Morgunblaðið - 08.10.2019, Side 12

VIÐSKIPTAPÚLSINN
Stefán E. Stefánsson
ses@mbl.is
Það er ekki spurning um hvort held-
ur aðeins hvenær beint flug milli
Asíu og Íslands verður að veruleika.
Þetta segir Sveinbjörn Indriðason,
forstjóri Isavia, en hann er gestur í
nýjasta þætti Viðskiptapúlsins,
hlaðvarpi ViðskiptaMoggans. Í ítar-
legu viðtali ræðir
hann þar um
stöðu Keflavíkur-
flugvallar í kjöl-
far gjaldþrots
WOW air og
hvernig stjórn-
endur fyrirtækis-
ins sjá fram á að
greiða úr þeirri
vandasömu stöðu
sem fylgir því að
farþegum sem
fara um völlinn fækkar um nærri
tvær og hálfa milljón milli ára.
Isavia hefur haft í gildi ákveðið
hvatakerfi fyrir flugfélög sem vilja
opna nýjar flugleiðir milli Keflavík-
ur og annarra áfangastaða. Bendir
Sveinbjörn á að kerfið hafi leitt til
þess í fyrra að Isavia greiddi um 900
milljónir í gegnum kerfið. Hann seg-
ir að breytt landslag í kjölfar falls
WOW air hafi nú orðið til þess að
endurskoðun á hvatakerfinu eigi sér
stað.
Uppfæra hvatakerfið
„Við erum að uppfæra kerfið
þannig að það hafi meiri áhrif ef
flugfélag hefur nýja flugleið frá
stöðum utan Evrópu,“ segir Svein-
björn og bætir við að þar sé fyrst og
fremst verið að horfa á möguleika í
Bandaríkjunum og Asíu.
„WOW air sýndi fram á að þessir
markaðir eru til staðar,“ segir hann.
Hins vegar skipti það ekki máli
hvort það sé Icelandair eða eitthvert
annað flugfélag sem sé reiðubúið til
að taka boltann, mestu skipti að ná
tengingunni. Í því felist tækifæri
sem m.a. lúti að því að auka straum
ferðamanna inn á tengibanka Ice-
landair inn til Evrópu annars vegar
og Bandaríkjanna hins vegar.
Forsvarsmenn Isavia hafa á síð-
ustu vikum átt fundi með flugfélög-
um og kynnt þá möguleika sem
þeim standi til boða varðandi opnun
nýrra flugleiða til og frá landinu.
Sveinbjörn segir að félögin séu
áhugasöm en að það sé risastór
ákvörðun að hefja flug á nýjan
áfangastað. Slíkt feli í sér mikla
fjárfestingu og það taki allt að eitt
til tvö ár að ná hagnaði af slíkri flug-
leið. Hann fullyrðir þó að það sé í
raun ekki spurning um hvort heldur
hvenær eitthvert félag ríður á vaðið
í þessum efnum. Minnir hann í því
sambandi á að Bogi Nils Bogason,
forstjóri Icelandair Group, hafi ný-
verið lýst því yfir á ráðstefnu að fé-
lagið hafi um nokkurra ára skeið
haft mögulegt Asíuflug til skoðunar
á sínum vettvangi.
Erfitt að draga úr kostnaði
Í Viðskiptapúlsinum var Svein-
björn einnig spurður út í rekstr-
arniðurstöðu fyrstu sex mánaða árs-
ins sem sýndi tap upp á 942
milljónir króna. Segir hann að ef
áætlanir standist verði reksturinn í
örlitlum mínus þetta árið. Hann seg-
ir þó ýmis jákvæð merki í rekstr-
inum, m.a. þau að tekjur af hverjum
farþega séu meiri í flugstöðinni en
áður. Það skýrist einkum af því að
Icelandair hafi lagt aukna áherslu á
að flytja fólk til og frá landinu í stað
þess að flytja tengifarþega yfir haf-
ið. Farþegar sem sæki landið heim
verji meiri tíma í flugstöðinni en
hinir. Þá hafi það einnig áhrif að
minni mannfjöldi leiði til þess að
raðir styttist og það kunni að auka
hvata fólks til þess að kaupa vörur
og veitingar. Hann segir þó að það
sé ekki aðeins tekið út með sældinni
að fá fleiri farþega inn í landið.
