Skessuhorn - 20.11.2019, Blaðsíða 15

MIÐVIKUDAGUR 20. nóVeMBeR 2019 15
SK
ES
SU
H
O
R
N
2
01
9
Deiliskipulag í Búðardal

Sveitarstjórn Dalabyggðar samþykkti á fundi sínum
12. september 2019 að endurauglýsa tillögu að
deiliskipulagi í Búðardal skv. 41. gr. skipulagslaga
nr. 123/2010.
Deiliskipulagið er fyrir stækkun íbúðarsvæðis við Borgarbraut
í Búðardal. Ekkert deiliskipulag er í gildi fyrir svæðið. Svæðið
afmarkast af Miðbraut í norðri, lóðum austan við Borgarbraut
að austan og sunnan og af nýjum lóðum að vestan. Í deiliskipu-
laginu er gert ráð fyrir íbúðarlóðum fyrir tvær raðhúsalengjur
vestan megin við götuna. Skipulagssvæðið er alls um 8.650 m2
(um 0,86 ha) að stærð.
Tillagan er sett fram á uppdrætti og umhverfisskýrsla er að-
skilin greinagerð dags. 5. september 2019. Tillaga og um-
hverfisskýrsla munu liggja frammi frá 16. október 2019 á
skrifstofu Dalabyggðar, Miðbraut 11, 370 Búðardal. Enn fremur
verður tillagan til sýnis á heimasíðu sveitarfélagsins dalir.is.
Athugasemdum skal skilað til skrifstofu skipulagsfulltrúa, að
Miðbraut 11 Búðardal, eða á netfangið skipulag@dalir.is fyrir
28. nóvember 2019. Þeir sem ekki gera athugasemdir innan
tilskilins frests teljast samþykkir tillögunni.
Dalabyggð, 14. október 2019.

