Skessuhorn - 16.04.2019, Blaðsíða 23

ÞRIÐJUDAGUR 16. ApRÍL 2019 23
Vísnahorn
Rímurnar voru um aldir
ein helsta þjóðarskemmt-
an okkar Íslendinga og má
segja að þær voru nokkurs konar Netflix þeirra
tíma. Kvæðamaðurinn kvað lýsingar á atburðum
sem fólkið reyndi svo að sjá fyrir hugskotssjón-
um og hafa vafalaust komið þar fram ýmsar út-
gáfur sem kvikmyndagerðarmönnum nútímans
hefðu getað orðið uppsprettur stórmynda.
Heldur fór vegur rímnanna minnkandi á síðustu
öld en ekki þó svo að þær gætu kallast aldauða.
Rímnaskáldin reyndust hins vegar ekki ódauð-
leg þá frekar en nú en sjálfsagt að yrkja eftirmæli
um þá er kveðja jarðlífið. Enn betra er að fram-
kvæma þetta fyrirfram svo líkið geti sjálft fengið
að njóta eftirmæla sinna og jafnvel haft hönd í
bagga ef þörf krefur. pétur Stefánsson orti eftir-
mæli um Jón Ingvar Jónsson og er þetta þar í:
Með sorg í hjarta sest ég niður.
Sár og leiður yrki brag.
Einn vinsælasti vísnasmiður
veraldar, hann lést í dag.
Ævi minnar einskis nýt ég.
Innra hljómar dapurt lag.
Upp frá þessu aldrei lít ég
aftur gleðiríkan dag.
Jóns að góðu má ég minnast,
mikil þótti snilli hans.
Mín var ljúfust lukka að kynnast
lífi þessa heiðursmanns.
Út í bláinn oft hann starði.
Annars hugar tíðum var.
Ævi sinni allri varði
öðrum hér til skemmtunar.
Annar sem orti eftirmæli um Jón Ingvar
var Bjarki Karlsson og skal næst gripið þar til
fanga:
Yndisþokka átti Jón
Ingvar, hnokki fróður.
Beið ei nokkurt bragartjón
„bloddí fokking góður.“
Lágri þóknun líkið gegn,
leysti flókna klofnun.
Lífs í djóknum hímdi´að hegn
á Hafrannsóknastofnun.
Síðan þegar þar kom í ævisögunni að Jón
Ingvar kvaddi Hafrannsóknastofnun og gerð-
ist leiðsögumaður túrhesta koma þessar:
Kútur jafnan kvaddi grút
kæta er gerði sunna mæt.
Rútubíla brölti í út,
bright og snjallur ferða-guide.
Glýja fæst af ferðaþý
fáist aurar þessu hjá.
Því skal gefa þorski frí
þá og túristana flá.
Nú skal kveðja fiski-fúsk
frískur sækir garpur písk.
Kúskist nú með nýjum brúsk
nískuferðadróttin þýsk.
Gísli Ásgeirsson kvað einnig rímur af þeirri
fögru mey Britney Spears sem útleggst á ís-
lenska tungu sem Bryndís Oddsdóttir:
Oft úr sjóði kvæðakvers
kveður þjóðin gæðavers
Sýpur óðinn Sónarkers
syngur ljóð um Britney Spears.
Einhver grunur hefur legið á að sú góða
kona sé af íslenskum ættum og er því byrjað á
tímum Vesturfaranna:
Saga mín er saga vor
saga af ógnarstandi
þegar fólkið féll úr hor
og fara vildi úr landi.
Hérna kvöddu heimavog
hugðu bandaríska
grasið væri grænna og
gróðurloftið fríska.
Fyrir vestan byggðu bú
börn og skepnur áttu
heimamanna tóku trú
teljast Kanar máttu.
En svona til að stytta málið var semsagt
faðir Britneyjar byggingaverktaki en móðir
hennar barnakennari og segir svo frá frum-
býlingsárum þeirra James og Lynn og hvern-
ig það bar til að frúin varð að hætta barna-
kennslunni og halda til á bak við eldavélina að
hætti framsóknarkvenna:
Þótti vanur vinnutörn
vóð að konu sinn:
„Hættu að brúka kjaftakvörn
komdu heim að ala börn.“
Saman áttu soninn Brján
sá var kartinn piltur.
Byrjaði þar barnalán
baptistanna í Littletown.
Í þriðju rímu segir síðan frá fæðingu Bryn-
dísar litlu en sá dagur er enn í minnum hafður
á sjúkrahúsinu, einkum fyrir vasklega fram-
göngu Djeims, sem í þá daga gekk rösklega að
öllum verkum og sást lítt fyrir:
Vaknar Lynn við léttasótt
legvatn hafði misst um nótt
út á gólfið fossinn fór
fagnaði því Djeims með bjór.
Flýttu sér á sjúkrahús
Saxi læknir beið þar fús
einkastofu upp á bauð
item kaffi og vínarbrauð.
Virkan þátt í verkjum tók
vísifingur bóndinn skók
hjá konu sinni kátur sat:
„Kláraðu þetta fyrir mat.“
„Í vinnu bíða vaskir menn
verð að mæta þangað senn.
