Fréttablaðið - 19.12.2015, Blaðsíða 120

Tilkynningar um merkis atburði, stórafmæli og
útfarir má senda á netfangið timamot@365.is.
Auglýsingar á að senda á auglysingar@frettabladid.is eða
hringja í síma 512 5000.
Jólapakkaskákmót Hugins verður haldið
dag í Ráðhúsi Reykjavíkur. Formaður
borgarráðs, Björn Blöndal, setur mótið
og leikur fyrsta leikinn. Mótið er fyrir
börn og unglinga og fer nú fram í 18.
skipti en það var fyrst haldið fyrir jólin
1996. Síðan hefur það verið haldið
nánast á hverju ári og hefur alltaf verið
eitt fjölmennasta skákmót ársins. „Það
er misjafnt hvað mótið er stórt. Fjöl-
mennast var mótið þegar um 260 manns
mættu og það hafa verið tvö þannig mót
undanfarin ár. Mótið í fyrra var mjög
stórt en skráning í ár er eitthvað minni
en í fyrra,“ segir Vigfús Óðinn Vigfússon,
varaformaður skákfélagsins Hugins.
Keppt verður í að minnsta kosti sex
flokkum: Flokki fæddra 2000-2002,
flokki fæddra 2003-2004, flokki fæddra
2005-2006, flokki fæddra 2007-2008,
flokki fæddra 2009 og síðar og peðaskák
fyrir þau yngstu. Tefldar verða fimm
umferðir með tíu mínútna umhugsunar-
tíma á mann.
Vigfús Óðinn segir að iðkendum í
skákinni hafi fjölgað talsvert eftir hrun.
„Ef það er kreppa þá er mótið stórt en ef
það er góðæri og atvinnuástand betra
þá er þátttaka minni. Það er mjög góð
þátttaka hjá börnum og unglingum í
skákinni og sérstaklega eftir hrun, lík-
lega af því að menn höfðu meiri tíma
eftir hrun og því um líkt. Það er fyrst
núna sem iðkendum hefur fækkað. Ég
á von á ágætri þátttöku í dag, það verða
allavega 140 til 150 manns geri ég ráð
fyrir.“
Flestir keppendur í mótinu keppa í
yngstu flokkunum. „Keppendur í flokki
fæddra 2005-2006 og flokki fæddra
2007-2008 eru fjölmennustu flokk-
arnir. Í fyrra bættum við 2009 og yngri
og hann er talsvert fjölmennur,“ bætir
Vigfús Óðinn við.
Hann gerir ráð fyrir að sterkustu skák-
menn landsins mæti í mótið. „Flestir af
þeim sterkustu verða þarna. Það er yfir-
leitt erfiðast að fá þau í elstu flokkunum
til að koma en mér sýnist flestir þeir
bestu vera skráðir í mótið núna. Ég á von
á að flestir af þeim bestu komi í ár,“ segir
Vigfús Óðinn.
Jólapakkar eru í verðlaun fyrir þrjú
efstu sætin í hverjum aldursflokki fyrir
sig, fyrir bæði drengi og stúlkur. Auk
þess verður happdrætti um þrjá jóla-
pakka í hverjum aldursflokki fyrir sig
og í lokin verður happdrætti fyrir alla
þátttakendur þar sem meðal annars
verður dreginn út hátalari frá Sjónvarps-
miðstöðinni og áskrift að Stöð 2. Allir
keppendur verða svo leystir út með
sælgæti frá Góu. Meðal þeirra fyrir-
tækja sem leggja til gjafir í jólapakkana
eru: Bókabeitan útgáfa, Bókaútgáfan
Björk, Bókaútgáfan Ugla, Bókaútgáfan
Skrudda, Bókaútgáfan Veröld/Bjartur,
Edda útgáfa, Ferill verkfræðistofa, Góa,
Landsbankinn, Sambíóin, Sjónvarps-
miðstöðin, Skáksamband Íslands og
Stöð 2.
Mótið hefst klukkan 13.00 og er
ókeypis á mótið en skráning á mótið er
skak.is og á heimasíðu Hugins. „Ef það
er nóg af töflum þá er engum vísað frá
en það er betra að skrá sig svo við sjáum
hvað þetta er stórt mót,“ bætir Vigfús
Óðinn við. gunnarleo@frettabladid.is
Eitt fjölmennasta skákmót
ársins mun fara fram í dag
Jólapakkaskákmót Hugins verður haldið dag í Ráðhúsi Reykjavíkur og keppt er í að
minnsta kosti sex flokkum. Mótið var fyrst haldið árið 1996 og fer nú fram í átjánda sinn.
Jólapakkaskákmót Hugins hefur alltaf verið eitt fjölmennasta skákmót ársins.
Ef það er kreppa þá er
mótið stórt en ef það er
góðæri og atvinnuástand betra
þá er þátttaka minni. Það er
mjög góð þátttaka hjá börnum
og unglingum í skákinni og
sérstaklega eftir hrun, líklega af
því að menn höfðu meiri tíma
eftir hrun og því um líkt.
