Skessuhorn - 27.02.2019, Blaðsíða 4

MIÐVIKUDAGUR 27. FEBRÚAR 20194
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Samningagerð á
samfélagsmiðlum
Nú eru flestir kjarasamningar á vinnumarkaði ýmist runnir út eða við það
að renna sitt skeið. Það hefur lengi legið fyrir að svo yrði. Þrátt fyrir það
hefur líklega aldrei verið eins fjarri því og nú að samningar náist. Niður-
staðan er óvissa en í skjóli hennar er að eiga sér stað bakslag á vinnumark-
aði; fyrirtæki halda að sér höndum með ráðningar, almenningur dregur úr
neyslu og smám saman verður atvinnulífið þjakað af súrefnisleysi.
Sá vandræðagangur sem mér finnst hafa einkennt viðræður samnings-
aðila á liðnum vikum og misserum hefur fengið mig til að efast um hæfni
þeirra sem sitja eiga við samningaborðið, en gera reyndar lítið af því þessa
dagana. Þess meira eru fulltrúar bæði atvinnurekenda og verkalýðsfélaga
gapandi á samfélagsmiðlum og í fjölmiðlum um hvað hinir eru ósanngjarn-
ir. „Það eru allir vondir við okkur.“ Þannig hljómar grátkórinn. Svo bætast
í kórinn ýmsir sem að mínu viti ættu að halda sig til hlés í umræðunni, í
það minnsta á þessu stigi. Get nefnt af handahófi seðlabankastjóra og hag-
fræðing í HÍ sem reyndar er fyrrum greiningarstjóri Kaupþings (starfsheiti
sem ég myndi afmá úr ferilskránni ef ég ætti í hlut). Þá hafa ráðherrar einn-
ig tjáð sig, fulltrúar ýmissa hagsmunasamtaka og fjölmargir fleiri sem ættu
ekki að hafa beina aðkomu að málinu á þessu stigi. Í framhaldi af ummæl-
um þessa fólks byggist síðan umræðan í þjóðfélaginu um kaup og kjör á yf-
irlýsingum sem jafnvel eiga ekki við rök að styðjast. Umræðan fer semsagt
minnst fram í röðum þeirra sem hafa umboð til að leita samninga.
Ég held að í ljós sé komið að þeir sem fara með umboð til samninga-
gerðar fyrir hönd verkalýðsfélaga og atvinnurekenda eru það ungir að þeir
muna lítt hinar hatrömmu kjaradeilur sem einkenndu níunda áratug lið-
innar aldar. Þá geisuðu vinnudeilur, samningar voru slakir og vegna verð-
bólgu auk víxlhækkunar launa og verðlags voru hækkanir étnar upp nær
samdægurs. Eftir margra ára deilur var loks slegið á þann hnút og verð-
bólgudraugurinn kveðinn niður með Þjóðarsáttarsamningunum 1990. Ég
man vel hversu stórum tíðindum það sætti þegar kjarasamningar náðust
loks milli stríðandi fylkinga verkalýðshreyfingar, atvinnurekenda og ríkis.
Samningur sem jafnvel voru kallaðir efnahagslegt afrek og mörkuðu sátt á
vinnumarkaði til fjölda ára. Þar til nú.
