Skessuhorn - 27.02.2019, Blaðsíða 9

MIÐVIKUDAGUR 27. FEBRÚAR 2019 9
Helstu verkefni og ábyrgðarsvið:
 Ráðgjöf til skóla vegna skólagöngu barna
og ungmenna
 Athuganir og greiningar
 Ráðgjöf, leiðbeiningar og fræðsla til
foreldra
 Þverfaglegt samstarf um málefni barna í
leik- og grunnskólum
Menntunar og hæfniskröfur:
 Sálfræðimenntun og löggilding
v/starfsheitis
 Reynsla af starfi með börnum
 Góðir skipulagshæfileikar
 Hæfni í mannlegum samskiptum

Í Borgarbyggð búa rúmlega 3.800
íbúar, þar af um 750 börn í fimm
leikskólum og tveimur grunnskólum.
Sálfræðingur við leik- og grunnskóla
Borgarbyggðar

Skólaþjónusta Borgarbyggðar auglýsir lausa til umsóknar
stöðu sálfræðings. Við leitum að metnaðarfullum
einstaklingi með brennandi áhuga á starfsemi skóla. Í
sveitarfélaginu er meðal annars unnið að styrkingu
heildstæðrar nærþjónustu við börn, foreldra og skóla. Lögð
er áhersla á snemmtæka íhlutun, samstarf fagsviða og
stofnana, svo sem um þróun úrræða fyrir börn og foreldra.
Hlutastarf kemur einnig til greina. Ráðið verður í stöðuna
eftir nánara samkomulagi, en ekki síðar en 1. ágúst 2019.
Upplýsingar veitir Anna Magnea Hreinsdóttir sviðsstjóri
fjölskyldusviðs í síma 840-1522 eða með því að senda
tölvupóst á annamagnea@borgarbyggd.is
Umsóknarfrestur er til 15. mars 2019.
Launakjör eru samkvæmt kjarasamningi Sambands
íslenskra sveitarfélaga og viðkomandi stéttarfélags.

BORGARBYGGÐ

[Cite your source here.]
Slýdalstjörn til leigu
Kristinn Reynisson, bóndi í Nýjabæ
í Bæjarsveit, verður með formlega
opnun á nýju verslunarrými og hjól-
barðaverkstæði á bænum næstkom-
andi föstudag. Opnunin verður frá
klukkan þrjú til átta og eru allir hjart-
anlega velkomnir að sögn Kristins.
„Ég hef verið að selja rekstrarvörur
fyrir landbúnað í nokkur ár en aldrei
verið með sérstaka aðstöðu fyrir það
heldur bara verið með vörurnar inni
á verkstæðinu hjá mér,“ segir Krist-
inni í samtali við Skessuhorn. Nú
hefur hann lokið við að byggja hús-
næði undir verslunina auk þess sem
Kristinn opnaði hjólbarðaverkstæði
þar 1. október síðastliðinn. „Ég er
búinn að flytja verslunina í nýtt og
betra húsnæði. Svo náði ég ekki að
vera með formlega opnun á hjól-
barðaverkstæðinu því ég opnaði
það á háannatíma. Ég ákvað því að
hafa sameiginlega opnun núna fyr-
ir bæði verslunina og verkstæðið,“
segir hann.
Í versluninni selur Kristinn fyrst
og fremst rekstrarvörur fyrir land-
búnað eins og olíur, skrúfur og ýmis-
legt fleira. „Ég er að selja allt mögu-
legt og þess vegna langar mig líka að
hafa opið hús, svo fólk geti komið
og kynnt sér vöruúrvalið, aðstöðuna
og tækin sem ég er með. Mig lang-
ar að kynna starfsemina og líka bara
hitta fólk og spjalla,“ segir Kristinn
að endingu. arg
Ný verslun og hjólbarða-
verkstæði í Nýjabæ
Kristinn Reynisson verður með opið hús í nýju verslunarrými í Nýjabæ í Bæjarsveit
á föstudaginn. Ljósm. es
Á skrifstofu byggingafulltrúa
Borgarbyggðar eru fjölmörg verk-
efni til afreiðslu og dreifast þau um
allt sveitarfélagið. Sem dæmi um
stór verkefni sem nú eru í gangi,
eða langt komin á byggingarstigi,
er fjölbýlishús og hótel við Borg-
arbraut 57-59 í Borgarnesi, stækk-
un og endurbætur á Grunnskóla
Borgarness, stækkun Hótel Ham-
ars, nýtt verslunarhús við Digra-
nesgötu 4 og stækkun verslun-
arhúss Kaupfélags Borgfirðinga
við Egilsholt 1. Utan Borgarness
má nefna stækkun Hótel Reyk-
holts, hótelbyggingu í gamla hús-
mæðraskólanum á Varmalandi og
þá er nýlega lokið framkvæmdum
við ferðaþjónustu í Fljótstungu og
verkstæði í landi Húsafells fyrir
starfsemi á Langjökli.
Í samantekt starfsmanna á skrif-
stofu byggingafulltrúa segir að í
sveitarfélaginu séu skráð yfir 1.300
sumarhús og er mikill fjöldi til við-
bótar í byggingu eða unnið að end-
urbótum á eldri húsum. Auk þess
er héraðið blómlegt landbúnaðar-
svæði og mikið um nýbyggingar
í sveitum eða endurbætur á land-
búnaðartengdu húsnæði. Breyt-
ingar og endurbætur á húsnæði
tengdu ferðaþjónustu hafa einn-
ig verið mjög áberandi undanfar-
in ár. Þónokkur uppbygging á sér
jafnframt stað í þéttbýliskjörnum
sveitarfélagsins um þessar mundir.
„Í hverjum mánuði berast nýjar
umsóknir um stór jafnt sem smá
verk, ásamt fyrirspurnum af ýmsu
tagi. Opin mál hjá byggingarfull-
trúa eru á fimmta hundrað. Bygg-
ingarmál telst opið þar til lokaút-
tekt hefur farið fram og gengið
endanlega frá skráningu mann-
virkisins. Stór hluti mála hjá bygg-
ingarfulltrúa í Borgarbyggð tekur
að jafnaði um eða yfir fimm ár, t.d.
bygging sumarhúsa.“
Þórólfur Óskarsson er bygging-
arfulltrúi í Borgarbyggð en með
honum í teymi eru þau Hlynur
Ólafsson og Sólveig Ólafsdóttir.
„Teymið heldur utan um öll mál
embættisins, skráningar, úttekt-
ir, skönnun á teikningum, um-
sagnir og úttektir vegna rekstrar-
leyfa og ýmislegt sem til fellur.
Verklag og vinnuferlar hjá starfs-
fólki eru í sífelldri þróun í takt
við nýjustu reglugerðar- og laga-
breytingar. Innleiðing er nú langt
komin á nýju umsóknakerfi fyrir
byggingarleyfi og önnur erindi er
varða byggingarfulltrúaembættið.
Vonast er til að kerfið muni koma
sér vel fyrir umsækjendur og aðra
málsaðila, ásamt því að efla nauð-
synlegt utanumhald og eftirfylgni
við umsóknir,“ segir í tilkynningu
frá skrifstofu byggingafulltrúa.
mm
Opin mál á skrifstofu
byggingafulltrúa eru
á fimmta hundraðið
Meðal stærstu verkefna á borði byggingafulltrúa eru a.m.k. fjórar hótelbyggingar, stækkun Grunnskóla Borgarness auk
verslunar- og þjónustuhúsnæðis.