Fréttablaðið - 21.03.2016, Síða 10

Tækifæri
SIEMENS - Uppþvottavélar
SN 45M209SK (hvít)
SN 45M509SK (stál)
13 manna. Fimm kerfi. Hljóð: 44 dB. Barnalæsing.
„aquaStop“-flæðivörn. Zeolith®-þurrkun: Einstaklega
árangursrík þurrkun.
Tækifærisverð:
127.900 kr.
(Fullt verð: 159.900 kr.)
þurrkunOrkuflokkur
„All in 1“
uppþvottatöflurnar
frá Finish fylgja
með öllum
uppþvottavélum. Nóatúni 4 Sími 520 3000
www.sminor.is
NeyteNdur Sprenging hefur orðið í
sölu eftirlitsmyndavéla og uppsetn­
ingum á slíkum kerfum síðustu tvö
árin. Viðmælendur Fréttablaðsins
eru sammála um að búnaðurinn sé
orðinn aðgengilegri og almennari
með einfaldari tækni og viðráðan­
legra verði fyrir venjulegar fjöl­
skyldur.
„Fyrir fáeinum árum þurfti upp­
tökukerfi, leggja kapla og símasam­
band. Í dag tengirðu myndavél við
netið heima hjá þér og stingur í sam­
band,“ segir Halldór Hrafn Jónsson,
framkvæmdastjóri sölusviðs Tölvu­
teks. Hann segir að á tíu árum hafi
búnaður í eftirlitsmyndavélum gjör­
breyst – sérstaklega með skýbúnaði
(e. cloud). Þannig sé hægt að skoða
upptökur úr myndavélinni í síman­
um. Einnig er hægt að stilla mynda­
vélarnar þannig að þær sendi skila­
boð ef þær nema hreyfingu eða hljóð.
„Það hefur orðið gríðarleg aukning
á notkun þessara tækja. Ég vil ekki
tengja það við stóra bróður eða væni­
sýki heldur er þetta bara viðbót við
daglega lífið. Fólk getur fylgst með
þegar börnin koma heim, sumir
eru með þetta í svefnherbergjum
ungbarna í stað barnapíutækja og
fyrir öðrum er þetta öryggisatriði.
Að mínu mati er þetta neysla, ekki
hræðsla,“ segir Halldór.
„Þetta getur verið þægilegt þegar
unglingarnar hætta að nenna að fara
með í sumarbústaðinn,“ segir Hjörtur
Freyr Vigfússon, markaðsstjóri Sec­
uritas, og tekur undir orð Halldórs
um aukna notkun eftirlitsmynda­
véla. „Það er mælanleg aukning í sölu
myndeftirlits bæði inni á heimilum
og í sumarbústöðum á síðustu miss­
erum.“
Hjörtur segir slík kerfi hafa í gegn­
um tíðina verið mjög dýr en nú sé
öldin önnur. „Þar af leiðandi er þetta
orðið almennara og ósköp venjulegt
fólk fær sér eftirlitsmyndavélar. Þetta
er sérlega þægilegt til að fylgjast með
sumarbústaðnum, hvort allt sé í lagi
en líka bara til að athuga hvernig
veðrið sé áður en maður leggur í
hann. Maður hefur líka heyrt af for­
eldrum sem eru rólegri í útlöndum
og geta fylgst með unga fólkinu sem
er eitt heima – hvort haldin séu teiti
og svo framvegis. Þannig að fyrst og
fremst snýst þetta um hugarró.“
erlabjorg@frettabladid.is
Eftirlitsmyndavélar nú
hluti af daglegu lífi
Mikil aukning í sölu á eftirlitsmyndavélum. Tæknin betri og búnaðurinn
ódýrari. Dæmi um að foreldrar noti búnaðinn til að fylgjast með börnunum.
Maður
hefur líka
heyrt af foreldrum sem
eru rólegir í útlöndum
og geta fylgst með unga
fólkinu sem er eitt heima -
hvort haldin séu teiti og svo
framvegis.
Þannig að
fyrst og
fremst snýst
þetta um
hugarró.
Hjörtur Freyr Vigfússon, markaðsstjóri
Securitas
Myndavélarnar eru orðnar ódýrari og þar af leiðandi almennari í notkun.
Fréttablaðið/Pjetur
2 1 . m a r s 2 0 1 6 m Á N u d a G u r10 f r é t t i r ∙ f r é t t a B L a ð i ð