Fréttablaðið - 19.02.2020, Blaðsíða 4

Þannig að með
dálitlum hugar-
reikningi verður Britta
Nielsen látin laus eftir fjögur
ár og tvo mánuði.
Trine Maria Ilsøe
Það þarf vilja til
þess að finna nýja
nálgun og nýjar leiðir á
þessum tímapunkti og ég
vonast til þess að þær leiðir
finnist í góðu samtali milli
samninganefndanna.
Dagur B. Eggertsson borgarstjóri
ára
FJÁRMÁL Landsbankinn gerir ekki
ráð fyrir að leigja eða selja með
hagnaði þau 40 prósent af væntan­
legum höfuðstöðvum sem bankinn
hyggst ekki sjálfur nýta fyrir starf­
semi sína.
„Ekki hefur verið tekin ákvörðun
um hvort sá hluti hússins sem bank­
inn mun ekki nýta verði seldur eða
leigður en bankinn reiknar með að
sala/leiga standi undir stofnkostn­
aði við þann hluta hússins,“ segir í
svari sem fjármálaráðherra hefur
lagt fram á Alþingi við fyrirspurn
Birgis Þórarinssonar, þingmanns
Miðflokksins. Svarið fékk ráðherra
frá Landsbankanum með milli­
göngu Bankasýslu ríkisins sem fer
með hlut ríkisins í bankanum.
Birgir spurði meðal annars um
áætlaðan byggingarkostnað nýrra
höfuðstöðva Landsbankans sem
nú rísa við Austurhöfn. Í svarinu
kemur fram að kostnaðaráætlunin
hafi hækkað úr níu milljörðum
króna í maí 2017 í 11,8 milljarða
eða um samtals 2,8 milljarða króna.
Nemur sú hækkun 31 prósenti. Alls
verður byggingin 16.500 fermetra
og ætlar bankinn að nota tíu þús­
und fermetra af því.
Kostnaður við þann hluta hús­
næðisins sem bankinn hyggst nýta
er sagður verða um 7,5 milljarðar
króna. Bankinn munu flytja starf­
semi úr tólf húsum í miðbænum
ásamt stærstum hluta Borgartúns
33 undir eitt þak í nýju húsi.
„Því fylgir mikið hagræði og er
gert ráð fyrir að árlegur sparnaður
bankans af þeim sökum nemi um
500 milljónum króna, einkum
vegna lækkunar á húsaleigu og
kostnaði við rekstur og viðhald hús­
næðis,“ segir í svarinu.
Þingmaðurinn spyr meðal ann­
ars um það hvort núverandi höfuð­
stöðvar Landsbankans í Austur­
stræti verði seldar eða yfirteknar af
ríkissjóði. Er því til svarað að gera
megi ráð fyrir að húsnæði bankans
verði komi í verð með einum eða
öðrum hætti og það nýtt til að fjár­
magna starfsemina. Ekkert hafi þó
enn verið ákveðið.
„Höfuðstöðvar Landsbankans
samanstanda af þrettán húsum í
Kvosinni og eru einungis fjögur
þeirra í eigu bankans. Af þeim er
Austurstræti 11 langstærst,“ segir í
svarinu. Fasteignamat Austurstræt­
is 11 hafi í fyrra verið 1.913 milljónir
króna,“ er vitnað í svari ráðherra til
svars frá Bankasýslunni.
Landsbankinn segir fyrir sitt
leyti að engar ákvarðanir haf i
verið teknar um framtíðarnýtingu
Austurstrætis 11. „Húsið hefur
menningarlegt og sögulegt gildi
og bankinn mun gefa sér tíma til
að finna leiðir til að húsið fái nýtt
hlutverk og geti notið sín til fram­
tíðar,“ segir í svari Landsbankans
sem ráðherra byggir svör sín á.
gar@frettabladid.is
Spara 500 milljónir á ári með
tólf milljarða höfuðstöðvum
Landsbankinn áætlar að selja eða leigja 40 prósent nýrra höfuðstöðva í Austurhöfn fyrir stofnkostnaði.
Heildarkostnaður við bygginguna er nú áætlaður 11,8 milljarðar króna. Bankinn hyggst spara hálfan
milljarð árlega með byggingunni að því er kemur fram í svari fjármálaráðherra við fyrirspurn á Alþingi.
Landsbankinn keypti lóðina árið 2014 fyrir 957 milljónir króna en segir virðið í dag vera óvíst. FRÉTTABLAÐIÐ/STEFÁN
Húsið hefur menn-
ingarlegt og sögu-
legt gildi og bankinn mun
gefa sér tíma til að finna
leiðir til að húsið fái nýtt
hlutverk og geti notið sín til
framtíðar.
Úr svari við fyrirspurn um
húsnæðismál Landsbankans
KJARAMÁL Samninganefnd Eflingar
lagði fram útfærðar tillögur að lausn
kjaradeilu sinnar við Reykjavíkur­
borg á fundi hjá ríkissáttasemjara
í gær. Var þetta fyrsti sáttafundur
aðila í ellefu daga en boðað hefur
verið til annars fundar í dag.
Í tilkynningu frá Eflingu kemur
fram að trúnaður ríki um innihald
tilboðsins. Þar segir einnig að samn­
inganefndin hafi ásamt starfsfólki
félagsins fundað stíft með trúnaðar­
mönnum undanfarna daga. Þar hafi
umræddar tillögur verið útfærðar.
