Fréttablaðið - 18.04.2015, Blaðsíða 4

18. apríl 2015 LAUGARDAGUR| FRÉTTIR | 4
422 sveppasýni
frá 143 stöðum á
landinu voru
greind hjá
Náttúrufræði-
stofnun árið
2014.
100 króna
gistinátta-
skattur
hefur skilað
670 millj-
ónum frá
2012.
10-15
milljarða
mun nýtt 5 stjörnu hótel við hlið
Hörpu kosta.
900
hjúkrunarfræðingar
mega hætta störfum sökum aldurs
á næstu þremur árum– 400 til 500
hjúkrunarfræðingar útskrifast á
tímabilinu.
4.000 tonn
af metanóli er framleiðslugeta
Carbon Recycling Int. eftir stækkun
verksmiðju.
13.4.2015 ➜ 19.4.2015
90%
landsmanna
vilja að Kiwanis-
hreyfingin og
Eimskip fái að gefa grunn-
skólabörnum reiðhjólahjálma
og fræðsluefni.
100
TONN
af sandi voru notuð til
hálkuvarna í þjóðgarðinum á
Þingvöllum árið 2014.
6 milljarða
króna framkvæmdir eru fyrir-
hugaðar í Bláa lóninu.
20 KÍLÓUM
af fíkniefnum reyndu
hollenskar mæðgur að smygla
til landsins.
24 farþegar
voru færðir frá borði hvala-
skoðunarbáts þegar reykur
kom upp í vélarrými.
17 til 70%
kröfur eru
uppi hjá
stéttar-
félög-
unum.
VITA er lífið
VITA | Skógarhlíð 12 | Sími 570 4444
Skráðu þig í netklúbbinn - VITA.is
Tilboðsverð frá 89.900 kr.
ÍS
LE
N
SK
A
SI
A
.I
S
V
IT
7
41
19
0
42
01
5
10 sæti laus
Síðustu sætin
í aprílsólina!
Alicante
24. apríl – 1.maí
miðað við 2 í herbergi með hálfu fæði á Albir Playa
Flugsæti til og frá Alicante 49.900 kr.
SKÓLAMÁL Nemendur í Réttarholtsskóla vilja að
aðstoðarskólastjórinn Jón Pétur Zimsen taki við sem
skólastjóri nú þegar Hilmar Hilmarsson er að hætta.
„Við tökum ekki annað í mál og óskum eftir því að
Jón Pétur Zimsen taki við stöðu skólastjóra,“ segir
í yfirlýsingu sem fulltrúar nemendaráðsins í Réttó
afhentu í gær Ragnari Þorsteinssyni, sviðsstjóra
skóla- og frístundasviðs Reykjavíkurborgar. Með
fylgdu undirskriftir langflestra af ríflega 300 nem-
endum skólans. Jón Pétur er einn tæplega tuttugu
sem sóttu um stöðuna.
„Jón Pétur Zimsen er opinn og heiðarlegur og vill
öllum vel og er jafnframt mikill gleðigjafi,“ segir í
yfirlýsingu nemendanna. „Réttar holtsskóli er okkar
annað heimili og okkur vill líða vel hér og það er
stefna Jóns Péturs, hann er eins konar pabbi nem-
enda.“
Nemendurnir vonast til að mark verði tekið á þeim,
„þar sem við höfum líka rödd og svo Réttar holtsskóli
geti haldið áfram að vera ein stór fjölskylda í kom-
andi framtíð.“
Einn nemendaráðsmanna undirstrikar að nemend-
urnir standi að málinu á eigin spýtur. „Þetta er alfar-
ið við að hugsa um framtíð annarra krakka. Okkur
finnst eins og Reykjavíkurborg sé löngu búin að
ákveða sig að ráða konu til að fá jafnrétti. En okkur
finnst ekki að kyn eigi að skipta máli heldur aðeins
hæfni reynsla og árangur – þar sem Jón skorar 10 í
öllum flokkum,“ segir Styrmir Steinn Sverrisson. - gar
Nær allir nemendur í Réttó fylkja sér að baki aðstoðarskólastjóranum:
Tökum ekki annan en Jón í mál
VEL TEKIÐ Fulltrúar úr nemendaráði Réttó segjast hafa feng-
ið frábærar móttökur þegar þau afhentu Ragnari Þorsteins-
syni undirskriftirnar í gær.
SAMFÉLAGSMÁL Sýslumannsemb-
ætti utan höfuðborgarsvæðisins
hafa aðeins tvisvar úrskurðað um
umgengni forræðislauss foreldris
sjö daga af hverjum fjórtán síðan
þeim var veitt heimild til þess.
Heimildin var veitt þegar breyting-
ar á barnalögum tóku gildi 1. janúar
2013.
Þetta kemur
fram í svari
innanríkisráðu-
neytisins við
fyrirspurn Guð-
mundar Stein-
grímssonar, for-
manns Bjartrar
framtíðar.
Sýslumaðurinn á Sauðárkróki
og sýslumaðurinn á Höfn hafa í
hvort skiptið úrskurðað um slíka
umgengni en önnur sýslumanns-
embætti ekki. Á árunum 2013 og
2014 hafa þessi embætti úrskurðað
í alls 33 málum. Í þessum málum
hefur niðurstaðan verið umgengni
við föður í 25 skipti en móður í
fimm skipti.
