Morgunblaðið - 13.11.2019, Blaðsíða 10
10 FRÉTTIRInnlent
MORGUNBLAÐIÐ MIÐVIKUDAGUR 13. NÓVEMBER 2019
Jólamatseðillinn
byrjar 14. nóvember
Tryggðu þér borð á
www.matarkjallarinn.is
Aðalstræti 2 | s. 558 0000
BAKSVIÐ
Baldur Arnarson
baldura@mbl.is
Lögreglan á Suðurnesjum leitaði ekki
tilboða þegar embættið samdi við
Attentus – mannauð og ráðgjöf um
ráðgjöf vegna ráðninga.
Alls er um að ræða sex reikninga
sem gerðir voru á tímabilinu frá 25.
september 2018 til 26. júní 2019 að
fjárhæð samtals 3,5 milljónir kr.
Morgunblaðið hefur undanfarið
fjallað um viðskipti ríkisstofnana við
Attentus. Tilefnið er meðal annars
samstarf fyrirtækisins við Vinnueftir-
litið en fyrirtækið lagði stofnuninni til
mannauðsstjóra. Var sá látinn hætta
eftir deilur við starfsfólk.
Pétur Óli Jónsson, fjármálastjóri
rekstrar- og fjármáladeildar Lögregl-
unnar á Suðurnesjum, varð til svara
hjá lögreglunni suður með sjó.
„Þessir reikningar eru til komnir
vegna ráðningar tveggja yfirlögreglu-
þjóna og mannauðsstjóra embætt-
isins. Embættið hefur leitað áður til
Attentus með góðum árangri og því
var ekki leitað sérstaklega að tilboðum
hjá öðrum aðilum enda er uppsöfnuð
heildarfjárhæð undir þeim fjárhæðum
sem skylda stofnanir til að bjóða út.
Það er mat yfirstjórnar embættisins
að ráðningar skulu byggjast á fagleg-
um forsendum. Því er mikilvægt að
ekki sé hægt að efast um óhæði við
ráðningar og er það meginforsenda
þess að utanaðkomandi ráðgjafi var
valinn. Auk þess má geta að embættið
bjó ekki yfir nægilegri þekkingu til að
geta metið í starf mannauðsstjóra.“
Ber að bjóða út þjónustuna
Ríkisstofnanir hafa keypt þjónustu
af Attentus fyrir 44,5 milljónir frá því í
september í fyrra.
Haft var eftir Halldóri Ó. Sigurðs-
syni, forstjóra Ríkiskaupa, í Morgun-
blaðinu að Attentus ætti ekki aðild að
rammasamningum Ríkiskaupa. Hall-
dór sagði að þegar ríkisstofnanir
keyptu þjónustu utan rammasamn-
ings væri þeim skylt að leita tilboða frá
minnst þremur aðilum, svo um eðlilega
samkeppni væri að ræða í samræmi
við 24. gr. laga um opinber innkaup nr.
120 frá 2016.
Samskonar fyrirspurn var send til
Héraðsdóms Reykjavíkur (HDR) en
Héraðsdómstólar keyptu þjónustu af
Attentus fyrir rúmar 3 milljónir frá
október 2018 til mars í ár. Fram kom í
svari Höllu Jónsdóttur, mannauðs- og
rekstrarstjóra HDR, að HDR samdi
við Attentus án þess að leita tilboða.
„Rammasamningur um rekstrar-
ráðgjöf tók gildi 14. nóvember 2018.
Þegar viðskipti HDR við Attentus hóf-
ust í október 2018 var því enginn
rammasamningur í gildi. Hluti þeirrar
þjónustu sem keypt var hjá Attentus
var markþjálfun sem er fræðslu- og
þjálfunarþjónusta sem ekki var út-
boðsskyld skv. eldri lögum og tilskip-
unum en er nú aðeins útboðsskyld
þegar hún nær kr. 97.575.000 skv.
VIII. kafla laga um opinber innkaup
nr. 120/2016 (OIL) og reglugerð nr.
1000/2016,“ skrifaði Halla og vísaði í
lögin.
Nái ekki til slíkra innkaupa
„Í 3. mgr. 92. gr. OIL segir: „að öðru
leyti en fram kemur í þessum kafla
taka lög þessi ekki til slíkra innkaupa
nema annað sé tekið fram.“ Það er því
ljóst að þegar samið var við Attentus
um markþjálfun, var hvorki í gildi
rammasamningur um slíka þjónustu
né var skylt að leita tilboða skv. lög-
unum vegna svo lítilla innkaupa.
Tekin var ákvörðun um að fá mann-
auðsstjóra til leigu hjá Attentus og er
fyrsti reikningur vegna þess dags. 25.
október 2018 en rammasamningurinn
tók ekki gildi fyrr en 14. nóvember
2018. Samningur um þjónustu mann-
auðsráðgjafa var því gerður áður en
rammasamningurinn tók gildi, þótt
reikningar vegna þess samnings næðu
yfir tímabilið eftir að rammasamning-
urinn tók gildi. Þessi mannauðsráðgjöf
varði í stuttan tíma og mun héraðs-
dómurinn að sjálfsögðu nýta sér góð
kjör innan rammasamnings um
rekstrarráðgjöf við áframhaldandi
þjónustukaup,“ sagði í skriflegu svari
Höllu við fyrirspurn um málið.