Staða viðræðnanna var rædd á
fundi borgarstjórnar í gær en ótíma­
bundið verkfall rúmlega 1.800
félagsmanna Eflingar hefur víðtæk
áhrif á þjónustu borgarinnar.
Þar fór Dagur B. Eggertsson
borgarstjóri yfir það að mjög hafi
dregist að ljúka samningum á
opinbera markaðnum. Það skýrist
meðal annars af því hversu langan
tíma hafi tekið að útfæra styttingu
vinnuvikunnar hjá vaktavinnu­
fólki.
Kolbrún Baldursdóttir, borgar­
fulltrúi Flokks fólksins, sagðist
styðja kröfur Ef lingar heilshugar.
„Borgarstjóri getur á einu auga­
bragði ákveðið að leysa þessa kjara­
deilu. Hann neitar að gera það þrátt
fyrir vandræðaástand í borginni,“
segir í bókun Flokks fólksins.
„Við skulum spyrja að leiks­
lokum varðandi þá samninga sem
nú standa yfir en þetta er vandleyst.
Það þarf vilja til þess að finna nýja
nálgun og nýjar leiðir á þessum
tímapunkti og ég vonast til þess
að þær leiðir finnist í góðu samtali
milli samninganefndanna,“ sagði
Dagur B. Eggertsson borgarstjóri
við lok umræðnanna. – sar
Ræða nýtt tilboð Eflingar á fundi hjá ríkissáttasemjara í dag
Frá fundi Eflingar og borgarinnar í
gær. FRÉTTABLAÐIÐ/ANTON BRINK
LÖGREGLA Banda rískur karl á fer­
tugs aldri hefur setið í gæslu varð­
haldi hjá lög reglunni á Suður­
nesjum síðan í byrjun mánaðar.
Sam kvæmt frétt RÚV er hann grun­
aður um að hafa nýtt sér samfélags­
miðla til að tæla og brjóta á drengj­
um í mörgum löndum, þar á meðal
á Ís landi. Sumir drengjanna séu á
fermingaraldri.
Maðurinn er sagður hafa ferðast
í nokkurn tíma um Norður­Amer­
íku og Evrópu. Lögreglan á Suður­
nesjum er sögð rannsaka málið og
vinna í nánu sam starfi við er lend
lög reglu yfir völd. – atv
Grunaður um
kynferðisbrot
DANMÖRK Hin danska Britta Niel­
sen var í gær dæmd í undirrétti í
Kaupmannahöfn til sex og hálfs árs
fangelsisvistar fyrir að hafa dregið
sér samtals 117 milljónir danskar
krónur í starfi sínu hjá félagsmála­
yfirvöldum.
Danir virðast margir telja dóm­
inn yfir Nielsen of vægan, ekki síst
í ljósi þess að brot hennar náðu yfir
aldarfjórðung, eða frá árinu 1993 til
2018, og að upphæðin er gríðarleg,
eða jafnvirði um 2.170 milljóna
íslenskra króna.
Fréttavefur Danmarks Radio
bauð í kjölfar dómsins í gær les­
endum að senda spurningar um
málið til Trine Maria Ilsøe, sem
skrifar fréttir af dómsmálum. Sam­
kvæmt dóminum á að gera 113
milljón danskar krónur upptækar
hjá Nielsen.
Einn lesandinn spyr hvort það
endurspegli að enn sé svo mikið af
þýfinu í fórum Nielsen en frétta­
maðurinn segir svo ekki vera. „Eins
og staðan er nú er upphæðin sem
ríkið hefur fengið til baka miklu
lægri,“ svarar Ilsøe.
Annar spyr hversu lengi megi
búast við að Nielsen sitji í fangelsi.
Hún er í dag 65 ára og ætlar sjálf
ekki að áfrýja dóminum en ákæru­
valdið hefur enn tvær vikur til að
áfrýja fyrir sitt leyti. Ilsøe segir að
venjulega sé fólk látið laust eftir að
hafa afplánað tvo þriðju af dóm­
inum. „Þannig að með dálitlum
hugarreikningi verður Britta Niel­
sen látin laus eftir fjögur ár og tvo
mánuði,“ útskýrir fréttaritari DR í
dómsmálum. – gar
Danir undrast dóm yfir svikakvendi
Kia Reumert saksóknari ræðir við
fréttamenn við dómshúsið. MYND/EPA
Blátindur sökk í óveðrinu á dög-
unum. MYND/ÓSKAR P. FRIÐRIKSSON
VESTMANNAEYJAR Bæjarráð Vest­
manna sem vill að bæjarstjórinn
fái fund með fulltrúum Landsnets
og HS Veitna, með atvinnulífinu og
bæjarstjórn, til að upplýsa um og
bæta stöðu varaafls í Eyjum.
Tilefnið er óveðrið aðfaranótt
14. febrúar og bilanir sem leiddu
til þess að keyra þurfti rafmagn á
varaafli. Raforkunotkun heimila sé
5­6 MW yfir vetrartímann. „Þegar
full vinnsla er í fiskvinnslustöðv­
unum og verið er að frysta til dæmis
loðnuafurðir er notkunin um 13
MW. Þar sem aðeins rúm 4 MW eru
til staðar sem varaafl í Eyjum, gefur
augaleið að alvarlegt ástand getur
myndast ef alvarleg bilun verður í
f lutningskerfi Landsnets.“ – gar
Vantar varaafl
1 9 . F E B R Ú A R 2 0 2 0 M I Ð V I K U D A G U R4 F R É T T I R ∙ F R É T T A B L A Ð I Ð