Morgunblaðið - 31.10.2019, Blaðsíða 16

16 FRÉTTIRInnlent
MORGUNBLAÐIÐ FIMMTUDAGUR 31. OKTÓBER 2019
Enski boltinn
frá Síminn Sport
á Nova TV
2.500 kr./mán.
með ótakmörkuðum Ljósleiðara hjá Nova.
Verð áður 4.500 kr./mán.
Guðrún Hálfdánardóttir
guna@mbl.is
Katrín Jakobsdóttir forsætisráð-
herra er mjög ánægð með að sjá í
lok formennskuárs Íslands í nor-
rænu ráðherranefndinni hversu
hratt og vel var unnið á árinu. Ekki
aðeins hafi verið unnið með planið
sem kynnt var á Norðurlandaráðs-
þinginu í fyrra heldur náðist fram
framtíðarsýn til ársins 2030 með
umhverfismálin í miklum forgangi.
Hún segir að loftslagsmálin hafi
verið í öndvegi á Norðurlandaráðs-
þingi, sem lauk í Stokkhólmi í gær,
og á fundum forsætisráðherranna.
„Hvaða áskoranir loftslagsváin er
fyrir ríki sem þessi. Hvernig getum
við tryggt að okkar lýðræðislegu
leikreglur séu nýttar. Við sjáum að
yfirvöld eru að ráðast í alls konar
aðgerðir og mæta jafnvel mikilli
andstöðu, þannig að það þarf að
vera þessi félagslega hugsjón á bak
við þetta og að sjálfsögðu efnahags-
leg. Þetta er ekki einkamál um-
hverfisráðherra,“ segir Katrín og
bætir við að allir flokkahóparnir á
Norðurlandaráðsþinginu hafi verið
sammála um mikilvægi þess að
grípa til aðgerða.
Að frumkvæði Íslands var unga
fólkið fengið að borðinu og sátu
fulltrúar þess á fundi með norrænu
forsætisráðherrunum í gær
„Við fengum öll erfiðar spurn-
ingar frá þessu unga fólki. Fengum
tækifæri til að tjá okkur og hlusta.
Ég vona að það verði ekki bara í
þetta skiptið heldur verði það fast-
ur þáttur að fá ungt fólk á fund
forsætisráðherra Norðurlandanna,“
segir Katrín.
Mikil viðurkenning
Guðlaugur Þór Þórðarson utan-
ríkisráðherra segir það mikla við-
urkenningu fyrir Íslendinga að
utanríkisráðherrar Norður-
landanna hafi komist að sam-
komulagi um að fá Björn Bjarna-
son, fyrrverandi ráðherra, til þess
að skrifa skýrslu sambærilega
þeirri sem Thorvald Stoltenberg,
fyrrverandi utanríkisráðherra Nor-
egs, vann um norræna samvinnu
fyrir áratug. Áætlað er að Björns-
skýrslan komi út um mitt næsta ár.
„Þetta er viðurkenning fyrir
okkar starf á þessum vettvangi.
Tillaga mín um að halda áfram
með Stoltenberg-vinnuna var sam-
þykkt á fundi ráðherranna í Borg-
arnesi nýverið,“ segir Guðlaugur
Þór.
„Það er ekki bara ánægjulegt að
finna fyrir samstöðunni milli ráð-
herranna þegar kemur að tillögu
okkar heldur líka samstöðinni um
Björn Bjarnason hjá þingmönnum,
bæði í forsætisnefndinni og í um-
ræðum í þingsal hér á þingi
Norðurlandaráðs,“ segir Guðlaugur
í samtali við blaðamann Morgun-
blaðsins á þingi Norðurlandaráðs.
„Mér er til efs að rödd Íslands
hafi verið áður jafn áberandi og nú
er. Þá er ég ekki bara að vísa til
þessa heldur einnig veru okkar í
Mannréttindaráðinu,“ segir Guð-
laugur og nefnir þar að auki for-
mennsku Íslands í norðurskauts-
ráðinu, norrænu ráðherranefndinni,
Eystrasaltssamstarfi og víðar.
Ísland hefur vakið athygli á vett-
vangi mannréttindamála undan-
farin misseri og Ísland ratað ítrek-
að í alþjóðlega fjölmiðla vegna
þess. Ekki síst í gegnum veru Ís-
lands í mannréttindaráði Samein-
uðu þjóðanna.
Ísland hefur ekki áður átt aðild
að mannréttindaráðinu en önnur
norræn ríki hafa verið í samvinnu
um aðild og skipst á.
Norden.org/Magnus Fröderberg
Þingmenn Fulltrúar á þingi Norðurlandaráðs í Stokkhólmi, sem lauk í gær.
Norden.org/Johannes Jansson
Kynslóðir hittast Fulltrúar ungu kynslóðarinnar heilsa forsætisráðherrum Norðurlandanna í gær.
Unga fólkið brýnir ráðherrana
 Loftslagsmál voru helsta umfjöllunarefnið á þingi Norðurlandaráðs sem lauk í Stokkhólmi í gær
Sænski aðgerðasinninn Greta
Thunberg hlaut umhverf-
isverðlaun Norðurlandaráðs í ár
en afþakkaði verðlaunin. Spurð
út í ákvörðun Gretu að taka ekki
við verðlaununum segir Katrín
Jakobsdóttir forsætisráðherra
að það hafi ekki komið henni á
óvart.
„Greta er aðgerðasinni sem
hefur verið að setja mál á dag-
skrá með mjög afgerandi hætti
og ég held að við ættum að
fagna því hvað hún hefur gert
fyrir þessa umræðu í heiminum
en ég var ekkert hissa að hún
skyldi afþakka verðlaunin því
þau standa fyrir ákveðið kerfi
sem hún hefur talað mjög
ákveðið gegn. Mér fannst hún
vera samkvæm sjálfri sér; hún
hefur staðsett sig sem harðan
gagnrýnanda kerfisins,“ segir
hún.
Kom Katrínu ekki á óvart
GRETA THUNBERG AFÞAKKAÐI UMHVERFISVERÐLAUNIN
Þær Isabelle Axelsson og Sophia Axelsson
frá samtökunum FridaysForFuture komu
fyrir hönd Gretu á afhendingu norrænu
umhverfisverðlaunanna.