekki vakið athygli á stöðu
kvenna innan íþróttaheimsins.
Umræddur heimsmeistaratitill ætl-
aði þó aldrei að komast í hús. Brons á
fyrstu tveimur heimsmeistaramótun-
um og tap í vítakeppni í úrslitaleiknum
fyrir fjórum árum. Abby talaði um það
í langan tíma að það eina sem vantaði
væri að vinna heimsmeistaratitilinn.
Það tókst ekki fyrr en í fjórðu tilraun.
Sumir bjuggust við að sjá Abby
Wambach spila eitt ár í viðbót og
bæta við þriðja Ólympíugullinu í Ríó
á næst ári en hún vissi að hennar tími
er kominn. „Sú staðreynd að ég hafði
ekki unnið heimsmeistaratitilinn gerði
það að verkum að ég píndi mig áfram
síðasta eina og hálfa árið. Ef við hefðum
unnið HM 2011 hefði ég líka hætt eftir
gullið á Ólympíuleikunum árið eftir,“
sagði Wambach.
Abby Wambach bætti markamet
Miu Hamm árið 2013 og varð enn
fremur árið 2012 fyrsta bandaríska
knattspyrnukonan í heilan áratug til
að vera kosin besta knattspyrnukona
heims eða síðan Hamm fékk þau verð-
laun síðast.
Það er sama hvar borið er niður
meðal liðsfélaga hennar, allir líta jafn
mikið upp til hennar.
„Hún kemur okkur af stað. Það er
hennar hlutverk. Hún er leiðtogi. Hún
bölvar, hún öskrar. Hún er leikmaður
sem fórnar sér í allt og gerir allt sem
hún getur til að vinna,“ sagði Carli
Lloyd, besti leikmaður bandaríska
landsliðsins á HM í Kanada.
„Hún hefur verið andlit kvennafót-
boltans í svo mörg ár. Abby er fótbolta-
kona sem við munum tala um í mörg
ár til viðbótar,“ sagði Alex Morgan sem
verður nú aðalframherji bandaríska
landsliðsins.
Sú virðing sem Abby hefur unnið
sér á sér fáar hliðstæður. Rochester,
borgin sem hún er frá, heldur upp á
Abby Wambach dag 20. júlí og hún
fékk einnig lykil að borginni árið 2011.
„Það sem Abby kenndi mér í gegn-
um árin er að vera djörf, hugrökk og
ekta. Þannig fyllt hún mig eldmóði og
þannig hreif hún okkur með sér. Hana
dreymir stóra drauma og hún notar
stór orð. Allt sem hún gerir er stórt,“
sagði landsliðskonan Heather O'Reilly.
Wambach talaði líka um það að það
hefði verið auðveldara að stíga frá borði
nú þegar hún var komin í mun minna
hlutverk innan liðsins en Wambach
byrjaði á varamannabekknum stærsta
hluta heimsmeistaramótsins síðasta
sumar.
Baráttukonan Abby Wambach er
hins vegar ekki að leggjast í helgan
stein. Það sjá allir hana fyrir sér sem
lykilpersónu í baráttu fyrir jafnrétti
kvenna og karla í fótboltaheiminum.
Hún hefur líka talað um það sjálf. Abby
Wambach þorir að segja sitt álit og
berjast fyrir því sem hún trúir á. Hún
hefur þegar hjálpað kvennafótboltan-
um að vaxa og dafna sem leikmaður og
hver veit nema hún sé ein af konunum
sem munu láta til sín taka innan FIFA í
framtíðinni.  ooj@frettabladid.is
Kveðjustund
Abby Wambach varð heimsmeist-
ari í fyrsta sinn á HM í Kanada
síðasta sumar en það var hennar
fjórða heimsmeistaramót.
FréttAblAðið/Getty
Abby Wambach spilaði í nótt sinn 255. og síðasta leik fyrir bandaríska kvenna-
landsliðið í fótbolta en þar með er á enda stórbrotinn ferill markahæsta lands-
liðsmanns knattspyrnusögunnar. Leiðtogi bandaríska landsliðsins síðustu ár
kveður sem heimsmeistari en er örugglega ekki hætt að segja sína skoðun.
hjá engri venjulegri
knattspyrnukonu
Abby Wambach hafði fyrir leikinn í nótt skorað 184 mörk fyrir banda-
ríska landsliðið og komst á blað á móti 33 þjóðum á landsliðsferli sínum.
Abby Wambach hefur sýnt mátt sinn í landsleikjum á móti Íslandi frá
þeim fyrsta í júní 2003. Wambach spilaði sinn níunda og síðasta lands-
leik á móti Íslandi á Algarve-mótinu í mars og það var jafnframt í fyrsta
og eina sinn sem hún fagnaði ekki sigri í landsleik á móti Íslandi.
Wambach hefur skorað flest mörk á móti Mexíkó eða 24 talsins. Hún
hefur skorað 11 mörk á móti Kosta Ríka, Noregi og Svíþjóð. Ísland er þar
í níunda sætinu en Japan, Kína og Írland eru einnig fyrir ofan Ísland á
markalista Abby Wambach.
Wambach skoraði tvennu í fyrstu tveimur landsleikjum sínum á móti
Íslandi 2003 og 2004 og hún skoraði einnig bæði mörkin í 2-1 sigri í
október 2006. Íslensku stelpunum tókst hins vegar að stoppa hana í
þremur af síðustu fjórum leikjum.
Skoraði átta af mörkunum sínum á móti Íslandi
Það sem Abby
kenndi mér í
gegnum árin er að vera djörf,
hugrökk og ekta.
Heather O’Reilly, liðsfélagi Abby Wam-
bach í bandaríska landsliðinu.
1 7 . d e s e m B e r 2 0 1 5 F i m m t U d A G U r44