Vigfús Óðinn Vigfússon, varaform. Hugins
Innilegar þakkir fyrir auðsýnda samúð
og hlýhug við andlát og útför ástkærs
eiginmanns míns, föður okkar, sonar,
bróður, barnabarns og tengdasonar,
Hjalta Más Baldurssonar
flugmanns,
sem lést af slysförum
12. nóvember síðastliðinn.
Jafnframt sendum við fjölskyldu og vinum
hugheilar jóla- og nýárskveðjur.
Anna Ýr Böðvarsdóttir
Elísa Björk Hjaltadóttir Ester Laufey Hjaltadóttir
Guðrún Elísabet Jensdóttir Baldur Freyr Kristinsson
Fannar Baldursson Aron Baldursson
Birkir Freyr Baldursson Birgitta Rún Baldursdóttir
Ester Úranía Friðþjófsdóttir
Lísa Thomsen Böðvar Pálsson
Ástkær eiginkona mín,
móðir okkar og tengdamóðir,
Sigríður Jónsdóttir
Eyrarvegi 7a,
áður til heimilis á Húsavík,
lést á dvalarheimilinu Hlíð
miðvikudaginn 16. desember síðastliðinn.
Ingvi Böðvarsson
Garðar Geirsson Leah Ann Mauzey
María H. Þorgeirsdóttir Sæmundur Árnason
Vignir Þorgeirsson Sigurbjörg Ingvadóttir
og fjölskylda.
Innilegar þakkir fyrir auðsýnda samúð
og vinarhug við andlát og útför
frænda okkar og vinar,
Gríms Jónssonar
Klifshaga, Öxarfirði.
Sérstakar þakkir til starfsfólks
Heilbrigðisstofnunar Þingeyinga
fyrir góða umönnun.
Daði Þröstur Þorgrímsson
Sigra Þorgrímsdóttir
Pétur Þorgrímsson
og fjölskyldur.
Ástkær eiginmaður minn, faðir okkar
og tengdafaðir,
Þorsteinn Þorsteinsson
Sléttuvegi 13, Reykjavík,
lést á Hrafnistu í Reykjavík þriðjudaginn
15. desember. Útför hans fer fram
frá Fríkirkjunni í Reykjavík
mánudaginn 28. desember kl. 13.00.
Helga Hansdóttir
Guðrún Þorsteinsdóttir Friðrik G. Olgeirsson
Sigrún Þorsteinsdóttir Brynjólfur Markússon
Hans Ragnar Þorsteinsson Helga Laufdal
Sveinn Þorsteinsson Heiða Lára Eggertsdóttir
Þökkum innilega auðsýnda samúð
og hlýhug við andlát og útför
okkar ástkæra
Gísla Bjarnasonar
tæknifræðings,
Gaukshólum 2.
Þóra Björk Róbertsdóttir
Bjarni Kristbjörnsson
Guðrún Inga Bjarnadóttir
Kristbjörn Bjarnason Steinunn Björg Jónsdóttir
Valgerður Bjarnadóttir Óskar Garðar Hallgrímsson
Róbert Árnason Þórgunnur Þórarinsdóttir
Með kærleik og virðingu
Vesturhlíð 2 Fossvogi | Sími 551 1266 | útför.is
Hinsti vilji
Hver er vilji þinn varðandi skipulag og fyrirkomu-
lag útfarar, þ.e. hinsti vilji. Við bjóðum þér til
samtals um það sem er þér mikilvægast við
lífslok þín. Viljayfirlýsing þín verður eftirlifendum
mikilvægt leiðarljós. Samtalið og varðveisla
upplýsinga er þér að kostnaðarlausu.
Við erum til staðar
þegar þú þarft á
okkur að halda
Elín Sigrún Jónsdóttir,
lögfræðingur
Með kærleik og virðingu
ÚTFARARSTOFA ÍSLANDS
ÚTFARARSTOFA HAFNARFJARÐAR
Auðbrekku 1, Kópavogi Útfararþjónusta síðan 1996
Vaktsímar: 581 3300 & 896 8242 • www.utforin.is • Allan sólarhringinn
ALÚÐ • VIRÐING • TRAUST • REYNSLA
Flatahraun 5a • www.utfararstofa.is • Símar: 565 5892 & 896 8242
Kristín
Ingólfsdóttir
Hilmar
Erlendsson
Sverrir
Einarsson
Elskulegur bróðir okkar,
mágur og frændi,
Guðmundur Kristinn
Klemenzson
læknir,
Rekagranda 8, Reykjavík,
sem lést þann 8. desember síðastliðinn,
verður jarðsunginn frá Hallgrímskirku
mánudaginn 21. desember kl. 13.00.
Ólafur Örn Klemenzson Inga A. Valdimarsdóttir
Sæunn Klemenzdóttir Hallur Helgason
Sigurður Jökull Ólafsson
Guðrún Ólafsdóttir
Valdís Ólafsdóttir
Valdimar Klemens Ólafsson
Hallur Hallsson
1 9 . D E S E M B E R 2 0 1 5 L A U G A R D A G U R84 T Í M A M Ó T ∙ F R É T T A B L A Ð I Ð
TÍMAMÓT