Sú gjá sem nú hefur skapast milli samningsaðila er afleiðing þess að
launabil milli ólíkra hópa á vinnumarkaði hefur aukist. Húsnæðiskostnað-
ur er kominn langt yfir það sem fólk á lægstu launum ræður við. Allir eiga
nefnilega að geta lifað með mannlegri reisn hér í landi nær óþrjótandi auð-
linda. Láglaunastörf eru hins vegar ekki metin að verðleikum í samræmi
við ofurlaunahækkanir bæði í einka- og opinbera geiranum og því verður
nú látið sverfa til stáls á vinnumarkaði. Fulltrúar launþega segja að þetta
launabil sé óboðlegt. Alveg er óhætt að taka undir það. Ég held til dæmis
persónlega að óforsvaranlegt sé að bankastjóri hafi tuttugufalt hærri laun
en skúringakonan sem þrýfur skrifstofuna hans, eða herbergisþernan sem
skiptir á rúmunum á hótelinu. Forysta verkafólks væri einfaldlega ekki að
sinna vinnunni sinni ef hún léti ekki í sér heyra út af svona löguðu. Fulltrú-
ar samninganefnda atvinnurekenda, með aðstoð ríkisvaldsins sem ákveður
skattbyrðina, verða einfaldlega að koma til móts við launþega. En í guð-
anna bænum komið ykkur í gang með alvöru viðræður inni í þar til gerð-
um samningaherbergjum og látið ógert að fóðra fjölmiðla og samfélags-
miðla á efni þangað til eitthvað bitastætt verður að frétta. Samningar munu
nefnilega aldrei nást með gagnslausum kýtingum á samfélagsmiðlum eða í
spjallþáttum úti í bæ.
Magnús Magnússon
Svandís Svavarsdóttir heilbrigð-
isráðherra tilkynnti í síðustu viku
hvernig 630 milljónum króna af
fjárlögum ársins verður ráðstafað
til að efla geðheilbrigðisþjónustu
á landsvísu. Fénu verður varið til
að fjölga stöðugildum sálfræðinga í
heilsugæslu annars vegar og til að
efla og byggja upp geðheilsuteymi
um allt land. Til Heilbrigðisstofn-
unar Vesturlands renna 46 milljón-
ir króna til þessa verkefnis.
„Við ákvörðun um skiptingu fjár-
ins milli heilbrigðisumdæma var
tekið mið af áætlunum heilbrigðis-
stofnana um uppbyggingu og efl-
ingu geðheilsuteyma, íbúafjölda í
viðkomandi heilbrigðisumdæmum
og einnig var horft til til lýðheilsu-
vísa Embættis landlæknis en þeir
varpa ljósi á líðan og heilsu fólks
sem hægt er að greina eftir svæð-
um og nýtast þar með til að greina
sértæk svæðisbundin vandamál sem
taka þarf tillit til,“ sagði ráðherra
og bætti við: „Góð heilsa snýst ekki
einungis um líkamlegt heilbrigði,
heldur einnig og ekki síður góða
andlega heilsu. Heilbrigðisþjón-
ustan þarf að taka mið af þessu og
byggjast upp í samræmi við það,“
sagði Svandís Svavarsdóttir. mm
Efla geðheilbrigðisþjónustu á landinu
Ráðherra kynnti í síðustu viku hvernig efla á geðheilbrigðisþjónustu á öllu
landinu.
Einstaklingur með smitandi misl-
inga kom til Íslands frá Filipps-
eyjum 14. febrúar síðastliðinn en
hann ferðaðist með vélum Ice-
landair (FI455) frá London til
Keflavíkur og síðan Air Iceland
Connect (NY356) frá Reykjavík til
Egilsstaða 15. febrúar síðastliðinn.
Frá þessu greinir Landlæknisemb-
ættið. Þá segir að Icelandair og Air
Iceland Connect, í samvinnu við
sóttvarnalækni, hafa sent farþeg-
um fyrrgreindra véla nauðsynleg-
ar upplýsingar og leiðbeiningar.
Einnig hefur verið haft samband
við þá sem hann hefur umgengst
þessa daga eftir komuna til lands-
ins og upplýsingum miðlað til
heilbrigðisstofnana með áherslu á
starfsmenn heilsugæslunnar.
