Morgunblaðið - 05.12.2019, Qupperneq 20

20 FRÉTTIRInnlent
MORGUNBLAÐIÐ FIMMTUDAGUR 5. DESEMBER 2019
Ágúst Ingi Jónsson
aij@mbl.is
Viðskiptavinir nokkurra verslana á
höfuðborgarsvæðinu munu eiga kost
á því að kaupa íslenskt wasabi úr
Fellabæ núna fyrir jólin. Fram-
leiðslan er dýr og 50 gramma pakkn-
ing, sem dugar í gott matarboð,
verður seld á um eða yfir tvö þúsund
krónur út úr búð. Um helmingur
framleiðslunnar á Héraði er fluttur
út til hágæðaveitingastaða erlendis.
Ragnar Atli Tómasson og Johan
Sindri Hansen eiga fyrirtækið Jurt
ásamt fjárfestum og fyrsta fram-
leiðslan undir heitinu Nordic Wasabi
kom á markað fyrir tveimur árum.
Ragnar Atli segir að um hágæða-
framleiðslu sé að ræða og það sé
talsverður áfangi að byrja að kynna
vöruna fyrir neytendum í verslunum
hér á landi. Fyrsta kastið verður
Wasabi á boðstólum í Hagkaup í
Garðabæ, fiskbúðinni Hafinu í
Kópavogi og Spönginni og stærri
Krónuverslunum.
Auk þess að nota wasabi í sushi
segir Ragnar Atli að það njóti sín vel
með hangikjöti, og þá sé sérstaklega
gott að blanda því við sýrðan rjóma,
reyktri bleikju og jafnvel öðrum
fiski og steikum. Hann hvetur fólk til
að prófa sig áfram með að nota was-
abi við matargerð.
Frá upphafi hefur Jurt selt fram-
leiðslu sína til nokkurra veitinga-
staða í Reykjavík og einnig flutt vör-
una út til Evrópulanda, einkum
Norðurlanda. Aðeins tvö fyrirtæki í
Evrópu, Jurt og fyrirtæki á Eng-
landi, framleiða ekta wasabi eins og
Japanir eru þekktir fyrir. Ragnar
Atli segir að í Evrópu sé yfirleitt
notuð blanda af piparrót, sinnepi og
matarlit í sushi og kallað wasabi þó
svo að um eftirlíkingu sé að ræða.
Framleiðslugeta fyrirtækisins er
nú nokkur tonn á ári og hefur aukist
jafnt og þétt frá upphafi. Það tekur
um eitt ár að rækta wasabi-
plöntuna, sem þarf alltaf að vera
fersk og segir Ragnar Atli að því
þurfi að skipuleggja uppskeru og
sölumál fram í tímann.
Öll plantan er borðuð
Ræktunin fer fram í hátækni-
gróðurhúsi í Fellabæ, alls á um tvö
þúsund fermetrum. Gott vatn, raf-
magn og jarðhiti eru lykillinn að há-
gæðaafurðum og segir Ragnar Atli
að áhersla sé lögð á endurnýjanlega
orkugjafa og umhverfisþætti. Hús-
næði í Fellabæ er ekki fullnýtt þann-
ig að fyrirtækið hefur möguleika á
að auka framleiðsluna þar eftir því
sem eftirspurn eykst. Ragnar og
Sindri sjá um allan rekstur ásamt
tveimur starfsmönnun í ræktun og
sölu í Fellabæ og Reykjavík.
Wasabi-jurtin er japönsk að upp-
runa og er stilkur hennar maukaður
við matargerð. Stundum er gestum
veitingahúsa boðið að fylgjast með
þegar það er gert. Eftir að stilkurinn
er rifinn endist bragðið í skamman
tíma en byrjar síðan að dofna. Því er
mikilvægt að bjóða vöruna alltaf
ferska.
Öll plantan er æt og blómstrar yf-
ir vetrartímann. Blöðin og blómin
eru sérstaklega vinsæl hjá kokkum
hér heima og í Evrópu í salöt og
diskaskreytingar en þau gefa milt
wasabibragð.
Ljósmynd/Jurt
Í Fellabæ Ræktun á wasabi fer fram á um tvö þúsund fermetrum og eru stækkunarmöguleikar í gróðurhúsinu.
Íslenskt wasabi gott
með hangikjötinu
 Á boðstólum í verslunum  Kostar sitt í framleiðslu
Matargerð Jurtin þykir ómissandi í
sushi, en hægt er að nota ferskt was-
abi með alls konar mat, t.d. með steik.
Ágúst Ingi Jónsson
aij@mbl.is
Þegar karlar fara í golf er líklegra
að þeir leiki 18 holur, sem tekur
gjarnan á fimmta klukkutíma. Kon-
ur spila hins vegar oftar golf en
karlarnir, en fara þá oftar aðeins níu
holur. Nær helmingur kvenna eða
49% spilar golf þrisvar í viku eða oft-
ar, sambærilegt hlutfall meðal karla
er 41%. Þeir sem eru undir meðal-
tekjum eru iðnari við golfið en þeir
sem eru yfir þeim.
