Fréttablaðið - 07.02.2020, Blaðsíða 16

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli
Bergmann, atli@frettabladid.is, s. 550 5657, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is,
s. 550 5656, Ruth Bergsdóttir, ruth@frettabladid.is, s. 694 4103,
Kolbeinn Kristinsson, atvinnumaður í hnefa-leikum, keppti í sínum
fyrsta atvinnumannabardaga í
Bandaríkjunum í janúar og vann
með rothöggi í annarri lotu.
Hann hefur verið atvinnumaður
frá árinu 2014 en segir að nú sé
ferillinn loksins í alvöru kominn
af stað. Með sigrinum tryggði
hann sér samning við bandarískt
fyrirtæki sem sér um að kynna
hnefaleikamenn og finna handa
þeim bardaga, svo nú er ferillinn
kominn með góðan stuðning.
Kolbeinn segir að það hafi
verið svolítið fyndin saga á bak
við það hvernig hann byrjaði í
boxi, en þá var hann að vinna
með Skúla Ármannssyni, sem var
fyrsti Íslendingurinn til að keppa í
hnefaleikum sem atvinnumaður.
„Hann sagði við mig: „Komdu að
æfa box, þú ert með langar hendur,
þú getur barið einhvern“,“ segir
Kolbeinn. „Ég var svo bara ástfang-
inn af íþróttinni frá fyrstu æfingu.
Skúli var kominn miklu lengra
en allir aðrir í hnefaleikum hér á
landi og hann fór á undankeppni
fyrir Ólympíuleikana og svo í
atvinnumennsku,“ segir Kolbeinn.
„Ég sá að þetta væri hægt, svo ég
ákvað að reyna að gera það sama.
Ég var samt í rauninni byrjaður
að vinna sem boxari áður en ég
gerðist atvinnumaður í boxi,“ segir
Kolbeinn. „Þetta þróaðist þann-
ig að ég eyddi sífellt meiri tíma í
þetta og var farinn að vinna við
að þjálfa, þannig að ég var ekki að
gera neitt annað þegar ég ákvað að
verða atvinnumaður.“
Langur og glæstur
áhugamannaferill
Kolbeinn, sem berst í þungavigt,
barðist 40 sinnum sem áhuga-
maður áður en hann gerðist
atvinnumaður.
„Flestir bardagarnir fóru fram
erlendis, þannig að ég þurfti að
borga fyrir f lug og allt og þetta
kostaði um 100 þúsund krónur í
hvert sinn,“ segir hann. „Ég varð
líka tvöfaldur Íslandsmeistari, en
það voru reyndar ekki oft margir í
sama þyngdarflokki og ég. Fyrsta
alþjóðlega mótið sem ég vann til
verðlauna á var Tammer-mótið í
Finnlandi, en þar fékk ég brons. Ég
fór á einnig á Norðurlandamótið
tvisvar og vann þar brons og silfur.
Silfrið fékk ég eftir sigur með rot-
höggi og það var fyrsta og eina rot-
höggið á mótinu. Ég tók líka þátt í
undankeppni Ólympíuleikanna og
fór á Heimsmeistaramótið.
Planið var alltaf að fara í
atvinnumennsku 2013 og á ÓL
árið 2012,“ segir Kolbeinn. „En
svo eignaðist ég stelpu árið 2012,
þannig að þá var ég ekki tilbúinn
og það frestaðist aðeins.
Það var gott, því ég gat notað
tímann til að taka nokkra fleiri
bardaga og fór upp um þyngd,“
segir Kolbeinn. „Ég barðist svo í
síðasta sinn sem áhugamaður milli
jóla og nýárs 2013 og árið eftir það
fór allt að gerast og ég fór að fá til-
boð um að koma að æfa frá ýmsum
stöðum. Í nóvember 2014 varð ég
svo atvinnumaður.“
Með samning og góða þjálfun
Kolbeinn á nú 12 atvinnumanna-
bardaga að baki, en reyndar eru
bara 11 þeirra skráðir.
„Það er út af pólitík,“ segir hann.
