Morgunblaðið - 31.10.2019, Blaðsíða 24

24 FRÉTTIRInnlent
MORGUNBLAÐIÐ FIMMTUDAGUR 31. OKTÓBER 2019
Helgi Bjarnason
helgi@mbl.is
Vegagerðin og Ísafjarðarbær taka
ekki vel í hugmyndir um að nota
önnur heiti á jarðgöngin sem verið
er að gera á milli Borgarfjarðar í
Arnarfirði og Dýrafjarðar, hin
svonefndu Dýrafjarðargöng. Hug-
myndir hafa komið fram um önnur
heiti, svo sem Hrafnseyrargöng og
Rauðsstaðagöng.
Vinnuheitið á göngunum hefur
lengi verið Dýrafjarðargöng, það
kom til löngu áður en ákveðið var
að sprengja. Hafði þá verið gert
upp á milli þess að kenna göngin
við Dýrafjörð eða Arnarfjörð.
Heiðra Jón Sigurðsson
Málið kemur til umræðu nú
vegna þess að Jónas Guðmunds-
son, sýslumaður á Vestfjörðum og
áhugamaður um samgöngumál,
lagði til við Ísafjarðarbæ að göng-
in yrðu kennd við Hrafnseyri í
Arnarfirði og nefnd Hrafnseyr-
argöng. Helstu rök hans eru að
nota ætti tækifærið til að minna á
Hrafnseyri og heiðra minningu
Jóns Sigurðssonar. Jónas óskaði
eftir því að bæjarstjórn leggi þetta
til við samgönguráðherra.
Bæjarráð hafnaði því. Bókað var
að ráðið væri einhuga um að göng-
in verði nefnd Dýrafjarðargöng,
eins og þau hafi verið kölluð.
Hafdís Gunnarsdóttir, formaður
bæjarráðs, segir að nafngiftin sé
tilfinningamál fyrir marga.
„Lengi er búið að berjast fyrir
Dýrafjarðargöngum. Við verðum
að bera virðingu fyrir þeim sem á
undan okkur hafa komið og barist
fyrir þessum samgöngubótum. Við
viljum fá að keyra í gegnum Dýra-
fjarðargöng.“
Bjarni Guðmundsson, fyrrver-
andi prófessor á Hvanneyri, hefur
lýst þeirri skoðun sinni á Facebook
að göngin ættu að heita Rauðs-
staðagöng. Bjarni er fæddur og
uppalinn fyrir vestan og nefnir til
rökstuðnings að nær allar heið-
arnar heiti eftir bæjunum sem síð-
ast eru kvaddir á leið til Ísafjarð-
ar. Nefnir hann Lokinhamraheiði,
Álftamýrarheiði og Hrafnseyrar-
heiði á umræddum fjallgarði.
Reglunni hafi verið fylgt þegar
göngin undir Breiðadalsheiði voru
grafin og nefnd Breiðadalsgöng.
Rauðsstaðir eru eyðibýli við gang-
amunann Arnarfjarðarmegin og
telur Bjarni rökrétt að tengja
nafnið því örnefni.
Ekki fjall til að styðjast við
Sjónarmið Vegagerðarinnar eru
þau að almennt heiti jarðgöng eft-
ir heiðinni sem þau fara undir,
firðinum eða ánni, svo sem eins og
Hvalfjarðargöng, Vaðlaheið-
argöng og göng undir Breiðadals-
og Botnsheiði. Vegir liggi hins
vegar almennt að staðnum sem
vegurinn heitir eftir svo sem eins
og Siglufjarðarvegur og Ólafs-
fjarðarvegur.
G. Pétur Matthíasson upplýs-
ingafulltrúi bendir á að Bolung-
arvíkurgöng séu stílbrot. Hefð-
bundnari nafngift hefði verið
Óshlíðargöng þar sem fjallið heitir
það og einnig farartálminn sem
göngin leystu af hólmi. Því má
skjóta inn í frásögnina að það var
vinnuheiti ganganna og notað í út-
boðsgögnum en þáverandi sam-
gönguráðherra, Kristján L. Möller,
lagði til að nafninu yrði breytt í
Bolungarvíkurgöng.
Göngin milli Dýrafjarðar og
Arnarfjarðar hafa að mati Vega-
gerðarinnar ekki skýrt heiðarnafn
til að styðjast við, ekki frekar en
Fáskrúðsfjarðar- og Norðfjarðar-
göng. Hrafnseyrarheiði er langt
frá göngunum. Því hafi verið valið
á milli Arnarfjarðar- og Dýrafjarð-
arganga. „Þannig að það er óhætt
að segja að það er ekki notuð ein
og sama aðferðin við nafngiftir
allra jarðganga en tekið mið af
kringumstæðum hverju sinni,“
segir G. Pétur í svari sínu.
Morgunblaðið/Helgi Bjarnason
Jarðgöng Dýrafjarðargöng verða opnuð eftir tæpt ár, mikil samgöngubót.
Ekki einhugur
um heiti ganga
 Hrafnseyrar- eða Rauðsstaðagöng
„Blaðburðurinn gefur mér tæki-
færi til að kynnast borginni. Teig-
arnir í Laugardalnum í Reykjavík
eru mitt fasta svæði en svo hleyp
ég í skarðið í öðrum hverfum ef
forföll verða. Eftir 18 ár í starfinu
er ég því búinn að dreifa Mogg-
anum á nánast öllu höfuðborg-
arsvæðinu,“ segir Ólafur Guð-
mundsson, blaðberi hjá
Póstdreifingu. Hann dreifir
Morgunblaðinu og Fréttablaðinu í
hús við Hraunteig og Kirkjuteig,
en hann býr einmitt við þá götu.
