Morgunblaðið - 14.11.2019, Qupperneq 62

MORGUNBLAÐIÐ FIMMTUDAGUR 14. NÓVEMBER 2019
Kristín Þórisdóttir er markþjálfi og er í
framhaldsnámi í kynlífsmarkþjálfun. Hún
segir að enn í dag sé kynlífsumræðan mikið
feimnismál en þeim fjölgi sem leiti sér
hjálpar við að bæta samlíf sitt við makann.
Fólk kemur þá gjarnan og markþjálfinn
hjálpar pörunum að tjá sig hvort við annað,
vera opinská um langanir sínar og þrár í
kynlífinu. Í Ísland vaknar á K100 segir
Kristín að það sé alþekkt að pör sem hafa
verið lengi saman upplifi tilbreytingarleysi
en þar sem kynlíf sé persónulegt og mikið
feimnismál eigi fólk erfitt með að tjá sig
hvort við annað, hvað þá við aðila sem það
þekkir lítið sem ekkert.
Þótt kynlífsmarkþjálfun sé mjög persónu-
leg segir Kristín að hún hitti fólk fyrst og
fremst í viðtölum en standi ekki yfir fólki í
svefnherberginu. „Hands-on“-kynlífsmark-
þjálfar þekkjast þó að sögn Kristínar og
hafa það hlutverk að fylgjast með fólki í
rekkjubrögðum og leiðbeina því með betri
árangur að markmiði.
En það var ekki bara kynlífsmarkþjálfi í
heimsókn hjá Ísland vaknar í vikunni. Hinn
kynngimagnaði Ævar vísindamaður mætti í
heimsókn sem og fulltrúar Hinsegin kórsins
eins og sést á meðfylgjandi myndum.
Þú getur hlustað og horft á öll viðtölin
ásamt því að lesa skemmtilegar greinar og
margt fleira á fjölbreyttum vef K100 á
k100.is.
Ísland vaknar er ekkert mannlegt óviðkomandi
Viðmælendur Ísland vaknar eru fjölbreyttir og koma úr öllum kimum þjóðfélagsins. Þau ræddu meðal annars við kynlífsmarkþjálfa í vikunni.
Kynlífsmarkþjálfinn Kristín Þórisdóttir tekur fólk í kynlífs-
markþjálfun og sagði frá því í vikunni.
Rafíþróttamenn Bragi Þór og Arnar Hólm standa þessa dagana fyrir
foreldrafræðslu um rafíþróttir.
Fjölbreytileikinn Hinsegin kórinn, fjölbreyttasti kór Íslands, sagði frá
starfinu og tónleikum í desember í skemmtilegu spjalli.
Karókídrolla Elenóra heldur karókíkvöld einu sinni í viku og
lét meðlimi Ísland vaknar keppa í því.
Vísindamaður Ævar Þór Benediktsson settist niður og
skrifaði bók sem er eins og tölvuleikur.