Skessuhorn - 16.01.2019, Blaðsíða 15

MIÐVIKUDAGUR 16. JANÚAR 2019 15
Kvikmyndahátíðin Borgarnes Film
Freaks verður haldin í Borgarnesi
dagana 24. til 26. janúar næstkom-
andi. Er þetta í annað skipti sem há-
tíðin er haldin, en einnig var blás-
ið til hennar í fyrra. Að þessu sinni
verða myndirnar annars vegar sýnd-
ar á Sögulofti Landnámssetursins á
fyrsta kvöldi hátíðarinnar og hins
vegar í Félagsmiðstöðinni Óðali á
föstudag og laugardag í næstu viku.
Vel að merkja var Óðal lengi vel
kvikmyndahús Borgnesinga.
Stjórn hátíðarinnar skipa þau Mic-
helle Bird og Halldór Óli Gunnars-
son, sem stofnuðu fyrst til hátíðar-
innar á síðasta ári, ásamt Eiríki Þór
Theodórssyni. Í haust var opnað fyr-
ir umsóknir og listamenn og kvik-
myndagerðafólk sendu inn hvorki
fleiri né færri en 896 umsóknir. „Við
fengum inn alveg bunka af mynd-
um, mun meira en við áttum von á.
Síðan tókum við um tvo mánuði í að
fara í gegnum allar myndirnar, sem
var dálítið strembið, en að lokum
völdum við þessar 29 myndir sem
verða sýndar á hátíðinni. Þær mynd-
ir koma hvaðanæva að úr heiminum,
frá samtals 16 löndum. Við erum
mjög ánægð með þessar myndir
sem við völdum og teljum sýningar
á þeim kjörið tækifæri fyrir fólk að
koma og sjá myndir sem það myndi
annars ekki sjá,“ segir Halldór Óli í
samtali við Skessuhorn.
„Eftir að við völdum myndirnar
höfðum við samband við leikstjórana
og buðum þeim að koma og taka þátt
í hátíðinni. Fulltrúar frá átta til tíu
myndum hafa boðað komu sína. Að
loknu hverju sýningarkvöldi verður
„spurt og svarað“ þar sem áhorfend-
ur geta spurt leikstjóra um allt sem
þeim dettur í hug sem tengist mynd-
unum þeirra eða kvikmyndagerð
almennt. Ef vill fræðast um kvik-
myndagerð er þetta kjörið tækifæri,
því það getur verið mjög fróðlegt að
hlusta á leikstjóra tala um myndirnar
sínar,“ bætir hann við.
Hátíðin vex úr grasi
Halldór segir að hátíðin í ár sé tölu-
vert stærri í sniðum en fyrsta hátíð-
in sem haldin var í fyrra. „Þetta er
töluvert stökk frá fyrstu hátíðinni,
sem var bara pínulítil. Borgarnes
Film Freaks er stærra umfangs núna
sem er mjög spennandi. Við erum
að reyna að stækka hátíðina hægt og
bítandi ár frá ári,“ segir hann. „Há-
tíðin nýtur styrks úr Uppbygging-
arsjóði Vesturlands. Auk þess hafa
fyrirtæki í bænum lagt okkur lið
og sjálfboðaliðar lagt hönd á plóg.
Það er ómetanlegt og við erum afar
þakklát fyrir það,“ bætir hann við.
„Með hátíðinni erum við aðeins að
hverfa aftur til bíómenningarinnar
sem var áður fyrr hér í Borgarnesi.
Ég fór sjálfur mikið í bíó í Óðali
þegar ég var yngri. Frá því herinn
kom með fyrstu vélarnar hingað í
Borgarnes á stríðsárunum og byrj-
aði að sýna í gamla samkomuhúsinu
voru sýndar bíómyndir í bænum
fram undir árið 2010. En undan-
farin ár hafa þær legið niðri. Okkur
langar að endurvekja þessa stemn-
ingu en líka bara gera eitthvað að-
eins öðruvísi sem er samt spennandi
og skemmtilegt,“ segir hann.
