Skessuhorn - 27.02.2019, Blaðsíða 16

MIÐVIKUDAGUR 27. FEBRÚAR 201916
Kristján Þór Júlíusson landbúnað-
arráðherra hefur kynnt í samráðs-
gátt stjórnvalda frumvarp sem ger-
ir innflutningsfyrirtækjum kleift að
flytja inn hrátt ófrosið kjöt, fersk
egg og ógerilsneyddar mjólkurvör-
ur frá og með 1. september á þessu
ári. Ákvörðunin er byggð á niður-
stöðu hæstaréttardóms og með vís-
an í ESB reglugerð. Verslunar- og
innflutningsaðilar hafa sótt það afar
stíft að reglur um innflutning mat-
væla verði rýmkaðar. Frumvarp-
ið mætir hins vegar einarðri and-
stöðu bænda og er nú auk þess boð-
að í trássi við varnaðarorð lækna og
vísindamanna. Samhliða frumvarp-
inu um innflutning kynnir ráðherra
aðgerðaáætlun í tólf liðum sem ætl-
að er að efla matvælaöryggi, tryggja
vernd búfjárstofna og bæta sam-
keppnisstöðu innlendrar matvæla-
framleiðslu.
„Það eru mikil vonbrigði að
landbúnaðarráðherra skuli gefast
upp í baráttunni við að halda uppi
rétti okkar Íslendinga til að verja
lýðheilsu og íslenska búfjárstofna,“
segir í yfirlýsingu Bændasamtaka
Íslands. „Bent hefur verið á að auk-
inn innflutningur muni fjölga sýk-
ingum í mönnum, ógna viðkvæm-
um búfjárstofnum og auka líkurn-
ar á því að nær alónæmar bakteríur
nái hér fótfestu. Ábyrgð ráðherra
er mikil og furðulegt að ríkisstjórn,
sem hefur talað um á tyllidögum að
efla íslenska matvælaframleiðslu,
skuli fara fram með þessum hætti.
Bændasamtökin lýsa fullri ábyrgð á
hendur stjórnvöldum í málinu.“
Þá segir í yfirlýsingu BÍ að hags-
munum landbúnaðarins sé nú fórn-
að fyrir heildsala sem vilja flytja inn
erlendan mat í stórum stíl. „Við-
skiptahagsmunir eru teknir fram
yfir heilbrigðisrök. Búfjárheilsa er
látin lönd og leið og bitlausar varn-
ir í aðgerðaáætlun landbúnaðarráð-
herra duga skammt. Það er þver-
stæða að kynna til sögunnar að-
gerðaáætlun til að auka matvæla-
öryggi á sama tíma og innflutning-
ur á hráu ófrosnu kjöti, eggjum og
ógerilsneyddum mjólkurafurðum
er heimilaður. Við eigum hreina
og heilbrigða búfjárstofna og erum
heppin að því leyti að matvælasýk-
ingar eru fátíðar hérlendis. Það er
beinlínis skylda okkar að viðhalda
þeirri góðu stöðu,“ segir forysta
bænda.
Eftir á að koma í ljós hvort og þá
hvernig Alþingi bregst við fram-
varpi landbúnaðarráðherra. Í við-
tali við Sigurð Inga Jóhannsson,
dýralækni og ráðherra samgöngu-
og sveitarstjórnarmála, á Bylgjunni
í síðustu viku, útilokaði hann ekki
að lýðheilsa yrði tekin fram yfir
sjónarmið frjáls innflutnings á land-
búnaðarvörum. Um málið er því
ekki pólitísk sátt innan ríkisstjórn-
arflokkanna. Þá segir Sindri Sigur-
geirsson, formaður Bændasamtaka
Íslands: „Nú kemur málið til kasta
Alþingis og við getum ekki annað
en treyst því að kjörnir fulltrúar
þjóðarinnar standi með almanna-
hagsmunum og komi í veg fyrir að
frumvarpið fari í gegn óbreytt.“
mm
Ráðherra kynnir frumvarp um
innflutning ferskra matvæla
Um 250 manns sóttu opinn fund
sem Kristján Þór Júlíusson, sjáv-
arútvegs- og landbúnaðarráð-
herra, hélt á mánudagskvöld-
ið í félagsheimilinu Þingborg
í Hraungerðishreppi. Tilefni
fundarins var frumvarp sem birt
hefur verið í samráðsgátt stjórn-
valda varðandi innflutning á m.a.
