Morgunblaðið - 31.10.2019, Blaðsíða 68

68 MENNING
MORGUNBLAÐIÐ FIMMTUDAGUR 31. OKTÓBER 2019
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Einnig mikið úrval varahluta
í Ifor Williams og aðrar gerðir af kerrum,
ásamt úrvals viðgerðarþjónustu.
Kerrur
frá Ifor Williams
í öllum stærðum
og útfærslum
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Páskaferðirnar 2020
komnar í sölu
Skoðaðu
úrvalið á
baendaferdir.is
sp
ör
eh
f.
Það er ekkert grín að reynaað taka fyrir plötu meðíslensku hljómsveitinni OfMonsters and Men, þar
sem hún er eiginlega orðin hálf-
gert skrímsli að stærð og vinsæld-
um erlendis. Saga sveitarinnar er
ein sú fallegasta í sögu íslenskra
sveita, en hin þá tvítuga Nanna
Bryndís Hilm-
arsdóttir stofn-
aði hljómsveitina
ásamt félögum
sínum í Garð-
inum árið 2009
og tók þátt í
Músíktilraunum
í nær órafmagnaðri útgáfu ári síð-
ar. Þrátt fyrir að hljóma töluvert
frábrugðið frá því sem þau gera í
dag og leika allt öðruvísi tónlist
var eitthvað við þessi lög, og lát-
lausa og einlæga framkomu liðs-
manna, sem kom sveitinni í sig-
ursætið.
Við tók vinna við upptökur og
framhaldið er skráð á bækur sög-
unnar. Þau komu fyrstu plötu sinni
inn á alla mögulega lista og fengu
plötusamning við bandaríska út-
gáfu í kjölfarið. Þau hafa ferðast til
ýmissa landa og leikið á öllum
helstu tónleikahátíðunum.
Nýja platan þeirra, sú þriðja í
röðinni, ber vitni um að þau hafi
fjárstyrk til að smíða það sem þau
langar til; svo vel hljómandi plötur
koma sjaldan út á Íslandi.
Hljómurinn er að minnsta kosti
það sem ég festist í við fyrstu
hlustun. Platan hefst á „Alligator“
og hljóðveggurinn sem þar streym-
ir fram er yfirþyrmandi góður,
hvort sem hlustunin fer fram í
tölvuhátölurum eða vel hæfum
háklassabúnaði. Það er kraftur og
drif í þessu og ég verð spennt.
Strax í næsta lagi er hins vegar
hægt á niður í millihratt lag sem
hverfur jafnóðum og það birtist. Í
þriðja lagi, „Ró ró ró“, er eitthvað
meira að gerast en það er fjarlægt
og mikið unnið.
Næstu lög eru öll einhvern veg-
inb góð en of eitthvað. Kannski er
galdurinn við að selja milljón trillj-
ónir af plötum að vinna öll lögin
aðeins of mikið? „Vulture, Vulture“
kemst næst því að ná stemning-
unni í fyrsta laginu sem greip mig.
Og svo kemur lagið „Wild Roses“,
sem er svo svakalega grípandi og
hljómar eins og hugur manns en
textinn bara hoppar beint í andlitið
á mér og lætur mig ekki í friði fyrr
en ég skoða hann gaumgæfilega.
Þetta er líklega það sem ég á í
mestum erfiðleikum með hjá þess-
ari undraverðu stúlku, sem syngur
eins og engill og semur alveg
geggjuð lög og er frábær í alla
staði. „In the night I am wild-eyed
and you got me now“ er svo
sannarlega lína sem nær athyglinni
en hún þýðir líka ekkert, og er ein-
hvern veginn hvorki skáldleg né
upplýsandi. Púkinn í mér syngur
með og breytir orðinu „wild“ í
„cross“ og ég hlæ innan í mér.
Vissulega fylgir mikil ábyrgð því
að semja texta á ensku þótt móð-
urmál manns sé íslenska, svo það
eitt gæti auðvitað sett strik í
reikninginn. Hljómsveitin OMAM
er með dágóðan enskumælandi
hlustendahóp sem treystir á að
geta sungið með á móðurmáli sínu.
Það afsakar samt ekki að láta bara
eitthvert sull yfir á ensku og
syngja það. Ef til vill er farið fram
á texta sem hafa lágan samnefn-
ara, svo ekkert geti mögulega
truflað í hinu pólitíska rétthugs-
unarsamfélagi sem við búum við í
dag, hvað veit ég? Mér finnst samt
eins og Nanna gæti virkilega nýtt
sér texta sveitarinnar á listrænni
grundvelli, eða sem stað þar sem
hún getur sagt sögur. Þær mega
þó ekki vera það dulkóðaðar eða
svo ljóðrænar að maður sjái bara
orð og enga merkingu. Að þessu
sögðu held ég nú bara að þetta sé
ágætis plata og tónlistin er virki-
lega fín dægurpopptónlist með
góðum krækjum á réttum stöðum.
Algjörlega á pari við það fínasta og
mjög samkeppnishæft.
Morgunblaðið/Kristinn Magnússon
Styrkur „Nýja platan þeirra, sú þriðja í röðinni, ber vitni um að þau hafi
fjárstyrk til að smíða það sem þau langar til; svo vel hljómandi plötur koma
sjaldan út á Íslandi,“ segir gagnrýnandi m.a. um nýjustu plötu OMAM.
