Morgunblaðið - 01.10.2019, Page 26

26 ÍÞRÓTTIR
MORGUNBLAÐIÐ ÞRIÐJUDAGUR 1. OKTÓBER 2019
 Færeyska liðið HB staðfesti á Fa-
cebook-síðu sinni í gær að Heimir
Guðjónsson muni yfirgefa liðið eftir
leiktíðina en Heimir hefur stýrt liði HB
undanfarin tvö ár. Heimir gerði HB að
færeyskum meisturum í fyrra og í síð-
asta mánuði varð liðið bikarmeistari
undir hans stjórn. Fram kemur í færslu
á facebooksíðu HB að Heimir muni
halda heim til Íslands og taka við nýju
starfi. Ólafur Jóhannesson er hættur
störfum hjá Val og talið að Heimir taki
við af honum í vikunni.
 Íslandsmeistarar KR hafa samið við
Emil Ásmundsson til þriggja ára en
hann kemur til liðsins frá Fylki. Emil er
24 ára gamall og hefur spilað með öll-
um yngri landsliðum Íslands. Hann fór
ungur að árum til enska liðsins Brig-
hton en gekk að nýju til liðs við Fylki,
uppeldisfélag sitt, þar sem hann spil-
aði 19 leiki með Árbæjarliðinu í Pepsi-
deildinni í fyrra og skoraði í þeim fjög-
ur mörk. Á nýafstöðnu tímabili kom
Emil við sögu í átta leikjum í deildinni
og skoraði eitt mark.
 Knattspyrnudeild Víkings Reykja-
víkur hefur samið við framherjann
Helga Guðjónsson um að leika með
félaginu næstu tvö árin. Helgi, sem er
tvítugur, skoraði 19 mörk í 25 leikjum
fyrir Fram í deild og bikar í sumar.
Hann varð markahæstur í Inkasso-
deildinni ásamt Pétri Theodór Árna-
syni með 15 mörk. Helgi á að baki sjö
landsleiki fyrir U16 og U17 ára landslið
Íslands.
 Góð byrjun Sveins Jóhannessonar
og Arnars Birkis Hálfdánssonar hjá
SönderjyskE í dönsku úrvalsdeildinni í
handknattleik heldur áfram en í gær
vann liðið 28:25-útisigur í Árósum.
Liðið hefur unnið fjóra af fyrstu sex
leikjunum og er í 2. sæti með 8 stig.
 Valdís Þóra Jónsdóttir hafnaði í 57.
sæti á Estrella Damm Mediterranean
Ladies Open-mótinu á Evrópumóta-
röðinni. Fór Valdís illa að ráði sínu á
lokahringnum. Hún var í 36. sæti fyrir
hringinn en lék á níu höggum yfir pari
og féll niður um tæp 30 sæti. Hún lék
á samanlagt 15 höggum yfir pari.
 Daninn Lars Olsen lætur af störfum
sem landsliðsþjálfari Færeyinga í
knattspyrnu þegar undankeppni Evr-
ópumótsins lýkur í nóvember. Olsen
hefur stýrt færeyska landsliðinu frá
árinu 2011. Í 53 leikjum hafa Fær-
eyingar unnið 8 leiki undir hans stjórn,
gert 7 jafntefli og hafa tapað 38. Fær-
eyingar eru án stiga í undankeppni
EM. Þeir mæta Möltu og Rúmeníu í
næsta mánuði og leika svo við Svía og
Norðmenn í nóvember.
 Ólafur Andrés Guðmundsson, fyr-
irliði sænska úrvalsdeildarliðsins
Kristianstad, er tilnefndur sem leik-
maður 3. umferðar í
Meistaradeild Evrópu í
handknattleik. Ólafur
átti frábæran leik
með Kristianstad
þegar liðið tapaði fyrir
pólska liðinu Wis-
laPlock á úti-
velli 36:29.
Ólafur skor-
aði tólf
mörk úr
fjórtán
skotum og
var lang-
markahæsti
leikmaður
sænska liðsins.
Eitt
ogannað
HLÍÐARENDI/AKUREYRI
Bjarni Helgason
Einar Sigtryggsson
ÍBV er með fullt hús stiga í úrvals-
deild karla í handknattleik, Olís-
deildinni, eftir dramatískan tveggja
marka sigur gegn Val í Origo-höllinni
á Hlíðarenda í fjórðu umferð í gær.
Leiknum lauk með 27:25-sigri ÍBV
en staðan var jöfn, 25:25, þegar 45
sekúndur voru til leiksloka.