Klukkan orðin átta og hálf
ekki rísa húsin sjálf.“
Tók úr vasa tommustokk:
Tilgangslítið þótti fokk.
Áfram vildi etja frú:
„Útvíkkun við mælum nú.“
Þetta er nú óttaleg fljótaskriftaryfirferð á
lífshlaupi telpunnar, hvað þá að ég komi því
hér fyrir sem ég ætlaði mér upphaflega en hér
segir frá hárburstatímabilinu í lífi Bryndísar
en fyrir og eftir fermingu æfði hún sig fyr-
ir framan spegilinn og undirbjó söngferilinn
með því að nýta hárbursta sem ímyndaðan
míkrafón.
Kveikja löngun krakka leikir
keikir fanga nýjan tón.
Eikin spanga földum feykir
feikar söng í míkrafón.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Flýttu sér á sjúkrahús - Saxi læknir beið þar fús
Guðlaugur Óskarsson, fyrrverandi
skólastjóri á Kleppjárnsreykjum,
gaf á dögunum út bókina Vetur-
nætur – ljóðmyndir. Í henni hald-
ast ljóð hans og myndir í hendur.
„Veturnætur er sá tími ársins, sem
liggur á milli sumars og veturs eft-
ir gamla tímatalinu. Höfundur fyll-
ir um þessar mundir 70 ár og því
er hægt að taka undir það sem seg-
ir á bókarkápu um veturnætur, að
þær eigi sér hliðstæðu í lífsvefnaði
manns, þar sem skil verða á milli
aldursskeiða.
Guðlaugur hefur lengi tekið
ljósmyndir og samið ljóð og þessa
fyrstu bók gefur hann út sjálfur þar
sem þessi áhugamál tvinnast sam-
an. Ritstjóri er dóttir hans, Hlín
Helga, hönnuðir þau Birna Geir-
finnsdóttir og Arnar Freyr Guð-
mundsson hjá Studio - Studio og
bókin var prentuð í Lettlandi fyrir
milligöngu prentmiðlunar.
Orð sem vekja hugsun
Bjarni Guðmundsson á Hvanneyri
hefur birt á Facebook síðu sinni
eftirfarandi um bók Guðlaugs, Vet-
urnætur:
„Fékk í hendur ljóðabók í gær:
Veturnætur heitir hún; ljóðmynd-
ir, kallar höfundurinn, Guðlaug-
ur Óskarsson í Reykholti, formið,
enda vefast þar saman ljósmyndir
hans og ljóð - öll á hugleiðinga-
formi, sem ýmsir þekkja af FB-síðu
hans.
Mér sýnist sum atvinnuskáld-
anna þurfi nú að vara sig: Ort er
máli sem skilst, orðum sem vekja
hugsun, draga athygli að fegurð og
hógværð hins náttúrulega og smáa;
strái, blómi, vatni, fuglum, líka vin-
áttu, þakklæti, trú. Draga athygli frá
ys og þys daglegs amsturs. Áréttað
með ljósmyndum sem gefa mörg-
um ljóðanna vængi.
Allar lýsa ljóðmyndirnar hlýj-
um, veitandi og þakklátum huga
höfundar. Ég mæli eindregið með
Veturnóttum. Til dæmis sem sjálfs-
hjálparbók fyrir þá sem eiga erfitt
með að höndla huga sinn í heimi
óra og ókyrrðar.
Takk fyrir afar góða bók Gulli og
til lukku með vel unnið verk!“
Bókin Veturnætur ljóðmyndir
verður til sölu hjá höfundi og best
að hafa samband við hann í síma
861 5971, á netfangið gudlaugur@
vesturland.is eða á Fb. Einnig er
verður bókin til sölu í Snorrastofu
í Reykholti.
mm
Guðlaugur gefur út bókina
Veturnætur - ljóðmyndir
Guðlaugur gluggar hér í nýútkomna bók sína. Ljósm. je.
Út er komin bókin Dúfnaregist-
ur Íslands eftir Tuma Kolbeinsson.
Um er að ræða alhliða fræðslu- og
skemmtirit um dúfur, sögu dúfna
á Íslandi og handbók í dúfnarækt.
„Hefur þú oft velt fyrir þér sögu
dúfunnar? Hefurðu kannski aldrei
leitt hugann að tengslum dúfunn-
ar og mannsins? Hefur þú ræktað
dúfur eða gefið þeim brauðmola á
torgum eða almenningsgörðum,
kannski niðri við Tjörn? Þykja þér
dúfur ógeðslegar eða gætirðu hugs-
að þér að hafa þær í matinn?“ Þá
er Dúfnaregistur Íslands bókin
fyrir þig. Hún er allt í senn, sagn-
fræðirit, félagsfræði stúdía, ræktun-
arhandbók og uppspretta áhuga-
verðra staðreynda með matreiðslu-
ívafi. Dúfnaregistur Íslands er bók-
in sem inniheldur allt sem þú viss-
ir ekki að þú vissir ekki um dúfur,“
segir í tilkynningu frá Sæmundi,
útgefanda bókarinnar. mm
Dúfnaregistur
Íslands komið út