Fréttablaðið - 19.12.2015, Blaðsíða 70

FÓLK| HELGIN
Gleðilegt uppeldi
Margrét Pála Ólafsdóttir
Eitthvað á stærð við alheiminn
Jón Kalman Stefánsson
Árið með heimspekingum
Dagbók 2016
Ýmsar
Þrettán dagar til jóla
Brian Pilkington
2.
3.
4.
Spámennirnir í Botnleysufirði
Kim Leine
Geirmundar saga heljarskinns
Bergsveinn Birgisson
Þín eigin goðsaga
Ævar Þór Benediktsson
Jólin koma
Jóhannes úr Kötlum
Hundadagar
Einar Már Guðmundsson
6.
8.
9.
10.
1.
METSÖLULISTI
Bókabúðar
Máls og menningar
10. - 17. des 2015
5.
7.
Stóri skjálfti
Auður Jónsdóttir
Ég hef alltaf verið Star Wars fan. Ég á minningar um Darth Vader frá því ég var
pínulítil og hann er minn uppá-
halds Star Wars-karakter,“ segir
Sigurlína Ingvarsdóttir, yfirfram-
leiðandi tölvuleiksins Star Wars:
Battlefront.
Sigurlína er búsett í Stokkhólmi
og stýrir framleiðslu leiksins hjá
DICE, dótturfyrirtæki EA. Hún
situr einnig í framkvæmdastjórn
fyrirtækisins og vinnur náið með
markaðsdeildinni að gerð mark-
aðsherferðar fyrir leikinn. Þá er
hún í nánu samstarfi við Lucas-
film sem á Star Wars og því kemur
ekki á óvart að henni leiðist lítið í
vinnunni.
„Vinnan mín er ótrúlega marg-
breytileg og ég fer frá því að ræða
smæstu smáatriði í leiknum eins
og hvernig persónur líta út og
hreyfa sig í það að ræða langtíma-
strategíu Star Wars tölvuleikja hjá
EA. Talsverður hluti af vinnunni
minni felst í að sinna viðtölum og
kynningu á leiknum, til dæmis á
leikjaráðstefnum. Það eru engir
tveir dagar eins hjá mér,“ segir
Sigurlína.
FYLGDUST MEÐ TÖKUM
Í ABU DHABI
„Við höfum verið að vinna með
Lucasfilm sérstaklega að því að
koma plánetunni Jakku að, en
The Force Awakens gerist að
miklu leyti þar. Jakku er eyði-
merkurpláneta þar sem við sjáum
leifar mikillar orrustu sem gerðist
löngu áður en atburðir The Force
Awakens gerast. Þessa atburði
má sjá í Star Wars Battlefront og
við þurftum því að fá upplýsingar
um The Force Awakens á meðan
myndin var í framleiðslu og teymi
frá okkur fór á settið í Abu Dhabi
þar sem atriðin sem gerast á
Jakku voru tekin upp.“
Star Wars Battlefront hefur
verið í þróun í rúm tvö ár. Sem
yfirframleiðandi stýrir Sigurlína
þróunarteymi leiksins og fylgist
með á öllum stigum. Hún vinnur
með öllum stjórnendum leikja-
teymisins, svo sem leikjahönnuð-
inum, listrænum stjórnanda,
tæknilegum stjórnanda, yfirhljóð-
hönnuði og verkefnastjóra að
leiknum frá hugmynd til útkomins
leiks. Þá upplýsir hún hagsmuna-
aðila innan og utan EA um hver
staða framleiðslunnar er á hverj-
um tíma. „Þetta er ótrúlega flókið
og spennandi ferli, sambland af
vísindum og list og fólkið sem
vinnur við tölvuleikjagerð er upp
til hópa fært, frjótt og metnaðar-
gjarnt og hefur mikla ástríðu fyrir
starfinu sínu,“ segir Sigurlína.
EN ÚT Á HVAÐ
GENGUR LEIKURINN?
„Star Wars Battlefront er fyrst
og fremst fjölspilunarskotleikur
í klassíska Star Wars heiminum,
sem við þekkjum úr fyrstu þrem-
ur Star Wars myndunum. Hann
gerist á snjóplánetunni Hoth,
eyðimerkurplánetunni Tatooine
og skógartunglinu við Endor auk
plánetunnar Sullust sem er hraun-
pláneta og að miklu leyti byggð
á Íslandi. Spilarinn spilar annað-
hvort í liði uppreisnarhersins
eða sem Stormtrooper í vonda
liðinu. Leikmennirnir geta líka
spilað sem hetjur eins og Luke
Skywalker, Leia Organa eða Han
Solo og illmenni eins og Darth
Vader, Boba Fett eða Keisarinn
og stýrt farartækjum eins og X-
Wings, A-Wings, TIE fighters og
TIE interceptors og svo AT-ST, að
ógleymdum Mill ennium Falcon og
Slave I, skipi Boba Fett.“
ERTU LEIKJANÖRÐUR SJÁLF?
„Ég hef spilað tölvuleiki frá því að
ég var barn og uppáhaldsleikirnir
mínir eru Tetris, Tekken, Civil-
ization III og The Last of Us. Ég á
nokkrar leikjavélar, þar á með-
al tvær PS4 og eina PS3.“
EYÐIR JÓLUNUM Í SÓLINNI
Sigurlína er nú komin í langþráð
frí eftir mikla vinnutörn síðustu
tvö árin. Hún segir starfið krefj-
andi og áhugamálin hafa setið á
hakanum. Hún nýti þó þann frí-
tíma sem gefst vel.
„Ég er bókaormur og les mikið
af fantasíum og vísindaskáldsög-
um auk fagbóka. Núna er ég að
lesa ævisögu Brynhildar Georgíu
Björnsdóttur eftir stórvinkonu
mína Ragnhildi Thorlacius. Auk
lestrar horfi ég á sjónvarpsseríur.
Svo reyni ég að eyða tíma með
dætrum mínum tveimur og við
Emma, átta ára, höfum gaman af
að fara saman á skauta. Við fjöl-
skyldan reynum að nota öll frí til
að ferðast enda auðvelt að fljúga
hvert sem er frá Stokkhólmi og
með Airbnb er auðvelt að finna
íbúð sem hentar fjögurra manna
fjölskyldu í borgarferð. Undan-
farin ár höfum við farið til Parísar,
Berlínar, Krakow, Tallinn, Hels-
inki, Prag, Madridar og Barcelona,
Vimmerby, Kaupmannahafnar
og erum akkúrat núna í Hua Hin
í Taí landi, þar sem við ætlum að
eyða jólunum í sólinni.“
HELDUR UPP Á
SVARTHÖFÐA
STJÖRNUSTRÍÐ Star Wars æðið stendur nú sem hæst en nýjasta kvikmyndin,
The Force Awakens, var frumsýnd í vikunni. Sigurlína Ingvarsdóttir leggur sitt
af mörkum sem yfirframleiðandi tölvuleiksins Star Wars: Battlefront.
STAR WARS AÐDÁANDI Starf Sigurlínu sem yfirframleiðanda Star Wars Battlefront er fjölbreytt og spennandi. Hún segist leikj-
anörður sjálf og hennar uppáhaldspersóna er Svarthöfði. MYND/SIGURLÍNA INGVARSDÓTTIR
THE DARK SIDE Svarthöfði er í uppáhaldi margra aðdáenda Star Wars, og Sigurlínu
þar á meðal. MYND/EA