Mikið jafnræði var með liðunum
allan leikinn og í hvert skipti sem
Valsmenn náðu þriggja til fjögurra
marka forskoti tókst Eyjamönnum
alltaf að svara og jafna metin. Kári
Kristján Kristjánsson kom Eyja-
mönnum yfir, 26:25, þegar 30 sek-
úndur voru til leiksloka. Valsmenn
brunuðu upp í sókn, köstuðu bolt-
anum klaufalega frá sér, og Eyja-
menn skoruðu síðasta mark leiksins.
ÍBV hefur oft spilað betur en liðið
gerði í gær. Varnarleikurinn var
ágætur á köflum en markvarslan í
fyrri hálfleik var sama og engin og
þar lá munurinn á liðunum. Eyja-
menn lentu hins vegar nokkrum
sinnum undir í leiknum en alltaf
sýndu þeir karakter og komu til
baka. Í hvert sinn sem liðið fékk hins
vegar tækifæri til þess að ná afger-
andi forskoti fóru leikmenn liðsins
illa að ráði sínu í hverju dauðafærinu
á fætur öðru.
Valsmenn voru klaufar að tapa
leiknum. Þeir voru með frumkvæðið
nánast allan tímann og Daníel Freyr
Andrésson var magnaður í fyrri hálf-
leik. Í raun var með hreinum ólík-
indum að Valsmenn hafi ekki klárað
dæmið á fyrsta hálftímanum. Sókn-
arleikur liðsins var hins vegar hug-
myndasnauður í seinni hálfleik og
hægur. Þá köstuðu Valsmenn bolt-
anum frá sér allt of oft og það ein-
faldlega má ekki gegn jafn öflugu liði
og ÍBV.
Eyjamenn sitja á toppi deildar-
innar með fullt hús stiga, líkt og ÍR
og Haukar. Það sýnir í raun styrk
liðsins í dag að geta mætt á Hlíðar-
enda, tekið tvö stig, en samt spilað
illa. Byrjun Valsmanna á Íslands-
mótinu í ár eru í einu orði sagt von-
brigði. Að sama skapi vinnur enginn
titla í september og Valsmenn geta
huggað sig við það að það er nóg eftir
af mótinu.
Átta mínútur dugðu ÍR
Toppliðið í Olís-deildinni í hand-
bolta, ÍR, fór til Akureyrar í gær og
spilaði gegn KA. Leikurinn var jafn
og æsispennandi þar til í stöðunni
17:16 fyrir KA. Þá var eins og öll
dekk á KA-kerrunni hefðu punkterað
og ÍR skoraði átta mörk í röð. Gerði
þessi kafli út um leikinn og ÍR vann
að lokum þægilegan sigur, lokatölur
33:27.
Fyrri hálfleikurinn var frábær
skemmtun, jafnt á nánast öllum töl-
um og liðin skiptust átta sinnum á að
taka forustuna. Markverðirnir voru
að verja nokkrum sinnum með til-
þrifum svo segja má að leikurinn hafi
boðið upp á spennu og flotta takta.
Seinni hálfleikurinn var rétt fimm
mínútna gamall þegar ÍR hreinlega
sló öll vopn úr höndum KA-manna.
Var hreinlega átakanlegt að sjá
hvernig KA-menn eyðilögðu fyrir sér
leikinn með óskynsamlegum skotum
og hræðilegum sóknarleik. Mark-
vörður ÍR varði aðeins eitt skot á
þessum lykilkafla í leiknum svo ekki
var það hann sem dró tennurnar úr
KA-mönnum.
Vörn ÍR var ansi áköf á þessum
leikkafla og skilaði hún nokkrum
þægilegum hraðaupphlaupsmörkum.
Annars voru það reynsluboltarnir
Björgvin Hólmgeirsson og Sturla Ás-
geirsson sem voru allt í öllu hjá ÍR.
Varnarmenn KA réðu ekkert við
Björgvin en hann virtist geta skorað
þegar honum sýndist. Sigurður Ingi-
berg varði vel í fyrri hálfleiknum en
hafði minna að gera í þeim síðari.
KA-liðið var ansi brokkgengt. Áki
Egilsnes dró vagninn í fyrri hálf-
leiknum en þá voru margir að skora.
