Skessuhorn - 27.02.2019, Blaðsíða 2

MIÐVIKUDAGUR 27. FEBRÚAR 20192
Frumsýnt um næstu
áramót
Höfundur þáttanna er Þórður
Pálsson og verður hann jafnframt
einn af leikstjórunum ásamt Dav-
íð Óskari Ólafssyni og Þóru Hilm-
arsdóttur. Handritshöfundateym-
ið er skipað þeim Margréti Örn-
ólfsdóttur, Óttari Norðfjörð, Ottó
Geir Borg og Mikael Torfasyni.
Björn Thors og Nína Dögg Fil-
ippusdóttir fara með aðalhlutverk
þáttanna.
Kostnaður við framleiðslu þátt-
anna nemur um 700 milljónum
króna. Tryggir samningurinn við
Netflix að nær helmingur þeirra
peninga komi erlendis frá, í gegn-
um Netflix og frekari sölu þátta-
raðarinnar, að því er fram kemur
í tilkynningu frá Skarphéðni Guð-
mundssyni, dagskrárstjóra RÚV.
„Þessi tímamótasamningur við
Netflix og þetta mjög svo áhuga-
verða verkefni yfir höfuð er stór
áfangi í umfangsmikilli og mark-
vissri vinnu okkar á RÚV sem
miðar að því að auka til muna
framboð, dreifingu en umfram allt
gæði leikins íslensks sjónvarps-
efnis,“ er haft eftir Magnúsi Geir
Þórðarsyni útvarpsstjóra í tilkynn-
ingunni. Gert er ráð fyrir því að
þáttaröðin verði frumsýnd á RÚV
nálægt næstu áramótum og verði
fljótlega eftir það aðgengileg um
allan heim í gegnum Netflix.
kgk
Margir bíða eflaust fullir eftirvæntingar eft-
ir næstu viku en á mánudaginn verða að
finna gómsætar bollur í flestum eldhúsum
og kaffistofum landsins. Á þriðjudaginn er
hefð fyrir því að fólk belgi sig út af saltkjöti
og baunum og á miðvikudaginn verður
öskudagur. Þá má gera ráð fyrir skrautlega
klæddum börnum á ferð milli vinnustaða
að syngja fyrir nammi.
Á morgun er spáð suðaustanátt 3-10 m/s
en austanátt 10-15 m/s verður sunnan-
lands. Dálítil rigning um sunnanvert landið
en þurrt norðan heiða. Hiti verður á bilinu
1-6 stig en um frostmark á Norðurlandi. Á
föstudaginn gengur í austan- og suðaust-
anátt 13-20 m/s með rigningu, en slyddu
eða snjókomu norðanlands. Hiti víða 2-7
stig en um frostmark á norðanverðu land-
inu. Frá laugardegi til mánudags er spáð
norðaustlægri átt og snjókomu eða éljum
á Norður- og Austurlandi en annars staðar
verður bjart með köflum. Frost víða 0-6 stig
en frostlaust syðst á landinu.
Í síðustu viku var spurt á vef Skessuhorns
„Hvaða lag heldur þú að vinni Söngva-
keppni Sjónvarpsins 2. mars?“ Lesendur
hafa augljóslega mesta trú á tveimur lög-
um en aðeins níu atkvæði greindu á milli
þeirra í lokin af um 600 atkvæðum sem
greidd voru. 32% spá því að „Hatrið mun
sigra“ standi uppi sem sigurvegari keppn-
innar og 31% spá laginu sigri sem nefnist
„Hvað ef ég get ekki elskað“ í flutningi Frið-
riks Ómars. 30% lesenda hafa ekki fylgst
með keppninni, 4% spá laginu „Ég á mig
sjálf“ sigri. Lagið „Eitt andartak“ fékk 2% at-
kvæða en „Betri án þín“ fékk aðeins 1% at-
kvæða.
Í næstu viku er spurt:
Spáir þú víðtækum verkföllum í vor?