Dagur í lífi Palla Egils
Vert er að vekja sérstaka athygli á
einni kvikmynd hátíðarinnar, sem
er eftir Borgnesing um Borgnesing.
Það er kvikmynd Gunnhildar Lind
Hansdóttur, Dagur í lífi Palla Egils,
sem sýnd verður að kvöldi fimmtu-
dags á Sögulofti Landnámsseturs-
ins. „Stefna okkar í stjórninni er að
á hverju ári verði sýnd mynd eft-
ir heimamann á hátíðinni og skapa
þannig tækifæri fyrir viðkomandi
kvikmyndagerðarmann að sjá mynd-
ina sína á stóru tjaldi. Ég vissi af
þessari mynd Gunnhildar og spurði
hvort hún vildi ekki sýna hana á há-
tíðinni, sem hún tók vel í. Myndin
er mjög fróðleg fyrir þá sem þekkja
til Palla Egils. Hún fylgdi honum
eftir einn dag og úr varð þessi tíu
mínútna stuttmynd sem er ákaflega
vel gerð og skemmtileg. Ég hvet alla
Borgnesinga og þá sem þekkja til
Palla sérstaklega til að kíkja á hana í
Landnámssetrinu að kvöldi fimmtu-
dags. Fjölskyldan hans Palla er
reyndar svo stór að við gætum þurft
að sýna hana aftur á laugardaginn,“
segir Halldór léttur í bragði.
„Góður kokteill“
En kvikmyndirnar á hátíðinni eru
eins mismunandi og þær eru margar.
„Þetta er bara mjög góður kokteill
af skemmtilegum og áhugaverðum
myndum. Margar stuttmyndir eru á
hátíðinni í ár, myndir sem eru styttri
en klukkutími. Eina kvikmyndin
sem er í fullri lengd er myndin Pol-
terheist, sem er mjög skemmtileg
glæpamynd með svona hrollvekjuí-
vafi. Hún verður sýnd á föstudags-
kvöld, en þá er hryllingsmynda-
kvöld á hátíðinni. Sýndar verða sex
mjög góðar hryllingsmyndir en rétt
er að geta þess að börn yngri en 12
ára þurfa að mæta í fylgd foreldra á
hryllingsmyndakvöldið,“ segir Hall-
dór. „Aðgangur að öllum sýningar-
kvöldum er ókeypis og ekkert því til
fyrirstöðu að sjá sig. Þá geta þeir sem
deila viðburðinum okkar á Facebo-
ok eða Instagram sýnt okkur það í
sjoppunni og fengið frían popppoka
að launum. Það er því ekkert því til
fyrirstöðu að láta sjá sig. Svona lag-
að lífgar upp á janúarmánuð og það
hleypir birtu í lífið að kíkja í bíó,
fá sér gott popp og kók og horfa á
skemmtilegar myndir,“ segir Hall-
dór Óli Gunnarsson að endingu.
kgk
Kvikmyndahátíðin Borgarnes Film Freaks á næsta leyti
„Hleypir birtu í lífið að kíkja í bíó og
horfa á skemmtilegar myndir“
Stuttmynd um dag í lífi Palla Egils verður sýnd á hátíðinni. Ljósm. glh.
Skot úr kvikmyndinni Polterheist, glæpamynd með hrollvekjuívafi, sem er eina
kvikmyndin í fullri lengd sem sýnd er á hátíðinni að þessu sinni.
Stjórn Borgarnes Film Freaks skipa þau Halldór Óli Gunnarsson, Michelle Bird og
Eiríkur Þór Theodórsson. Ljósm. aðsend.