Í þessum leiðbeiningum eru far-
þegar hvattir til að leita til sinna
lækna fram til 7. mars nk. finni
þeir fyrir einkennum sem geta
bent til mislinga, sérstaklega ef
þeir eru óbólusettir. Einstaklingur
er smitandi einungis eftir að ein-
kenni koma fram og er smitandi
í 7−10 daga. Einkenni mislinga
koma yfirleitt fram 10–14 dög-
um eftir smit en að hámarki geta
liðið 3 vikur. Þeir einstaklingar
sem hafa verið bólusettir eða hafa
fengið mislinga þurfa ekki frek-
ari bólusetningu en þeir sem ekki
hafa verið bólusettir og ekki feng-
ið mislinga geta fengið bólusetn-
ingu innan 6 daga frá hugsanlegu
smiti. Eftir þann tíma er ólíklegt
að bólusetning komi í veg fyrir
sýkingu. Bólusetningu er hægt að
fá á heilsugæslustöðvum.
„Sóttvarnalæknir telur litlar
líkur á útbreiddum faraldri hér á
landi sé gætt að og farið eftir ofan-
greindum leiðbeiningum enda er
almenningur á Íslandi ágætlega
bólusettur gegn mislingum,“ segir
í tilkynningu frá Landlæknisemb-
ættinu.
mm
Staðfest mislingasmit flugfarþega
Útgerðarfyrirtækið Guðmund-
ur Runólfsson hf. í Grundarfirði
festi í síðustu viku kaup á togskip-
inu Bergey VE 544 af Bergi-Hug-
inn ehf. í Vestmannaeyjum, fyrir-
tæki sem nú er í eigu Síldarvinnsl-
unnar. Skipið var smíðað hjá Nor-
dship skipasmíðastöðinni í Gdynia
í Póllandi 2006 og nýskráð árið
eftir. Mesta lengd er 29 metrar
og breidd 10,4 m. Bergey er skráð
487 brúttótonn og 290 brúttólest-
ir. Í lok síðasta mánaðar var greint
frá því að aflaverðmæti Bergeyj-
ar, frá því að skipið hóf veiðar í
ágústmánuði 2007, hefði rofið tíu
milljarða múrinn og á þeim tíma
var heildaraflinn orðinn rúmlega
39.000 tonn. Magnús Kristinsson,
fyrrverandi framkvæmdastjóri og
núverandi stjórnarmaður í útgerð-
arfélaginu Bergur-Huginn, segir
að það sé eftirsjá að Bergey VE.
„Ég kem til með að sakna skips-
ins mikið. Að mínu mati eru Ber-
gey og Vestmannaey best heppn-
uðu skip sem veitt hafa við Ísland.
Við sjáum það svart á hvítu á afl-
anum sem þau hafa borið að landi
og aflaverðmætinu,“ segir Magnús
í frétt á vef Síldarvinnslunnar.
Gert er ráð fyrir að Bergey verði
afhend nýjum eiganda í Grundar-
firði í síðasta lagi í september-
mánuði næstkomandi. Að sögn
Runólfs Guðmundssonar fylgja
engar aflaheimildir skipinu en það
mun leysa af hólmi Helga SH sem
verður seldur.
Guðmundur Smári Guðmunds-
son, framkvæmdastjóri GRun, seg-
ir að ástæður fyrir skipakaupunum
séu einkum tvær. Í fyrsta lagi sé
fyrirtækið að taka í notkun nýja og
afkastamikla fiskvinnslustöð og því
sé brýnt að auka veiðigetu skipa
þess. Í öðru lagi mun nýja skip-
ið leysa af hólmi eldra og minna
skip. „Við trúum því að við séum
að fá öflugt og gott skip sem hent-
ar okkar starfsemi vel. Við eigum
fyrir sambærilegt skip, Hring SH,
og það verður hagkvæmt að gera
þau út saman. Hér ríkir því mikil
ánægja með þessi skipakaup,“ seg-
ir Guðmundur Smári.
mm
GRun kaupir Bergey VE
Bergey kom ný til hafnar í Vestmannaeyjum 2007. Ljósm. Eyjafréttir.