Fréttablaðið - 18.04.2015, Qupperneq 90

18. apríl 2015 LAUGARDAGUR| HELGIN KRAKKAR | 46
Bragi Halldórsson
144
Svar: Takið efstu eldspýtuna á fyrsta kassanum og færið hana fyrir neðan hægri eldspýtuna, þá eru þið komin með töluna fjóra.
Færið svo eldspýtuna sem er vinstra megin í miðkassanum og setjið hana þvert inn í kassann, þá eru þið komin með töluna þrjá.
Gestur á veitingastað: Hvaða
vín eru í boði?
Þjónninn: Rauðvín og
hvítvín.
Gesturinn: Skiptir engu máli.
Ég er hvort sem er lit-
blindur.
Presturinn: Hlustar þú
nokkuð á samvisku þína?
Palli: Nei, á hvaða rás er hún?
Kennarinn: Nefndu mér eitt-
hvert dýr sem þú veist um,
Hákon.
Hákon: Api.
Kennarinn: Já, segðu mér
eitt hvað um apann.
Hákon: Hann getur klifrað
upp í tré.
Kennarinn: Hvað meira?
Hákon: Hann getur klifrað
niður aft ur.
Brandarar
„Ég bjó til textann og laglínuna en Maggi undir-
spilið. Textinn samdi sig samt eiginlega sjálfur
því ég fékk orðin frá krökkunum,“ segir Salka
Sól um lagið „Það sem skiptir mestu máli“ sem
hún flytur á opnunarhátíð Barnamenningar-
hátíðar í Hörpu á þriðjudaginn. Sá Maggi sem
hún nefnir er Magnús Jónsson (Gnúsi) og hann
er í hljómsveitinni AmabAdamA, eins og hún.
En hvaða krakka er hún að tala um?
„Krakkarnir í fjórða bekk allra skóla í Reykja-
vík fengu fræðslu í tengslum við 100 ára kosn-
ingaafmæli kvenna um mikilvægi þess að allir
fái að segja sína skoðun og hafa áhrif á sam-
félagið. Allir komu með tillögur og svo var ein
valin úr hverjum bekk. Svo fékk ég allar setn-
ingarnar.“
Var ekkert mál að búa til texta úr þeim?
Nei, það var bara æðislegt. Þetta voru svo fal-
legar setningar og óskir hjá krökkunum og ég
reyndi að nota eiginlega allt sem þau nefndu.
Svo tók ég það sem stóð mest upp úr; frið,
jafnrétti, ást og öryggi, í viðlagið. Það voru
mikilvægustu skilaboðin.
Mér fannst líka jákvætt hvað margir töluðu
um hvað væri frábært að geta verið í skóla
og ein skilaboðin voru: Hættum að tala um
stelpu- og strákadót og -föt. Ég notaði það í
textann. Ég var svo sammála öllum hugmynd-
unum og svo glöð að sjá svona unga krakka
með sterkar skoðanir. Mér finnst líka æðis-
legt að það sé verið að ræða svona mál inni í
bekkjunum.“
Hlakkarðu til að flytja lagið opinberlega?
„Já, á opnunarhátíðinni í Hörpu koma allir
fjórðubekkingar saman og þar verður lagið
frumflutt. Þetta er æðislegt verkefni á vegum
Reykjavíkurborgar og bókmenntaborgar
UNESCO.“
Varst þú lítil þegar þú ákvaðst að verða söng-
kona?
„Ja, það blundaði alltaf í mér. Ég hafði rosa-
lega gaman af að syngja og var alltaf syngj-
andi en þorði ekkert mikið að syngja fyrir
aðra. En fyrir svona einu og hálfu ári tók ég
meðvitaða ákvörðun um að ég ætlaði að verða
söngkona og það var æðislegt að fá viður-
kenninguna Söngkona ársins strax á fyrsta
árinu. Ég hafði verið í leynum með þetta alltof
lengi.“
Er alltaf brjálað að gera?
„Já, það er alltaf brjálað að gera en ég get ekki
kvartað yfir því. Það er nú bara svoleiðis.“
Syngur mikilvægustu
skilaboð barnanna
Söngstjarnan Salka Sól Eyfj örð samdi textann við lagið „Það sem skiptir mestu
máli“ út frá réttlætisóskum nemenda fj órða bekkjar í grunnskólum Reykjavíkur.
SÖNGKONAN „Ég hafði rosalega gaman af að syngja og var alltaf syngjandi en þorði ekkert mikið að syngja fyrir aðra.“
FRÉTTABLAÐIÐ/VALLI
114.990,-
89.990,-
ÚRVALIÐ
ER HJÁ OKKUR!