Áki komst lítt áfram í seinni hálf-
leiknum en hann og Patrekur Stef-
ánsson skoruðu þó slatta af mörkum
eftir að allt var komið í óefni. Jovan
Kukobat varði lítið og stórskyttan
Tarik Kasumovic var alveg heillum
horfin. Þessir lykilmenn verða að
gera betur fyrir KA ef liðið á að vinna
leiki.
ÍBV og ÍR byrja afar vel
 Eyjamenn unnu á Hlíðarenda  Mikil spenna undir lok leiksins  ÍR-ingar
halda sínu striki  Eru með fullt hús stiga eins og ÍBV eftir sigur á Akureyri
Morgunblaðið/Kristinn Magnússon
Stopp „Þú ferð ekki lengra,“ gætu Eyjamenn verið að segja við Ými Örn Gíslason á Hlíðarenda í gær.
Fara þarf þrjá áratugi aftur í tím-
ann til að finna jafn litla stigasöfn-
un hjá Manchester United í ensku
úrvalsdeildinni eftir sjö umferðir.
United og Arsenal skildu jöfn, 1:1, í
lokaleik 7. umferðar á Old Trafford
í gærkvöldi eftir fjörugan leik.
United er með 9 stig eftir leikina
sjö og fara þarf aftur til tímabilsins
1989-1990 þegar United var með 7
stig eftir fyrstu sjö leikina. United
hafnaði þá í 13. sæti en varð reynd-
ar bikarmeistari og var það fyrsti
titillinn sem liðið vann undir stjórn
Sir Alex Fergusons sem tekið hafði
við í nóvember 1986.
Scott McTominay kom United yf-
ir með fallegu skoti utan teigs í gær
en Pierre-Emerick Aubameyang
vippaði yfir David de Gea og jafn-
aði á 58. mínútu. Arsenal er í 4. sæti
deildarinnar með 12 stig.
„Við erum Manchester United og
verðum að vinna leiki sem þennan.
Strákarnir verða að taka við sér og
gera betur. Við erum saman í þessu
sem lið og verðum að bæta okkur,“
sagði De Gea. kris@mbl.is
AFP
Fögnuður Granit Xhaka og Bukayo Saka, leikmenn Arsenal, fagna marka-
skoraranum Pierre-Emerick Aubameyang á Old Trafford í gær.
Versta byrjun United
í deildinni í þrjátíu ár
Vésteinn Hafsteinsson bætti í gær
skrautfjöður í hatt sinn sem þjálfari
þegar lærisveinn hans, Daniel Ståhl
frá Svíþjóð, varð heimsmeistari í
kringlukasti karla á HM í Katar.
Fréttin var efsta frétt á sænskum
netmiðlum í gærkvöldi og þar var
Vésteinn einnig til umfjöllunar.
Hann viðurkenndi í samtali við Af-
tonbladet að hann hefði sjálfur ver-
ið mjög taugaóstyrkur þegar
spennan var sem mest og varla get-
að horft. Tilfinningarnar brutust
fram hjá Vésteini þegar nið-
urstaðan lá fyrir og hann grét
gleðitárum í sjónvarpsviðtali. „Ég
hef aldrei séð hann gráta fyrr,“
sagði heimsmeistarinn sjálfur,
Daniel Ståhl, í samtali við sænska
fjölmiðla.
Ståhl fékk silfurverðlaun á HM
2017 en einnig á EM 2018. Nú
komst hann skrefi lengra og kast-
aði 67,59 cm í úrslitum í gær. Er
það fimm cm styttra en Íslandsmet
þjálfarans. Vésteinn sagði við
Aftonbladet að Ståhl hefði ekki
kastað vel í úrslitunum en sagði
það sýna mikinn styrk að landa
gullinu engu að síður. „Afreks-
íþróttir snúast um líkamlegt at-
gervi og tækni en einnig andlegan
styrk,“ sagði Vésteinn en hann hef-
ur áður þjálfað heimsmeistara.
Greg Kanter frá Eistlandi naut
leiðsagnar Vésteins þegar hann
varð heims- og ólympíumeistari
2007 og 2008.
Gærdagurinn var góður fyrir
Norðurlandaþjóðirnar á HM því
Norðmenn fengu einnig gull-
verðlaun þegar Karsten Warholm
kom fyrstur í mark í 400 metra
grindahlaupi. Warholm er aðeins
23 ára gamall en hann hljóp á 47,42
sekúndum. kris@mbl.is
Skrautfjöður bættist
í hatt Vésteins
Farsælir Daniel Ståhl og Vésteinn
Hafsteinsson á góðri stundu.