Listakonan Michelle Bird hefur opnað
skapandi vinnustofu í Borgarnesi þar sem
hún aðstoðar ungt listafólk að skapa sína
eigin list og hjálpar þeim að koma sér á
framfæri. Laugardaginn 30. mars verður
opnuð sýning með verkum þessa unga
listafólks í Borgarbyggð. Michelle er Vest-
lendingur vikunnar að þessu sinni. Nánar
er greint frá verkefninu í Skessuhorni í dag.
Spurning
vikunnar
Til minnis
Veðurhorfur
Vestlendingur
vikunnar
Svikasímtöl
í vikunni
VESTURLAND: Lögregl-
unni á Vesturlandi bárust tölu-
vert margar tilkynningar vegna
svikasímtala erlendis frá í vikunni
sem leið. Stundum getur litið út
fyrir að símanúmerið sem hringt
er úr sé íslenskt, en svo kemur
annað á daginn. Lögregla hvet-
ur fólk til að svara ekki grunsam-
legum númerum og ef það svarar
að gefa ekki upp neinar upplýs-
ingar. Ef einhverjir fara til dæm-
is að ræða við fólk um uppfærslur
á Microsoft hugbúnaði eða biðja
um bankaupplýsingar, þá hvet-
ur lögregla fólk til að veita engar
upplýsingar. -kgk
Taka klippikort í
notkun
SNÆFELLSB: Klippikort verða
tekin í notkun á gámastöðinni
undir Enni í Ólafsvík um næstu
mánaðamót. Íbúar fá afhent eitt
kort fyrir hvert heimili og er kort-
ið afhent á gámastöðinni. Innifal-
ið í kortinu eru tólf skipti þar sem
skila má tveimur rúmmetrum af
úrgangi til endurvinnslu. Klippi-
kortinu þarf að framvísa í hvert
sinn sem úrgangi er skilað á stöð-
ina og klippir starfsmaður fyrir
móttökunni. -kgk
Fundum um
hrossarækt
BORGARNES: Sveinn Stein-
arsson, formaður Félags hrossa-
bænda, og Þorvaldur Kristjánsson
hrossaræktarráðunautur eru um
þessar mundir á ferð um landið
og halda fræðslufundi um málefni
hrossaræktarinnar. Helstu málefni
sem ber á góma eru þróun ræktun-
armarkmiðs í hrossarækt, dóms-
skalinn, þ.e. þróun og betrumbæt-
ur, nýir vægisstuðlar eiginleikanna
auk málefna Félags hrossabænda.
Fundur verður haldinn í Borgar-
nesi miðvikudaginn 27. febrúar
klukkan 20:30 og fer hann fram í
félagsheimili hestamannafélagsins
Borgfirðings. -mm
Lægðagangur
VESTURLAND: Röð lægða
hefur gengið yfir landið að undan-
förnu. Síðastliðið föstudagskvöld
gerði snarvitlaust veður á Snæ-
fellsnesi og vindhviður í Ólafsvík
fóru allt upp í 43 metra á sekúndu.
Að sögn lögreglu var götum að
hafnarsvæðinu lokað tímabund-
ið þar sem fiskikör voru á fleygi-
ferð og ekki óhætt fyrir ökumenn
að fara um svæðið af þeim sök-
um. Ekki hlaust þó tjón af veðrinu
samkvæmt upplýsingum lögreglu.
Síðdegis og um kvöldið voru skip-
stjórnarmenn í basli með að koma
bátum til hafnar. Línubáturinn
Kristinn SH varð til dæmis að bíða
smá tíma fyrir utan höfnina vegna
veðurofsans en sætti svo lagi þeg-
ar dró úr vindhviðum og komst að
bryggju að lokum. Ljósm. af
Hitaveitufélagi Hvalfjarðar og Vá-
tryggingafélagi Íslands hefur ver-
ið gert að greiða Kirkjumálasjóði
tæpar 2,4 milljónir króna í bætur
vegna leka sem varð á heitavatns-
lögn prestbústaðarins að Saurbæ
í Hvalfirði fyrir fimm árum síð-
an. Dómur var upp kveðinn í Hér-
aðsdómi Reykjavíkur miðvikudag-
inn 20. febrúar síðastliðinn. Nið-
urstaða héraðsdóms er að lekann
hafi mátt rekja til gallaðrar lagnar
eða að vinna við lagningu hennar
hafi ekki verið fullnægjandi.
