Fréttablaðið - 26.10.2018, Síða 43

Kabarett er fullorðinssýning með fullorðinshúmor, bur-lesque, boylesque, drag-
sýningum og sirkus, þar sem sést í
bert hold fallegra líkama af öllum
gerðum, sagðir eru fullorðins-
brandarar og ýmislegt stórfurðu-
legt á sér stað sem er ekki hægt
að útskýra nema það hljómi of
skrýtið. Það dregur að og heillar þá
sem hafa áhuga á þessum afkima
leikhússins sem kabarett er og þar
sem allt hið furðulega þrífst,“ segir
Ragnheiður Maísól Sturludóttir,
trúður og kynnir hjá Reykjavík
Kabarett, sem í kvöld blæs til
sérstakrar kabarettsýningar með
táknmálstúlki.
„Við fengum ósk frá hópi heyrn-
arlausra um að túlka kabarettinn
með táknmálstúlki og urðum vita-
skuld strax við því. Okkur finnst
alltof lítið gert til að koma til móts
við þennan hóp í leikhúslífinu og
fórum strax á stúfana til að leita að
peningum en þá kom í ljós að við
hefðum þurft að sækja um styrk
með meira en árs fyrirvara. Menn-
ing fyrir heyrnarlausa fær því ekki
forgang vegna þess að það er ekki
til peningur fyrir henni,“ segir Maí-
sól sem með Reykjavík Kabarett
tók þá málin í sínar hendur.
„Það er hræðilegt að fá ósk
um túlk en þurfa að vísa því frá
á grundvelli þess að hafa ekki
fjármagn til þess. Okkur fannst
við sannarlega geta gert eitthvað
í því og tókum til bragðs að safna
fyrir þjónustu táknmálstúlks á
söfnunar síðunni Karolina Fund til
að geta boðið sem flestum í leik-
húsið,“ segir Maísól og fjármögn-
unin á Karolina Fund gekk eins og
í sögu.
„Sem forréttindapési með
fullkomna heyrn þarf maður að
minna sig á að það eru ekki allir
jafn vel settir að njóta leikhúss og
skemmtana. Með því að kaupa
miða í gegnum Karolina Fund
gefur maður líka öðrum tækifæri
til að njóta sýningarinnar á sínum
forsendum. Það er mikilvægt að
gera leikhús aðgengilegt öllum
og augljóst að við munum gera
þetta aftur til að þjóna þessum
mæta hópi leikhúsunnenda,“ segir
Maísól.
Lífsgæði heyrnarlausra skert
Maísól bendir á þá staðreynd að
heyrnarlausum bjóðist örsjaldan
að fara á leiksýningar með tákn-
málstúlki.
„Þegar það gerist er það á
útvaldar sýningar og hendur fólks
bundnar að geta ekki valið það
sem það langar að sjá. Það er ekki
gefins að fara í leikhús og glatað
að þurfa að berjast fyrir því út frá
eigin forsendum. Það er eðlilegt að
gera ráð fyrir öllum.“
Í nágrannalöndunum sé tákn-
málstúlkun sjálfsögð þjónusta.
„Þannig var túlkur á sviðinu, og
líka baksviðs fyrir heyrnarlausan
skemmtikraft, þegar Margrét Erla
Maack sýndi á Oslo Burlesque
Festival í sumar og þótti sjálfsögð
og eðlileg þjónusta. Það er vita-
skuld út úr kú að geta ekki notið
leikhúslífs vegna þess að þú færð
ekki skilið það sem fram fer á þínu
tungumáli. Með því eru lífsgæði
fólks einfaldlega skert,“ segir
Maísól.
Töfrandi tjáningarmáti
Maísól er full tilhlökkunar fyrir
kabarettinum í kvöld.
„Táknmál er ótrúlega fallegur
tjáningarmáti og á bak við það er
svo margt óvænt sem augað sér.
Eins og orðið „töfrar“ á táknmáli
en þá ganga hendurnar í fögrum og
sjónrænum öldugangi. Táknmáls-
túlkun bætir því skemmtilegum
brag við sýninguna og þeir sem eru
með fulla heyrn munu njóta þess
líka að fylgjast með túlknum sem
stendur til hliðar eða á miðju sviði
með kynni sýningarinnar. Þær
Adda Rut Jónsdóttir og Lilja Kristín
Magnúsdóttir í Hröðum höndum
hafa sérhæft sig í að túlka leikhús
og skuggaleika leikarana stundum
líka svo ljóst er að við þurfum að
blása til slíkrar sýningar sem fyrst
og geggjuð tilhugsun að vera einn
daginn með táknmálssýningu þar
sem er ekkert tal.“
Reykjavík Kabarett fær til liðs
við sig frábæra erlenda skemmti-
krafta og gesti frá Sirkusi Íslands á
sýningunni í kvöld.
„Sýningin verður fjölbreytt og
einstök. Ég hlakka mikið til enda
er ómótstæðilegt að eiga hlæjandi
samtal við áhorfendur í stórum sal.
Það er ólýsanleg tilfinning að hlæja
saman í töfrandi mómenti og gefur
mér ómælda gleði,“ segir Maísól en
sýningin í kvöld er hennar síðasta
í bili.
„Ég er á leið til Grænlands með
Sirkusi Íslands og kvíði því að fá
ekki þetta fasta föstudagskikk inn
í vikuna því kabarettinn gefur svo
ótrúlega margt. Sýningarnar okkar
eru ólíkar öllum öðrum og þar býst
fólk ekki við að sjá það sem fyrir
augu ber. Þannig er eðli kabarett-
sýninga; hlátur, undrun og sannar-
lega óvæntar uppákomur þar sem
áhorfendur trúa vart eigin augum.“
Sýning Reykjavíkur Kabaretts verður
í Þjóðleikhúskjallaranum klukkan
22 í kvöld. Hægt er að kaupa miða
á tix.is og við innganginn. 18 ára
aldurstakmark.
Trúa vart eigin augum
Heyrnarlausum gefst í kvöld kostur á að sjá sýningu hjá Reykjavík Kabarett með táknmálstúlki.
Kynnir og trúður sýningarinnar, Ragnheiður Maísól, segir táknmál ljá sýningunni einstakan sjarma.
Þórdís Lilja
Gunnarsdóttir
thordisg@frettabladid.is
Glæst er hún Reykjavík Kabarett-fjölskyldan sem skemmtir í einstakri táknmálstúlkaðri kabarettsýningu í Þjóðleik-
húskjallaranum í kvöld. Ragnheiður Maísól, hér önnur til vinstri, er menntaður trúður. MYND/ LEIFUR WILBERG ORRASON
Sem forréttinda-
pési með full-
komna heyrn þarf að
minna sig á að ekki eru
allir jafn vel settir að geta
notið leikhúss.
Ragnheiður Maísól Sturludóttir
BÍLABLAÐ FRÉTTABLAÐSINS
Mest lesna bílablað landsins kemur næst út þriðjudaginn
Ritstjóri blaðsins er Finnur Thorlacius sem er
bílaáhugamaður af líf og sál.
Umsjón auglýsinga:
Atli Bergmann • atli@ is • sími 512 5457
6 KYNNINGARBLAÐ FÓLK 2 6 . O K TÓ B E R 2 0 1 8 F Ö S T U DAG U R