„En ég er núna búinn að keppa í
Svíþjóð, Danmörku, Finnlandi,
Ungverjalandi og Bandaríkjunum
og er ósigraður. Ég er skráður með
11 sigra og 5 rothögg.
Sumarið 2018 barðist ég á móti
strák sem var allt í lagi, en bardag-
inn var töluvert erfiðari en hann
átti að vera. Þá var ég kominn á
þann stað að þurfa betri þjálfun
frá þjálfara sem hefur gert þetta
allt sitt líf. Ég komst í samband
við Dmitry Salita, sem á Salita
Promotions, og hann kom mér í
samband við þjálfarann minn í
Bandaríkjunum, sem heitir Sugar-
Hill Stewart og er frændi goð-
sagnakennda þjálfarans Emanuel
Stewart,“ segir Kolbeinn.
Þess má geta að SugarHill þjálfar
líka einn þekktasta þungavigtar-
boxara heims, Tyson Fury.
„Ég fór að æfa hjá honum og fór
svo í æfingabúðir með honum í
janúar, en ég hef talað við hann í
langan tíma. Salita hefur svo verið
að fylgjast með mér, en ég sá það
þegar ég kom í nóvember síðast-
liðnum að hann sýndi mér meiri
áhuga en áður,“ segir Kolbeinn.
„Þá var hann búinn að sjá hvernig
ég er og kunni að meta viðmótið
mitt og dugnaðinn og það að ég
er alltaf að bæta mig og er ekkert
að kvarta. Þess vegna vildi hann
setja mig á samning og sagði að
honum fyndist ég mjög góður en
að ég gæti verið miklu betri með
þjálfun. Hann ákvað að leyfa mér
að berjast í Iowa þann 17. janúar
síðastliðinn og það var fyrsti bar-
daginn minn í Bandaríkjunum og
fyrsti bardaginn á samningnum
hjá Salita Promotions.
Ég vann bardagann með rot-
höggi í 2. lotu,“ segir Kolbeinn.
„Þetta var alveg flott, en ég er með
svo háan standard fyrir sjálfan
mig að ég var ekkert svakalega
sáttur með frammistöðuna. Ég
hefði viljað gera meira, en svona
þróaðist þetta. Sá sem ég barðist
við hefur verið að boxa síðan hann
var 6 ára, svo hann var með góða
reynslu og var sprækur.
Með sigrinum festist samning-
urinn við Salita Promotions í sessi,
en ef ég hefði tapað hefði hann
bara orðið ógildur,“ segir Kol-
beinn. „Með sigrinum er samning-
urinn því frágenginn og ég kominn
í Salita liðið, sem þýðir að ég er
með fjölmiðlafulltrúa erlendis og
batterí á bak við mig.“
Kominn upp úr leðjunni
Kolbeinn segir að það hafi verið
hálf óraunverulegt að keppa í
Bandaríkjunum, en viðburðurinn
sem hann keppti á var sýndur á
Showtime sjónvarpsstöðinni, sem
er meðal þriggja stærstu dreifing-
araðila hnefaleika í heiminum.
„Það var allt svo fagmannlegt í
kringum þetta og maður fann fyrir
aukinni pressu. Þetta var töluvert
öðruvísi og þetta var f lottasti við-
burður sem ég hef barist á,“ segir
Kolbeinn.
Hann segir að það að fá að
berjast í Bandaríkjunum sé góður
afrakstur af öllu erfiði sínu.
„Maður hefur lengi verið að
grafa sig upp úr leðjunni en loksins
er maður kominn upp og eitthvað
er farið að gerast. En maður vill
alltaf meira,“ segir Kolbeinn.
Hann segir að það sé töluvert
öðruvísi að undirbúa sig fyrir
bardaga í Bandaríkjunum en hér
heima.
„Úti eru sex aðrir færir bardaga-
menn með mér og stærsti munur-
inn er að vera ekki lengur bestur í
gymminu,“ segir Kolbeinn. „Þarna
eru boxarar sem eru með meiri
reynslu og eru betri en ég. Það er
það sem þarf að verða betra og mér
fannst þetta vanta.“
Bannað hér,
í N-Kóreu og á Kúbu
Kolbeinn segir mjög erfitt að vera
boxari á Íslandi.