Meinlaus skrímsli
Popp
Of Monsters and Men – Fever Dream
bbbnn
OMAM eru: Arnar Rósenkranz Hilm-
arsson, Brynjar Leifsson, Kristján Páll
Kristjánsson, Nanna Bryndís Hilm-
arsdóttir, Ragnar Þórhallsson. Stein-
grímur Karl Teague: Píanó í lögum 2, 4,
5, 6, 7, og 9. Viktor Orri Árnason:
Strengir í lögum 4, og 10.
Upptökustjórn: Rich Costey og OMAM.
Martin Cooke í lögum 5, 7, og 10. Hljóð-
blöndun: Rich Costey. Hljómjöfnun: Joe
Laporta. Útgefandi Record Records
2019.
RAGNHEIÐUR
EIRÍKSDÓTTIR
TÓNLIST
Lára Rúnars heldur útgáfutónleika í
kvöld kl. 21 í Bæjarbíói í Hafnarfirði
vegna nýjustu breiðskífu sinnar,
sem nefnist Rótin. Plötuna vann hún
í samstarfi við Sóleyju Stefánsdóttur
og Albert Finnbogason, en hljóm-
sveit Láru á tónleikunum skipa Sól-
ey, Albert, Arnar Gíslason, Birkir
Rafn Gíslason, Sigrún Kristbjörg
Jónsdóttir og Unnur Jónsdóttir.
Lára er höfundur laga og texta plöt-
unnar og útsetti í samstarfi við þau
Sóleyju og Albert.
Aftur í rótina
„Rótin er sjötta platan mín á ferl-
inum, sem spannar nú 17 ár. Mér
fannst mikilvægt að fara aftur í
rótina, aftur í kjarnann, grunninn
þaðan sem lagið og sköpunin sprett-
ur. Þess vegna lagði ég mikið upp úr
því að grunnlagasmíðin fengi að
standa og fékk yndislegu vini mína
Sóleyju Stefáns og Albert Finnboga
til þess að spinna þræði í kringum
það. Þau eiga stóran part í hljóð-
heimi og hljómi plötunnar og sáu um
útsetningar,“ segir Lára um plötuna.
Hún segir að textarnir séu sem
áður partur af hennar reynsluheimi,
það sem hún sé að fást við hverju
sinni, móðurhlutverkið, ástina, leit-
ina að sjálfinu og leiðinni heim inn að
rót og kjarna.
„Mér finnst mikilvægt að gefa af
mér og segja satt og plöturnar mínar
eru því ákveðin heimild um líf mitt.
Ég hef meðvitað hægt á lífi mínu síð-
ustu tvö árin, en árið 2017 stofnaði
ég fyrirtækið mitt Andagift súkku-
laðisetur. Andagift er griðastaður
fyrir andlega rækt þar sem fólk get-
ur mætt sér og því sem það er að
ganga í gegnum fordómalaust og af
sjálfsmildi og ást. Sem kennari í
Andagift er mikilvægt að iðka þessi
leiðarstef mildi og mýktar sjálf. Það
hefur haft bæði mikil áhrif á líf mitt
sem og tónlistina sem sprettur.
Andagiftin er því með mér á nýju
plötunni minni Rótinni,“ segir Lára.
Í kvöld mun hún, ásamt hljóm-
sveit, flytja plötuna í heild sinni.
Fögnuður Lára Rúnars heldur upp
á útgáfu sjöttu breiðskífu sinnar.
„Mikilvægt
að segja satt“
 Lára fagnar útgáfu Rótarinnar
Heimildarmyndin Vasulka-áhrifin
verður frumsýnd í Bíó Paradís í
kvöld og hefjast almennar sýningar
á morgun. Myndin var fyrst sýnd á
heimildarmyndahátíðinni Skjald-
borg á Patreksfirði í júní sl. og
hlaut þar áhorfendaverðlaun, Ein-
arinn. Myndin var líka sýnd á stutt-
og heimildarmyndahátíðinni Nor-
disk Panorama í september sl. og
var þar í keppni um bestu norrænu
heimildarmyndina. Þá var heið-
urssýning haldin á myndinni á
tékknesku hátíðinni Ji.hlava fyrr í
þessum mánuði.
Hrafnhildur Gunnarsdóttir er
höfundur myndarinnar sem var í
vinnslu í á sjötta ár. Myndin fjallar
um vídeólistarfrumkvöðlana Steinu
og Woody Vasulka. „Ég kynntist
Steinu og Woody þegar ég var við
nám í San Francisco á níunda ára-
tugnum. Á ferð minni um Santa Fe
árið 2013 hitti ég þau, þar sem þau
voru að basla við að endur-
fjármagna húsið sitt til þess að eiga
í sig og á. Síminn var hættur að
hringja og enginn vildi sýna verk
þeirra lengur. Ég tók upp vélina og
byrjaði að mynda,“ segir Hrafnhild-
ur í tilkynningu. Í myndinni er
fylgst með lífi Steinu og Woody sl.
fimm ár og þá m.a. hvernig þau eru
enduruppgötvuð af listaheiminum.
Steina og Woody stofnuðu árið 1971
The Kitchen í gömlu yfirgefnu hót-
eli á Mercer Street í New York þar
sem þau sýndu verk sín. The Kitc-
hen er enn starfrækt og þar hafa
margir þekktustu listamenn heims
stigið sín fyrstu skref með verkin
sín, segir í tilkynningu. Myndin er
unnin upp úr um þúsund klukku-
stundum af myndefni sem kom úr
einkasafni Vasulka-hjónanna.
Frumkvöðlar Steina og Woody Vasulka.
Sýningar hefjast á Vasulka-áhrifunum