Þá kom fram í Morgunblaðinu sl.
laugardag að Umhverfisstofnun leitaði
ekki tilboða þegar hún samdi við
Attentus. Var það skýrt með veikind-
um mannauðsstjóra og brýnum verk-
efnum í mannauðsmálum.
Ætlunin hefði verið að brúa aðeins
stutt tímabil. Stofnunin hefði svo ráðið
mannauðsstjóra til starfa.
Fyrirspurnir um tilgang viðskipta
við Attentus og hvort þau hefðu verið
innan samnings voru jafnframt sendar
á dómstólasýsluna, dómsmálaráðu-
neytið, forsætisráðuneytið og velferð-
arráðuneytið. Svör hafa ekki borist.
Lögreglan á Suðurnesj-
um leitaði ekki tilboða
Samdi við fyrirtækið Attentus um ráðgjöf vegna ráðningar
Morgunblaðið/Eggert
Attentus Fyrirtækið hefur verið umsvifamikið í ráðgjöf til ríkisstofnana.
Umhverfisráðuneytið hefur verið langstærsti viðskiptavinur Attentus
síðasta árið eða svo. Alls er um að ræða 13 reikninga að fjárhæð samtals
16,3 milljónir króna frá því í október 2018.
Fram kom í svari Bergþóru Njálu Guðmundsdóttur, upplýsingafulltrúa
umhverfisráðuneytisins, að þjónustan sem Attentus – mannauður og
ráðgjöf veitti ráðuneytinu á tímabilinu september 2018 til nóvember
2019 byggðist á þjónustusamningi á milli aðila frá 11. janúar 2017.
Sá samningur feli í sér leigu á mannauðsstjóra hjá Attentus sem sinni
verkefnum og þjónustu á sviði mannauðsmála þar sem ekki sé starfandi
sérfræðingur í mannauðsmálum í ráðuneytinu. Þá sinni Attentus ýmsum
tilfallandi verkefnum og ráðgjöf. „Hér er m.a. um að ræða aðstoð við
ráðningar í störf innan ráðuneytisins, eftirfylgni jafnlaunastaðals, mark-
þjálfun, stjórnendaþjálfun, starfsmannasamtöl, launa- og kjaramál og
vinnu við ýmsar greiningar og stefnumótun á sviði mannauðsmála,“
sagði Bergþóra Njála. Ekki hefði verið leitað tilboða í ofangreind þjón-
ustuverk heldur byggðust þau á þjónustusamningi.
Með samning við Attentus
UMHVERFISRÁÐUNEYTIÐ
Sigtryggur Sigtryggsson
sisi@mbl.is
Bæjarráð Garðabæjar hefur sam-
þykkt að leggja til við bæjarstjórn
að samþykkja að veita Vegagerðinni
leyfi til framkvæmda vegna breikk-
unar og endurbóta á gatnamótum
Hafnarfjarðarvegar við Vífils-
staðaveg og Lyngás ásamt gerð
undirganga fyrir gangandi og hjól-
andi umferð við Hraunsholtslæk.
Einnig er um að ræða fram-
kvæmdir við breikkun og endur-
bætur á Vífilsstaðavegi milli Hafnar-
fjarðarvegar og Litlatúns og gerð
hringtorgs við Litlatún.
Verkið boðið út fljótlega
Fram kemur í bréfi Vegagerð-
arinnar til bæjarins að stefnt sé að
því að bjóða þessar framkvæmdir út
í þessum mánuði. Þá er stefnt að því
að þeim verði lokið haustið 2020.
Tilgangur þeirra er að auka um-
ferðaröryggi og greiða fyrir umferð
af hliðarvegum í Garðabænum inn á
Hafnarfjarðarveg.
Einnig kemur fram í bréfinu að
Hraunsholtslækurinn verði leiddur í
undirgöngunum við hlið göngu- og
hjólaleiðarinnar. Akreinum á Hafn-
arfjarðarvegi verður fjölgað og
beygjureinum breytt og fjölgað. Þá
verður gengið frá göngustígum á
svæðinu.
Verkið er samstarfsverkefni
Vegagerðarinnar, Garðabæjar og
veitufyrirtækja.
Framkvæmdir verða á gatnamót-
unum til að liðka fyrir umferð. Tvö-
föld vinstri beygja verður af Hafnar-
fjarðarvegi inn á Vífilsstaðaveg til
austurs, tvöföld vinstri beygja verð-
ur af Vífilsstaðavegi inn á Hafnar-
fjarðarveg bæði til norðurs og suð-
urs, tvöföld vinstri beygja verður af
Lyngási inn á Hafnarfjarðarveg og
hægri beygja af Lækjarfit í framhjá-
hlaupi.
Undirgöng verða gerð úr for-
steyptum einingum og er miðað við
að göngin verði unnin í tveimur
áföngum þannig að halda megi um-
ferð um Hafnarfjarðarveg á tveimur
akreinum í hvora átt á fram-
kvæmdatíma.
Morgunblaðið/Ómar
Hraunsholtslækur Stefnt er að því að leiða lækinn í undirgöngum við stíg.
Ráðist í endur-
bætur við gatna-
mót í Garðabæ
Eiga að greiða fyrir umferð af hlið-
arvegum inn á Hafnarfjarðarveginn
Morgunblaðið/Golli
Garðabær Miklar umferðarteppur
myndast oft á Hafnarfjarðarvegi.