Heimæð hitaveitu sprakk árið
2014 með þeim afleiðingum að 65
gráðu heitt vatn rann út í jarðveg-
inn austan og ofan við eldri hluta
prestsbústaðarins. Ráðist var í við-
gerðir á prestbústaðnum eftir að
lekans varð vart. Innbú var fjar-
lægt úr kjallarnum, parket og dúk-
ur endurnýjaður og veggur í fönd-
urherbergi lagaður. Héraðsdóm-
ur telur að viðgerðirnar hafi ekki
leitt til þess að húsnæðið allt hafi
verið óíbúðarhæft á meðan fram-
kvæmdum stóð. Voru Hitaveitu-
féla Hvalfjarðar og Vátrygginga-
félag Íslands því sýknuð af kröfu
um greiðslu vegna leigu annars
húsnæðis fyrir prestinn í Saurbæ,
auk leigu bíls og aksturskostnað.
Sömuleiðis taldi dómurinn ekki
sannað með óyggjandi hætti að
mygluvandamál prestsbústaðar-
ins megi rekja til heitavatnslek-
ans. Taldi dómurinn ekki hægt að
líta framhjá því að enn virtust vera
rakatengd vandamál í húsinu og
mögulega myglu sem ekki virtist
tengjast lekanum.
Eins og greint var frá í Skessu-
horni í nóvember var lagt til á
Kirkjuþingi í fyrra að Saurbæjar-
prestakall yrði lagt niður og bú-
setuskylda prests aflögð á staðn-
um. Meginástæða tillögunnar var
sögð sú að ekki sæi fyrir endann
á kostnaðarsömum viðgerðum á
prestbústaðnum í Saurbæ vegna
raka og myglu.
kgk
Dæmdar bætur vegna vatnsleka
Prestsbústaðurinn í Saurbæ á Hvalfjarðarströnd. Ljósm. úr safni.
Efnisveitan Netflix hefur samið
við RÚV og framleiðslufyrirtkæin
Mystery og Truenorth um sýning-
arrétt á sjónvarpsþáttaröðinni The
Valhalla Murders. Er þetta í fyrsta
sinn sem Netflix gerir samning
um framleiðslu og fjármögnun á
leiknum íslenskum sjónvarpsþátt-
um. Þættirnir verða á íslensku,
þrátt fyrir enskan titil, og segja frá
því þegar þriðja manneskjan finnst
myrt í sömu vikunni og renn-
ur upp fyrir lögreglu að fyrsti ís-
lenski raðmorðinginn gengur laus.
Rannsókn lögreglu leiðir öll að
sama staðnum, dularfullu en yf-
irgefnu drengjaheimili sem ber
nafnið „Valhalla“. Öll fórnarlömb-
in tengjast með einum eða öðrum
hætti hryllilegum atburðum sem
þar áttu sér stað 35 árum áður.
Hluti sjónvarpsþáttaraðarinnar
verður tekinn upp í Ráðhúsi Borg-
arbyggðar í Borgarnesi. Ráðhús-
ið verður fært í búning lögreglu-
stöðvar, þar sem mikilvægustu
gögn þáttaraðarinnar eru geymd.
Munu þau gögn fletta ofan af
söguþræði þáttaraðarinnar. Áætl-
að er að tökur í Ráðhúsi Borgar-
byggðar hefjist að morgni föstu-
dagsins 1. mars og standi yfir fram
á sunnudaginn 3. mars.
Netflixþáttaröð tekin upp í Borgarnesi
Ráðhúsið „leikur“ lögreglustöð
Ráðhús Borgarbyggðar mun gegna hlutverki lögreglustöðvar í þáttunum.
Nína Dögg Filippusdóttir á setti. Ljósm. RÚV.