„Ef við horfum á morguntraffík-
ina okkar þá erum við með færri
farþega milli ára en við erum með
meira toppálag í sumar þannig að
við erum að fá fleiri farþega í gegn-
um öryggisleitina hjá okkur á
klukkutíma en við vorum að fá í
fyrrasumar sem setur okkur
ákveðnar skorður í að hagræða á
móti þessari fækkun farþega.“
Ýta undir flug til Asíu og
Ameríku með hvatakerfi
Morgunblaðið/Eggert
Hlið inn í landið Farþegar sem fara um Keflavíkurflugvöll verða að líkindum í kringum 7,3 milljónir í ár.
 Forstjóri Isavia segir aðeins spurningu um hvenær Asíutenging muni komast á
Umsvifin
» Gert er ráð fyrir 7,3 millj-
ónum farþega um Keflavíkur-
flugvöll í ár.
» Þeir voru 9,8 milljónir í fyrra.
» Rekstur Isavia skilaði 942
milljóna króna tapi á fyrri hluta
ársins.
» Tapið skýrist af falli WOW air
og minni umsvifum í kjölfarið.
» Forstjóri félagsins segir að
reksturinn verði í járnum þetta
árið.
Sveinbjörn
Indriðason
Hægt er að hlusta á Viðskiptapúls-
inn í heild gegnum hlaðvarpsveitur
Apple og Spotify. Hann er sendur
út í samstarfi við Arion banka.
12 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 8. OKTÓBER 2019
UMHVERFISDAGUR
ATVINNULÍFSINS
Miðvikudaginn 9. október
kl. 8.30-12.00
Í Hörpu Norðurljósum
Dagskrá og skráning á sa.is
● Aflaverðmæti úr sjó nam tæpum 14
milljörðum í júlí sem er 35,6% aukning
samanborið við júlí 2018. Þar af var
verðmæti botnfiskaflans 9,6 milljarðar
og jókst um 49,2%. Verðmæti upp-
sjávarafla var rúmlega 3,3 milljarðar
króna og jókst um 73,4%, mestmegnis
vegna sölu á makríl, að því er fram
kemur á vef Hagstofunnar.
Í krónum talið var aukningin mest í
þorski og makríl en fluttur var þorskur
úr landi fyrir 6,1 milljarð króna í júlí og
makríll fyrir 2,9 milljarða, en hlutfallsleg
aukning milli ára var 45,8% í tilfelli
þorsks og 120% í tilfelli makrílsins.
Samdráttur var í skel- og krabba-
dýraafla og nam hann 40,6%. Auk þess
nam samdráttur í flatfiskafla 48,4%.
Aflaverðmæti úr sjó
jókst um 35,6%
8. október 2019
Gengi Kaup Sala Mið
Dollari 123.25 123.83 123.54
Sterlingspund 152.04 152.78 152.41
Kanadadalur 92.42 92.96 92.69
Dönsk króna 18.123 18.229 18.176
Norsk króna 13.523 13.603 13.563
Sænsk króna 12.517 12.591 12.554
Svissn. franki 123.99 124.69 124.34
Japanskt jen 1.1543 1.1611 1.1577
SDR 168.4 169.4 168.9
Evra 135.32 136.08 135.7
Meðalgengi/Viðskiptavog þröng 165.0122
Hrávöruverð
Gull 1509.5 ($/únsa)
Ál 1701.0 ($/tonn) LME
Hráolía 57.69 ($/fatið) Brent
● Fasteignafélagið
Reitir hækkaði
mest allra félaga í
Kauphöll Íslands í
gær, eða um 1,4% í
76 milljóna króna
viðskiptum. Nokk-
uð grænt var um
að litast og hækk-
aði úrvalsvísitala
kauphallarinnar
um 0,86%. Fast-
eignafélagið Eik hækkaði næstmest,
eða um 1,21% í 12 milljóna króna við-
skiptum. Umfangsmest voru viðskipti
með bréf Marels, 544 milljónir króna,
og hækkuðu þau um 1,1%. Mest lækk-
aði flugfélagið Icelandair, eða um
0,63% í 99 milljóna króna viðskiptum
og nemur gengi félagsins 6,29 kr.
Grænt um að litast í
Kauphöll Íslands
Viðskipti Iceland-
air lækkaði í gær.
STUTT