Skessuhorn - 20.11.2019, Blaðsíða 12
MIÐVIKUDAGUR 20. nóVeMBeR 201912
Bændurnir Branddís Hauksdóttir,
Kristján Ágúst Magnússon og son-
ur þeirra Magnús á Snorrastöðum
í Kolbeinsstaðarhreppi buðu Vest-
lendingum í heimsókn síðastlið-
inn laugardag til að skoða nýja fjós-
ið sem nýlega var tekið í notkun.
Skemmst er frá því að segja að fjöl-
margir gestir víðs vegar af Vestur-
landi þáðu boðið. 170 skráðu nafn
sitt í gestabók en vafalítið hafa ekki
allir gert það. Að góðum sveita-
sið voru veglegar veitingar í boði,
í umsjón Kvenfélagsins Bjarkar í
Kolbeinsstaðarhreppi.
nýja fjósið á Snorrastöðum er
777 fermetra viðbygging við 559
fm. eldra fjós og fjárhús frá 2009.
Í nýja fjósinu er einn mjaltaþjónn
og getur byggingin rúmað um 200
nautgripi. Framkvæmdir hófust í
september 2018 og fyrsta steypa
rann í mótin 10. nóvember fyrir
réttu ári. Byggingin er reist úr for-
steyptum einingum frá BM Vallá,
með Límtrés sperrum og yleining-
um í þaki. Byggingatíminn var því
stuttur og verulega kom bændum
til góða sú hagstæða veðrátta sem
hefur verið allt síðasta ár. Ráðgjöf
við verkefnið var fengin frá Ráð-
gjafarmiðstöð landbúnaðarins og
var í höndum Sigurðar Guðmunds-
sonar. Arion banki fjármagnaði svo
framkvæmdina. Að sögn Magn-
úsar bónda er kostnaður við bygg-
inguna, tæki og innréttingar um
150 milljónir króna. eftir á að fylla
fjósið af kúm, en ábúendur gera ráð
fyrir að kaupa aukinn mjólkurkvóta
þegar sá gluggi opnast, líklega eftir
næstu áramót. „Við höfum verið að
framleiða um 180.000 lítra af mjólk.
Takmarkið hjá okkur er að bæta við
250.000 lítra kvóta en nýja fjósið
ætti að ráði vel við um 500.000 lítra
framleiðslu,“ segir Kristján Ágúst.
Greinilegt er að kúnum á Snorra-
stöðum líkar vel aðbúnaður sinn.
Húsið er bjart og loftræsting er
með rafdrifnum gluggum, engar
viftur. Það gerir að verkum að lítill
sem enginn hávaði er inni í fjósinu
en sýnt hefur verið fram á að kýr
verða rólegri fyrir vikið. Gúmmí-
dúklagðir legubásar eru fyrir allar
kýr. Þær bera sig svo eftir björg-
inni réttsælis um fjósið, geta fengið
sér vatn, stoppað við í klórburstan-
um eða fengið sér fóðurbæti á leið-
inni að DeLaval mjaltaþjóninum.
Tölvustýring sér um að opna inn
í fóðrun ef mjólkurheimild er fyrir
viðkomandi kú. Bændur fylgjast svo
með framgangi í fjósinu í gegnum
app í símunum sínum, þegar þeir
eru ekki á svæðinu. Þannig geta
þeir gripið inní ef eitthvað bjátar á.
Þau Branddís, Kristján og Magn-
ús vilja koma á framfæri þakklæti til
allra sem komu í heimsókn á laug-
ardaginn og til þeirra sem lögðu
hönd á plóg.
mmKúabændur frá Eystri-Leirárgörðum, Hjarðarfelli, Stakkhamri og Ölkeldu létu sig
ekki vanta.
Fjölmenni mætti í opið fjós á Snorrastöðum
Branddís, Kristján Ágúst og Magnús, bændur á Snorrastöðum.
Nýja fjósið er byggt við gafl eldra fjóssins frá 2009 og myndar samfellda heild eins
og sjá má.
Mæðginin Sjöfn Guðlaug og Eggert í Ásgarði voru meðal gesta.
Fjölmenni var mætt á fóðurganginn og stöðugt rennerí gesta allan daginn.
Legubásarnir eru með mjúku undirlagi og gúmmídúk en auk þess kodda fyrir
kýrnar að hvíla hausinn á.
Mjaltaþjónninn frá DeLaval er af
nýjustu kynslóð slíkra tækja, vegur um
1400 kíló og kostar tæpar 20 milljónir
króna.
Mæðgurnar Katrín og Karitas á Helgavatni á tali við Gest bónda á Kaldárbakka.
Fjóla og Jón í Mófellsstaðakoti með Magnús á Eystri Leirárgörðum á milli sín.
Þessum unga manni var afar umhugað
um að kýrin hefði nóg að éta.
Í eldri fjósbyggingunni eru naut í upp-
eldi, en auk þess kindur í hluta hússins.
Þessi var að hugsa um að fara í fóður-
bætinn, en fékk ekki mjaltaheimild og
þurfti því frá að hverfa. Það sakaði þó
ekki að reyna!