Þórður Már Sigfússon, skipulagsfulltrúi.
Samtök sveitarfélaga á Vesturlandi
voru stofnuð í árslok 1969. Síðast-
liðinn föstudag var haldið upp á þau
tímamót með ráðstefnu í Hjálm-
akletti í Borgarnesi. eggert Kjart-
ansson, formaður stjórnar SSV, setti
ráðstefnuna og fór í nokkrum orð-
um yfir söguna frá upphafi og starf-
semi samtakanna í dag. Felst hún
m.a. í ráðgjöf við frumkvöðla og
fyrirtæki, stefnumótun, uppbygg-
ingaráætlun landshlutans og hlut-
deild í rekstri Markaðsstofu Vestur-
lands, en um Vesturland fór á síð-
asta ári um ein milljón ferðamanna.
Páll S Brynjarsson, framkvæmda-
stjóri SSV, tók svo við stjórninni.
Við þetta tækifæri ávarpaði einn-
ig Guðjón Ingvi Stefánsson gesti.
Hann sem ungur verkfræðingur
var ráðinn fyrsti framkvæmdastjóri
SSV og gegndi því starfi fram undir
aldamót. Hann hafði nokkru áður
getið sér gott orð fyrir röggsemi
sem framkvæmdastjóri skákein-
vígis aldarinnar þegar Fischer og
Spassky áttust við í Laugardalshöll-
inni. Guðjón rifjaði upp að lagning
slitlags á þéttbýlisstaði á Snæfells-
nesi hafi verið eitt fyrsta átaksverk-
efnið sem SSV beitti sér fyrir. Sam-
tökin komu sér einnig upp húsnæði
við Bjarnarbraut í Borgarnesi þar
sem starfsemin fer enn fram í. Að-
stæður til reksturs voru gjörólíkar á
þessum tíma, löngu fyrir tölvuvæð-
ingu og sjálfvirkir símar ekki komn-
ir í sveitir. Fljótlega var farið að
skoða framtíðarstað fyrir sorpurð-
un og á vettvangi samtakanna var
urðunarstaður valinn í Fíflholtum á
Mýrum og jörðin keypt. Á upphafs-
árum samtakanna voru sveitarfélög
á Vesturlandi 39, en eru í dag tíu.
Fulltrúar KPMG kynntu á ráð-
stefnunni helstu niðurstöður úr
óútkominni skýrslu sem fjallar um
sviðsmyndagreiningu og mögulega
þróun atvinnulífs og samfélags á
Vesturlandi. Þá var röðin komin að
fjórum ungum Vestlendingum sem
kynntu sína sýn á framtíð lands-
hlutans. Þau Bjarki Þór Grönfeldt,
elín Margrét Böðvarsdóttir, Auð-
ur Kjartansdóttir og Ása Katrín
Bjarnadóttir eru öll borin og barn-
fædd í landshlutanum. Þau starfa
ýmist á heimaslóðum, eru í námi
eða hafa flust burtu. Áhugvert var
að hlíða á þeirra sýn um framtíð-
ina, en öll komu þau með föður-
legar ábendingar um það sem bet-
ur mætti fara, en fóru jafnframt yfir
margt af því sem gefur Vesturlandi
sérstöðu. nefndu verðmæta nátt-
úru, umhverfismál og mikilvægi
þess að koma í veg fyrir einangrun
einstaklingsins í huliðsheimi tölvu-
tækninnar. Það megi gera með
samheldni og væntumþykju í garð
náungans. Öll voru þau sammála
um að á Vesturlandi hefði verið
gott að alast upp. Bjarki og elín
Margrét í sveit, Auður í Stykkis-
hólmi, nú búsett í Snæfellsbæ, en
Ása Katrín á Akranesi. Brýndu þau
eldri íbúa til að hræðast ekki þær
breytingar sem eru að verða sam-
hliða tæknivæðingu fjórðu iðnbylt-
ingarinnar.
eftir kaffihlé var komið að pall-
borðsumræðum sem Gísli ein-
arsson, dagskrárgerðarmaður hjá
RUV, var fenginn til að stýra. Í
pallborði voru bæjarstjórarnir
Sævar Freyr Þráinsson á Akranesi
og Björg Ágústsdóttir í Grund-
arfirði auk ráðherranna Þórdísar
Kolbrúnar Reykfjörð Gylfadóttur,
Ásmundar einars Daðasonar og
Guðmundar Inga Guðbrandsson-
ar. Ræddu þau vítt og breytt um
áskoranir og tækifæri Vesturlands
sem landshluta, svöruðu fyrir-
spurnum Gísla og ábendingum úr
sal. Að endingu var blásið til veislu
og nýsköpunarverðlaun SSV af-
hent í fjórða sinn, eins og sagt er
frá í annarri frétt á síðunni hér til
hliðar.
Þrátt fyrir að Samtök sveitarfé-
laga á Vesturlandi hafi nú fyllt hálft
hundrað í árum talið, eru verkefnin
fjölmörg og krefjandi. Sveitar-
stjórnarfólk víðsvegar úr landshlut-
anum mætti vel á ráðstefnuna, en
fáir utan þess geira samfélagsins.
mm
Gísli Einarsson stýrði pallborði. Sitjandi f.v. Ásmundur Einar, Sævar Freyr, Þórdís
Kolbrún, Björg og Guðmundur Ingi.
Haldið var upp á fimmtíu ára afmæli SSV
Horft yfir salinn við upphaf ráðstefnunnar í Hjálmakletti.
Unga fólkið sem hélt erindi um framtíð Vesturlands. F.v. Elín Margrét Böðvars-
dóttir, Auður Kjartansdóttir, Bjarki Þór Grönfeldt og Ása Katrín Bjarnadóttir.
Ólafur Sveinsson forstöðumaður Atvinnuráðgjafar SSV, Guðjón Ingvi Stefánsson
fyrrverandi framkvæmdastjóri SSV og Páll S Brynjarsson framkvæmdastjóri SSV.
Snorrastofa, menningar- og miðaldasetur
í Reykholti
Sími 433 8000
www.snorrastofa.is
snorrastofa@snorrastofa.is
Snorrastofa í Reykholti
Reykholtsverkefnið kvatt
Þriðjudagurinn 26. nóv. 2019
kl. 19:30 í Bókhlöðu Snorrastofu
Reykholtsverkefnið hófst árið
1999 og er þverfaglegt, al þjóðlegt
miðalda rannsóknar verk efni á
sviði bókmennta, fornleifafræði,
landafræði og sagnfræði.
Verið velkomin
Athugið breyttan tíma
Dagskrá um árangur
Reykholtsverkefnisins
Fyrirlestur og pallborðsumræður