Í Alþingi að næturlagi
„Samtals eru þetta 76 bréfalúgur
í hverfinu mínu og göngutúrinn
tekur um það bil klukkustund. Bíl-
stjórinn kemur með bunkann að
húsinu heima um klukkan þrjú um
nóttina en yfirleitt fer ég úr húsi
um klukkan fimm, stundum fyrr, til
dæmis ef ég er með aukahverfi
eins og núna í byrjun vikunnar
þegar ég var með Kvosina. Fór þá
með blöðin til dæmis á Alþingi,
Stjórnarráðshúsið og fleiri staði,“
segir Ólafur. „Þetta var aðfaranótt
mánudagsins þegar var glerhált á
götunum. Ég þakka fyrir að hafa
þá verið á góðum skóm og farið
hægt.“
Ólafur er menntaður tæknifræð-
ingur en starfar sem lausamaður
að ýmsum verkefnum. Blaðburð-
urinn er þó aðalstarfið. „Mér finnst
útiveran góð og ég nýt mín vel í
næturkyrrðinni; þegar borgin er
enn í dvala. Sárafáir á ferli; leigu-
bílar, flutningatrukkar og löggan.
Jú, og einstaka villuráfandi sauðir,
einu sinni kom ég að manni sem
var að reyna að brjótast inn í bíl,“
segir Ólafur og heldur áfram:
Læri á borgina
„Nærvera mín styggði þjófinn,
sem lagði á flótta með mig á hæl-
unum. Með Neyðarlínuna í síman-
um meðan á hlaupunum stóð gat ég
fylgt kauða eftir svo lögregluþjón-
ar náðu honum að lokum. Þetta var
eftirminnileg nótt – og þó hefur
margt skrautlegt borið fyrir augun
á þessu næturrölti mínu; til dæmis
í Fossvogi, Grafarvogi, Breiðholti,
suður í Kópavogi og úti á Álftanesi.
Í gegnum það hefur maður lært á
borgina og gatnaskipan, sennilega
yrði ég góður leigubílstjóri.“
Blaðburðurinn er þokkalega
launaður, segir Ólafur – sem telur
útiveru og hreyfingu síðan vera
ágætan bónus. „Ég er hagsýnn og
nákvæmur í heimilisbókhaldinu.
Fylgist vel með hverri krónu, ekki
síst þegar inntektin er góð, og
þannig læt ég launin duga,“ segir
Ólafur, sem utan starfs tekur þátt í
starfi Söngsveitarinnar Fílharm-
óníu, Raddbandafélags Reykjavík-
ur og Kammerkórs Seltjarnarness-
kirkju. Syngur þar annan tenór og
raular því oft eitthvað fyrir munni
sér utan æfinga, til dæmis á morg-
ungöngu með blöð dagsins.
sbs@mbl.is
Blaðberinn sem raular
á morgungöngunni
 Átján ár í starfi  Fer snemma á fætur  Blöð í 76 lúgur
Morgunblaðið/Hari
Tenórinn Mogginn er ómissandi og Ólafur kemur með blaðið til lesenda.
Umsóknarfrestur um embætti
prests í Digranesprestakalli,
Reykjavíkurprófastsdæmi eystra,
er runninn út.
Þessi sóttu um embættið: Bryndís
Svavarsdóttir guðfræðingur, sr.
Gunnar Jóhannesson og sr. Helga
Kolbeinsdóttir. Digranesprestakall
í Kópavogi er ein sókn, Digranes-
sókn, með rúmlega 9.700 íbúa og
eina kirkju, Digraneskirkju. Sóknin
er á samstarfssvæði með Hjalla-
sókn. Skipað er í embættið frá 1.
janúar 2020 til fimm ára.
Morgunblaðið/Sigurður Ægisson
Þrjár umsóknir um
embætti í Digranesi
VW GOLF GTE PREMIUM
nýskr. 03/2018, ekinn 22 Þ.km, bensín/rafmagn,
sjálfskiptur, leður, glerþak ofl.
Verð 4.890.000 kr
Raðnúmer 259690
VW GOLF GTE PANORAMA
nýskr. 06/2018, ekinn 21 Þ.km, bensín /rafmagn,
sjálfskiptur, glerþak, stafræntmælaborð ofl.
Verð 4.690.000 kr
Raðnúmer 259865
AUDI A3 E-TRON DESIGN
nýskr. 05/2018, ekinn 10 Þ.km, bensín/rafmagn,
sjálfskiptur, glerþak, stafræntmælaborð, 18“ felgur ofl.
Verð 4.850.000 kr
Raðnúmer 259845
VW PASSAT GTE PREMIUM
nýskr. 02/2018, ekinn 20 Þ.km, bensín/rafmagn,
sjálfskiptur, leður, glerþark, stafræntmælaborð ofl.
Verð 5.290.000 kr
Raðnúmer 259884
M.BENZ E 350E AVANT GARDE EQ POWER
nýskr. 02/2018, ekinn 22 Þ.km, bensín/rafmagn,
sjálfskiptur. Glæsilegt eintakmeð fullt af aukahlutum!.
Verð 7.450.000 kr
Raðnúmer 259893
Funahöfði 1 | 110 Reykjavík | Sími 567 4840 | www.bilo.is | bilo@bilo.is FLEIRI SAMBÆRILEGIR TIL!