Guðmundur segir það vonbrigði
að aðeins hafi verið úrskurðað
tvisvar um jafna umgengni, viku og
viku. „Það er ekkert minnst á mjög
umfangsmiklar rannsóknir sem
hafa verið gerðar á þessu á Íslandi
sem sýna að jöfn umgengni kemur
mjög vel út fyrir börn. Ég óttast að
sýslumannsembættin og ráðuneytið
séu ekki alveg nógu víðsýn þegar
kemur að þessu,“ segir Guðmundur.
Í svarinu er tekið fram að
umgengnismálum hjá sýslumönn-
um geti lokið með öðrum hætti en
með úrskurði, til að mynda með
samkomulagi um umgengni, sem
er algengast.
Í svarinu kemur einnig fram
að úrskurðir í umgengnismálum
séu ekki birtir almenningi, held-
ur aðeins á sérstökum úrskurða-
vef sem eingöngu sýslumenn hafa
aðgang að. Guðmundur gagnrýnir
þetta fyrirkomulag.
„Mér finnst þetta undarlegt. Alls
konar úrskurðir í alls konar við-
kvæmum persónulegum málum eru
birtir, auðvitað undir nafnleynd og
eiga ekki að vera persónurekjanleg-
ir. Mér finnst ráðuneytið ekki svara
nægilega fyrir það af hverju þetta
er bara birt á lokuðum vef. Þetta
eru viðkvæm mál en það er þess
vegna mjög mikilvægt að þau séu
meðhöndluð vel og gagnsæi er ein
besta leiðin til að skapa hvata fyrir
kerfið til að meðhöndla viðkvæm
mál vel. Því er ábótavant þarna,“
segir Guðmundur.
fanney@frettabladid.is
Upplýsingum um umgengnis-
mál ábótavant segir þingmaður
Sýslumannsembættið á Sauðárkróki og embættið á Höfn hafa aðeins einu sinni úrskurðað viku og viku um-
gengni foreldra við börn sín frá 1. janúar 2013. Önnur embætti aldrei, en óljóst er um höfuðborgarsvæðið.
GUÐMUNDUR
STEINGRÍMSSON
VERA SAMAN Guðmundur Steingrímsson þingmaður segist óttast að sýslumannsembætti og ráðuneyti séu ekki nægilega víð-
sýn þegar kemur að jafnri umgengni foreldra við börn sín. NORDICPHOTOS/GETTY
Í svari innanríkisráðuneytisins fást ekki tölur um skiptingu
úrskurða um umgengni milli kyns foreldra eða aldurs barna
frá sýslumanninum á höfuðborgarsvæðinu, en á þessum
tveimur árum úrskurðaði embættið í 88 málum. Ljóst er
að umsvif þess embættis eru langsamlega mest í þessum
málaflokki.
Guðmundur Steingrímsson, formaður Bjartrar framtíðar,
sem óskaði eftir gögnunum frá ráðuneytinu, segir bagalegt
að nánari upplýsingar fáist ekki frá sýslumannsembætti
höfuðborgarsvæðisins. „Mig langaði að sjá tölfræðina á bak
við þessa úrskurði. Þessar niðurstöður styðja grunsemdir
manns um að það séu aðallega feður sem eru umgengnis-
foreldrar og ég geri ráð fyrir að þetta sé eins á höfuðborgar-
svæðinu og annars staðar.“
UMGENGNISFORELDRAR AÐALLEGA FEÐUR
ÍRAK Izzat Ibrahim al-Douri,
fyrrverandi varaforseti
byltingar ráðsins í Írak og einn
helsti bandamaður Saddams
Hussein, er talinn hafa verið
drepinn í skotbardaga norður af
Bagdad í gær.
Izzat Ibrahim er einn þeirra
sem náðu að flýja Írak í kjölfar
innrásar Bandaríkjanna árið
2003. Hann varð 72 ára í ár. Lítið
hefur spurst til hans síðan en
talið er að hann hafi verið einn af
heilunum á bak við hernaðarað-
gerðir Íslamska ríkisins. Hann
var drepinn í skotbardaga við
stjórnarher Íraka í Salahuddin-
héraðinu í Norður-Írak. Frétta-
stofan Al-Arabiya birti myndir af
líki sem talið er vera líkamsleifar
Izzats Ibrahim. - srs
Izzat Ibrahim drepinn í Írak:
Drápu hægri
hönd Saddams
HÁTT SETTUR Izzat var varaforseti
byltingaráðsins í Írak. MYND/AFP
NEYTENDUR Innkalla þarf þrjár
Mercedes Benz-bifreiðar af gerð-
inni E-Class og CLS-Class sam-
kvæmt tilkynningu bílaumboðs-
ins Öskju til Neytendastofu.
„Ástæða innköllunarinnar er að
möguleiki er á að gúmmíþétting
í vélarsal gæti losnað og komist
í snertingu við pústið. Auka þarf
klemmur sem halda þétti kanti í
vélarsal,“ segir í umfjöllun Neyt-
endastofu. Þá kemur fram að
umboðið komi einnig til með að
hringja í eigendur bifreiðanna
vegna innköllunarinnar. - óká
Gúmmíþétting gæti losnað:
Askja innkallar
Mercedes Benz
★★★★★