„Sérstaklega ef þú ætlar að gera
eitthvað með þetta, því það er
enn þá smá tabú varðandi hnefa-
leika á Íslandi þannig að það eru
til dæmis engin fyrirtæki til í að
veita manni stuðning, svo maður
er alveg einn á báti,“ segir hann.
„Það hefur líka verið lítill peningur
í þessu hingað til, en það er samt
eitthvað að gerast núna eftir að
Hnefaleikasamband Íslands kom
til sögunnar. En það eru engir
innviðir á Íslandi til að búa til
f leiri góða boxara. Það er að hluta
til vegna þess að á Íslandi eru
atvinnuhnefaleikar bannaðir með
lögum. Það er þannig á Íslandi,
Kúbu og í Norður-Kóreu.
Ég á samt ekki von á því að flytja
frá Íslandi,“ segir Kolbeinn. „Sem
stendur er þægilegra að ferðast
fram og til baka, en það gæti breyst
þegar maður er kominn lengra.“
Nauðsynlegt að setja
markið hátt
Það stefnir í að Kolbeinn berjist
næst í lok mars eða í seinasta lagi í
byrjun apríl.
„Ég er mögulega með bardaga
í lok mars, en ég vil ekki gefa upp
dagsetningu strax. Ef það gengur
ekki upp á ég að fá bardaga í
byrjun apríl,“ segir hann. „Þannig
að það eru 6-10 vikur í næsta bar-
daga og ég vonast til að fá allavega
fimm bardaga á árinu. Ef ég berst
í lok mars eða byrjun apríl get ég
alveg séð fram á að ná 5-6 bar-
dögum á árinu.
Stefnan er að verða heimsmeist-
ari og vinna öll beltin. Vera bestur
í heimi,“ segir Kolbeinn. „Ef maður
setur markið ekki nógu hátt er það
of lágt. Ég held að það gildi það
sama fyrir alla, hvað sem maður
er að gera, að það þarf að setja
markið svo hátt að það sé nánast
ómögulegt að ná því, en svo verður
maður manneskjan sem getur náð
markmiðinu.“
Fjölskyldufaðir
sem spilar Fortnite
Þegar Kolbeinn er ekki að æfa er
hann að þjálfa aðra boxara og
þegar hann er ekki í gymminu er
hann með fjölskyldunni.
„Ég er bara týpískur fjölskyldu-
faðir, annað hvort í vinnunni eða
heima hjá mér með kærustunni
minni til tíu ára, Ingu Birnu, og
Ástu Unni, stelpunni okkar, sem
verður átta ára í haust,“ segir Kol-
beinn. „Þegar ég fer út að æfa tek ég
svo alltaf PlayStation tölvuna með,
því það eru alltaf svona tíu tímar
á dag sem maður er ekki að æfa.
Núna er ég svolítið að spila Fort-
nite, en ég er samt ekki jafn góður í
Fortnite og Gunnar Nelson.“
Oddur Freyr
Þorsteinsson
oddurfreyr@frettabladid.is
Framhald af forsíðu ➛
Kolbeinn segir
nauðsynlegt að
setja markið svo
hátt að það sé
nánast ómögu-
legt að ná því.
Ef maður leggur
nógu hart að sér
verður maður svo
manneskjan sem
getur náð mark-
miðum sínum.
FRÉTTABLAÐIÐ/ERNIR
Kolbeinn keppti í fyrsta sinn í Bandaríkjunum í janúar og vann bardagann
með rothöggi í annarri lotu. Þar með festi hann sig í sessi hjá Salita Promo-
tions, sem munu hjálpa honum og útvega honum bardaga. MYND/AÐSEND
Það er ennþá smá
tabú varðandi
hnefaleika á Íslandi
þannig að það eru til
dæmis engin fyrirtæki til
í að veita manni stuðn-
ing, svo maður er alveg
einn á báti.
2 KYNNINGARBLAÐ FÓLK 7 . F E B R ÚA R 2 0 2 0 F Ö S T U DAG U R