Þetta er meðal þess sem kemur
fram í niðurstöðum úr könnun Gall-
up sem birt var á golfþingi GSÍ í nóv-
ember. Um var að ræða netkönnun
og var úrtakið unnið úr félagaskrá
GSÍ. Leitað var til 5.746 kylfinga og
svöruðu 1.899 þeirra eða 33%.
Kraftur í 18-24 ára kylfingum
Að meðaltali leika kylfingar golf
2,4 sinnum í viku á þeim árstíma sem
mögulegt er að spila golf, karlar 2,3
sinnum og konur 2,5 sinnum. Mest er
iðkunin í aldurshópnum 18-24 ára en
kylfingar á því aldursbili fara í golf
3,8 sinnum í viku og 44% þeirra spila
fimm sinnum í viku eða oftar. Minnst
er virknin í hópnum 35-44 ára en
fólk á þeim aldri leikur golf 1,8 sinn-
um í viku. 47% kylfinga 65 ára og
eldri spila golf oftar en þrisvar í
viku.
32% kylfinga á Vestfjörðum fara í
golf fimm sinnum í viku eða oftar og
28% golfara á Austurlandi. Ef litið
er nánar á dreifingu eftir landshlut-
um kemur í ljós að víða á lands-
byggðinni fer fólk oftar níu holur en
á suðvesturhorninu. Þannig fara
86% fólks á Austurlandi oftar níu
holur. Ef litið er til aldurs þá fer
tæpur fjórðungur þeirra sem eru 18-
24 ára og 45-54 ára nær alltaf 18 hol-
ur, en þeir sem eru 25-34 ára fara
nær alltaf eða mun oftar níu holur.
75% þeirra sem svöruðu segjast
vera sátt við að greiða fast árgjald
eins og nú er algengast. 21% vildi að
árgjaldið væri lægra, en þá væri
einnig borgað fyrir hvern leikinn
hring. Meirihluti svarenda sagðist
vera tilbúinn að mæla með sínum
golfklúbbi við aðra kylfinga. Mest
ánægja var með viðmót starfsfólks,
en minnst með æfingaaðstöðu innan-
húss og verðlagningu árgjalda.
Þegar spurt var hversu miklu
máli það skipti að hafa fjölbreyttari
leiðir í holufjölda, þ.e. að geta spilað
annað en níu eða 18 holur, skiptust
svarendur í tvo jafna hópa. 32%
sögðu ýmist að það skipti miklu eða
litlu máli.
Konur fara oft-
ar í golf, karlar
spila fleiri holur
 Tekjulágir duglegri en tekjuháir
15%
23%
Konur spila oftar
Karlar leika meira
Hlutfall þeirra sem spila
golf þrisvar í viku eða oftar
Hlutfall þeirra sem leika nær
alltaf níu holur
41%
49%
Karlar Konur
Karlar Konur
Ómissandi á
veisluborðið
Söluaðilar: 10-11, Hagkaup, Iceland búðir, Samkaup Kjörbúðir,
Samkaup Krambúðir,Melabúðin, Nettó verslanir út um land allt.
Reyktur
og grann
lax
Beiðni um opinbera úttekt
Undirritaður sendi öllum alþingismönnum bréf síðastliðið vor þar sem m.a. var
vakin athygli á vinnubrögðum starfshóps sjávarútvegs- og landbúnaðarráðherra um
stefnumótun í fiskeldi. Starfshópurinn skilaði skýrslu 23. ágúst 2017. Af gögnum
málsins má dæma að svo virðist sem ferlið hafi verið með eftirfarandi hætti:
• Ákveðnir aðilar sóttu um fjölda eldissvæða til að koma sér í lykilstöðu.
• Útbúnar voru viðskiptaáætlanir, eldissvæðin eru verðmæti og erlendir
aðilar fengnir að borðinu.
• Fulltrúar atvinnugreinarinnar með um 70% eldissvæða, tveir
stjórnarformenn stærstu laxeldisfyrirtækjanna voru skipaðir í
stefnumótunarhópinn.
• Gefin var út stefnumótunarskýrsla með hagstæðum tillögum fyrir þá sem
hlut áttu að máli.
• Breytingar á lögum um fiskeldi nr. 71/2008 sem samþykkt voru á Alþingi
Íslendinga í vor byggist að mestu á áðurnefndri skýrslu starfshópsins.
• Ákveðin fyrirtæki fengu verulegan fjárhagslegan ávinning þegar lögin
voru samþykkt.
Farið var formlega fram á það við stjórnskipunar- og eftirlitsnefnd Alþingis í vor að
framkvæmd verði opinber rannsókn. Það virðist sem nefndin ætli ekki að svara þeim
erindum sem beint hefur verið til hennar og það eitt út af fyrir sig, þ.e. að svara ekki
erindum, er ámælisvert og hvorki í samræmi við ákvæði stjórnsýslulaga né vandaða
stjórnsýsluhætti.
Mér finnst þetta ekki í lagi - Hvað finnst þér?
Valdimar Ingi Gunnarsson, Sjávarútvegsþjónustan ehf.
valdimar@sjavarutvegur.is
Gögn á slóðinni: https://lagareldi.is/fljotandi-ad-feigdarosi/