ófrystu kjöti. Með frumvarpinu
telur ráðherra sig vera að bregð-
ast við dómum Hæstaréttar Ís-
lands og EFTA-dómstólsins. Á
fundinum fór ráðherra ítarlega
yfir tilurð málsins og viðbrögð
stjórnvalda en í kjölfarið gafst
fundarmönnum tækifæri til að
beina spurningum til ráðherra.
Mæting sunnlenskra bænda á fund-
inn bendir ótvírætt til að bændur
hafa verulegar áhyggjur af áhrifum
frumvarpsins á stétt sína, matvæla-
öryggi og samkeppni.
„Mér finnst vera að skapast meiri
skilningur á þeirri staðreynd að
stjórnvöld þurfa að bregðast við
þeirri stöðu sem uppi er,“ sagði
ráðherra. „Jafnframt að allir að-
ilar; hvort sem það eru bændur,
stjórnvöld eða aðrir, sameinist í því
verkefni að setja upp öflugar varn-
ir til hagsbóta fyrir íslenskt samfé-
lag. Um leið þurfum við að sam-
eina krafta okkar í því að draga
fram óumdeilda kosti innlendrar
matvælaframleiðslu umfram það
sem innflutt er þannig að íslensk-
ar vörur verði fyrsti kostur allra
neytenda. Ég er sannfærður um að
þetta mun takast,“ sagði Kristján
Þór á fundinum.
Ráðherrann mun á næstu dög-
um halda fleiri fundi um landið til
að kynna frumvarpið. Meðal ann-
ars er fyrirhugaður fundur á Hótel
Hamri í Borgarnesi mánudaginn
4. mars klukkan 20:30.
Bændum og öðrum hagsmuna-
aðilum er jafnframt bent á að
frumvarp ráðherrans er nú til um-
sagnar í Samráðsgátt stjórnvalda
og rennur frestur til að skila inn
athugasemdum út miðvikudaginn
6. mars nk. mm
Sunnlenskir bændur fjöl-
menntu á fund vegna inn-
flutnings landbúnaðarvara
Svipmynd af fjölmennum fundi bænda með ráðherra í Þingborg sl. mánudagskvöld.
Þeir Hjalti Allan Sverrisson og Ket-
ilbjörn Benediktsson komu færandi
hendi á skoðunarstöð Aðalskoðun-
ar í Grundarfirði á dögunum. Til-
efnið var að færa Grétari Þór Sæ-
þórssyni þakklætisvott fyrir frábæra
þjónustu í gegnum tíðina, en hann
var að skoða bíla í Grundarfirði í
síðasta skipti áður en hann heldur
á vit annarra verkefna. Grétar Þór
hefur þjónustað og skoðað bifreið-
ar á Snæfellsnesi síðustu árin og
vildu þeir Hjalti og Bjössi frá Bif-
reiðaþjónustu Snæfellsness ehf.
og Rútuferðum ehf. færa Grétari
þennan þakklætisvott. tfk
Færðu skoðunarmanni
kveðjugjöf
Að morgni þriðjudags í síðustu viku
var sandi dreift á helstu gönguleið-
ir við ströndina á Arnarstapa. Það
var Guðmundur Bjarnason verk-
taki sem sandaði með spánýjum
sanddreifara. Frá þessu er greint
á heimasíðu Umhverfisstofnunar.
Jafnframt bar Guðmundur sand á
göngustíginn á Svalþúfu. Þá hafa
starfsmenn Þjóðgarðsins Snæ-
fellsjökuls borið sand á göngu-
stíga niður að Djúpalóni, en tölu-
verð hálka hefur verið víða í þjóð-
garðinum vegna hlýinda undan-
farið. Reynt verður að halda fyrr-
greindum gönguleiðum greiðum
með mokstri og hálkuvörn næstu
vikurnar. Vonandi verður hið sama
gert um ókomin ár, er haft eftir
Jóni Björnssyni þjóðgarðsverði á
vef Umhverfisstofnunar.
kgk
Gönguleiðir sandaðar