Fréttablaðið - 05.12.2019, Qupperneq 27

Sandra Guðrún
Guðmundsdóttir
sandragudrun@frettabladid.is
Eftir seinni heimsstyrjöldina hófst markaðssetning jólanna á annan hátt en áður þekktist.
Eitt af því sem var mikið auglýst var
jólapeysan, slíkar peysur höfðu að
vísu verið til í einhverju formi frá
því seint á 19. öld. Á 6. áratugnum
voru peysurnar þekktar sem „Jingle
Bell“ peysur eða Klukknahljóms­
peysur ef nafnið er íslenskað. Peys­
urnar voru vinsælar hjá fjölskyldu­
fólki í úthverfum Bandaríkjanna og
á þeim tíma var engin kaldhæðni
við notkun þeirra. Fjölskyldufeður
smöluðu fjölskyldunni saman til
að fara út að syngja jólalög fyrir
nágrannana og þá var fjölskyldan
gjarnan öll klædd í prjónapeysu
með jólamynstri.
Á 9. áratugnum komst 6. ára­
tugurinn í tísku og jólapeysur urðu
aftur vinsælar í Bandaríkjunum.
Persónur í gamanþáttum frá
þessum tíma klæddust gjarnan
prjónapeysum með jólamynstri
og litum sem seint myndu teljast
smart. Persóna Chevy Chase í
hinni sívinsælu jólamynd National
Lampoon’s Christmas Vacation frá
árinu 1989 átti líka þátt í að auka
vinsældir jólapeysanna.
Jólapeysupartí vinsæl
Vinsældirnar fóru þó að dala fljótt
á 10. áratugnum en rétt eftir alda­
mótin fóru peysurnar að dúkka
upp aftur, meðal annars í kvik­
myndinni Dagbók Bridget Jones frá
árinu 2001 þar sem hinn myndar­
legi Mark Darcy skartar hrein­
dýrapeysu við lítinn fögnuð
Bridgetar. Jólapeysupartí
fóru fljótlega að skjóta
upp kollinum hér og þar í
Bandaríkjunum og Kanada.
Upphaf jólapeysupartía má
líklega rekja til ársins 2002
þegar maður í Vancouver
í Kanada hélt veislu til
styrkar vini sínum sem greinst
Jólapeysur eiga
sér langa sögu
Ljótar jólapeysur njóta vinsælda og margir vinnustaðir
halda sérstakan jólapeysudag þar sem veitt eru verðlaun
fyrir ljótustu peysuna. Þó ekki sé löng hefð fyrir jólapeys-
um hér á landi eiga þær sér langa sögu vestanhafs.
Ekkert lát virðist
vera á vinsældum
ljótra jólapeysa.
Það er algengt
að vinnustaðir
haldi keppni um
ljótustu jóla-
peysuna.
Chevy Chase í myndinni Christmas Vacation átti sinn þátt í að auka vinsældir jólapeysunnar. NORDICPHOTOS/GETTYLeikarinn Matt Damon mætti í viðtal í ljótri jólapeysu.
hafði með krabbamein. Þema
veislunnar var ljótar jólapeysur og
var veislan haldin árlega þar í borg
til ársins 2017. Meira en 100 þúsund
dollurum hefur verið safnað til
góðgerðarmála þar í landi vegna
jólapeysuveislunnar.
Vinsældir jólapeysanna fóru
fljótt að berast yfir hafið og í
kringum árið 2010 fór að bera á
jólapeysupartíum á Íslandi og
búðir með notuð föt fóru að selja
slíkar peysur. Nú er svo komið
að hægt er að kaupa misfallegar
jólapeysur í flestum stærri tísku­
verslunum hér á landi og vin­
sældirnar virðast ekkert vera að
dala. Fyrir þau sem hafa í hyggju
að halda jólapeysupartí má benda
á að það hefur verið gefin út bók,
að vísu hefur hún ekki verið þýdd
á íslensku, með leiðbeiningum um
hvernig best er að halda slík partí
svo þau verði sem hallærislegust.
Þá er hægt að finna fjöldann allan
af vefsíðum með upplýsingum
um hvernig hægt er að búa
til sína eigin jólapeysu og
gera hana eins ljóta og
hugsast getur.
Skeifunni 8 • 108 Reykjavík • Sími: 517 6460 • www.belladonna.is
Verslunin Belladonna
NETVERSLUN WWW.BELLADONNA.IS
FLOTT FÖT, FYRIR FLOTTAR KONUR
Bæjarlind 6 • S. 554 7030 Við erum á Facebook
Str. 36-46
FLOTTIR KJÓLAR
kr. 7.990.- kr. 9.990.-
4 KYNNINGARBLAÐ FÓLK 5 . D E S E M B E R 2 0 1 9 F I M MT U DAG U R