Að kvöldi þriðjudagsins 18. nóvem-
ber árið 1919 komu saman fáein-
ar konur í herbergi í húsi við Aðal-
stræti 8 í Reykjavík. Þær voru þarna
saman komnar í þeim tilgangi að
stofna nýtt félag; „Félag íslenskra
hjúkrunarkvenna,“ sem hafði þann
tilgang að hjálpa stúlkum sem vildu
læra hjúkrunarstörf að fara til Dan-
merkur til náms. Á þessu ári eru því
liðin hundrað ár frá stofnun þessa
félags sem í dag hefur fengið nafnið
Félag íslenskra hjúkrunarfræðinga. Í
tilefni afmælisins mun félagið standa
fyrir viðburðum reglulega allt árið,
suma aðeins ætlaða hjúkrunarfræð-
ingum, en aðra opna viðburði fyrir
almenning.
Formaður afmælis-
deildar
Steinunn Sigurðardóttir hjúkrun-
arfræðingur starfaði í yfir fjóra ára-
tugi á Sjúkrahúsi Akraness sem síð-
ar varð Heilbrigðisstofnun Vestur-
lands, en hún lét af störfum 2012.
Hún hefur þó langt í frá sagt skil-
ið við heilbrigðismálin og er í dag
formaður afmælisnefndar Félags ís-
lenskra hjúkrunarfræðinga. Hún
segir að meðal þess sem félagið vilji
gera í tilefni afmælisins er að kynna
hjúkrunarfræði betur fyrir almenn-
ingi, bæði námið og starfið. „Starf
hjúkrunarfræðinga er mjög fjöl-
hæft og það gera sér ekkert all-
ir grein fyrir því hversu veigamikið
hlutverk hjúkrunarfræðingar hafa í
samfélaginu,“ segir Steinunn þeg-
ar Skessuhorn hitti hana að máli
ásamt Fanneyju Svölu Óskarsdóttur
sem er formaður deildar hjúkrun-
arfræðinga á Akranesi og nágrenni.
Félagið er deild innan Félags ís-
lenskra hjúkrunarfræðinga. Hún er
skurðhjúkrunarfræðingur og starfar
á skurðstofunni á Heilbrigðisstofn-
un Vesturlands á Akranesi.
Hjúkrunarfræðingar
starfa víða
Af tilefni aldarafmælis Félags ís-
lenskra hjúkrunarfræðinga ætlar
stjórn deildar hjúkrunarfræðinga á
Akranesi og nágrenni að standa fyr-
ir því á afmælisárinu að birta grein-
ar eftir hjúkrunarfræðinga í Skessu-
horni. Greinararnar verða birtar
jafn og þétt yfir afmælisárið. Í þess-
um greinum fá lesendur smá innsýn
í þau fjölbreyttu störf og áskoran-
ir sem hjúkrunarfræðingar fást við.
„Störf hjúkrunarfræðinga eru mjög
fjölbreytt og eiga sér ekki endilega
alltaf stað innan heilbrigðisstofn-
ana,“ segir Fanney Svala og Stein-
unn tekur undir. „Þeir starfa einn-
ig í skólum, hjúkrunarheimilum, í
einkageiranum og jafnvel innan fyr-
irtækja. Það starfar til dæmis hjúkr-
unarfræðingur hjá Norðuráli,“ seg-
ir Fanney Svala. „En vissulega eru
margir sem starfa innan heilbrigðis-
stofnana og jafnvel á fleiri en einum
starfsvettvangi,“ bætir Steinunn við.
„En ég held að það sé margt sem al-
menningur veit ekki um störf hjúkr-
unarfræðinga, eðlilega. Sem dæmi
erum við með hjúkrunarmóttöku á
heilsugæslustöðinni á Akranesi. Ég
er viss um að það eru margir íbú-
ar sem vita ekki hvaða þjónustu er
hægt að sækja þangað og því viljum
við breyta,“ segir Steinunn. „Það
er okkar von að fólk lesi greinarnar
og sjái þannig það mikilvæga hlut-
verk sem hjúkrunarfræðingar gegna.
Og kannski líka hversu skemmtilegt
starfið getur verið,“ segja þær að
lokum. arg
Hjúkrunarfræðingar kynna störf sín á afmælisári
Fanney Svala Óskarsdóttir og Steinunn Sigurðardóttir hjúkrunarfræðingar.