Skessuhorn - 20.11.2019, Blaðsíða 14
MIÐVIKUDAGUR 20. nóVeMBeR 201914
Undanfarin þrjú ár hafa nýsköp-
unarverðlaun SSV verið veitt fyr-
irtækjum sem þykja hafa kom-
ið fram með áhugaverða nýjung
á árinu. Þessi verðlaun voru fyrst
veitt árið 2016 og þá varð Cave,
fyrirtækið sem rekur ferðaþjón-
ustu við hellinn Víðgelmi í Borg-
arfirði, fyrir valinu. Árið 2017
var fyrirtækið Asco Harvester í
Stykkishólmi valið, en fyrirtækið
hannaði og smíðaði þangskurðar-
pramma sem var tekinn í notkun á
því ári. Loks var á síðasta ári fyrir-
tækið Guðmundur Runólfsson hf.
fyrir valinu. Á fimmtíu ára afmæl-
ishátíð SSV í Hjálmakletti síðast-
liðinn föstudag voru verðlaunin
afhent í fjórða skipti og komu þau
í hlut Bergþórs Kristleifssonar og
Hrefnu Sigmarsdóttur sem reka
Ferðaþjónustuna á Húsafelli. Sá
háttur er hafður á að atvinnuráð-
gjafar SSV tilnefna þrjú fyrirtæki
og voru tilnefningarnar lagðar fyr-
ir stjórn SSV. niðurstaða stjórnar
var einhuga um að velja Ferða-
þjónustuna Húsafelli.
Í umsögn stjórnar SSV seg-
ir: „Um árabil hefur verið rekin
ferðaþjónusta í Húsafelli og var
sérstakt fyrirtæki stofnað í kring-
um hana árið 1990. Kristleifur
Þorsteinsson á Húsafelli var í raun
frumherji í uppbyggingu ferða-
þjónustu á Vesturlandi og hefur
fjölskylda hans haldið uppbygg-
ingunni áfram af miklum dugnaði.
Þar hefur verið skipulagt svæði
undir sumarhús og eru um 200
hús í Húsafelli í dag. Sundlaug,
tjaldsvæði, verslun og veitinga-
þjónusta, golfvöllur og ýmiskon-
ar afþreying er þar til staðar. Árið
2015 opnaði nýtt glæsilegt hótel í
Húsafelli. Þá hefur ferðaþjónust-
an byggt upp virkjanir til að þjón-
usta sumarhúsaeigendur og ný-
verið var tekin í notkun ný virkj-
un sem selur rafmagn inn á dreifi-
kerfi Rarik. Því má segja að Húsa-
fell sé í dag sjálfbært svæði, með
rafmagn, kalt vatn og heitt vatn. Á
árinu 2018 var unnið markvisst að
gerð og merkingu göngustíga við
og í nágrenni Húsafells og haldið
áfram með það verkefni á þessu
ári. Á þessu ári hefur einnig ver-
ið unnið að gerð Giljabaða, sem
eru náttúruböð í Hringsgili fyrir
ofan Húsafell. Böðin eru tilbúin
og verður innan skamms farið að
selja gestum aðgengi. Allar fram-
kvæmdir eru unnar af smekkvísi
og miklum metnaði.
Ferðaþjónustan Húsafelli hefur
verið í stöðugri nýsköpun frá því
að Kristleifur færði sig úr hefð-
bundnum búskap í ferðaþjónustu
árið 1968. Það má því með sanni
segja að Ferðaþjónustan í Húsa-
felli sé nokkurs konar samnefnari
þeirrar uppbyggingar sem hefur
orðið í ferðaþjónustu á Vestur-
landi á starfstíma SSV.“
Hrefnu og Bergþóri var til
minningar afhent listaverk eftir
Dýrfinnu Torfadóttur gullsmið.
mm
Að morgni síðasta fimmtudags var
Vínbúðin á Akranesi opnuð í nýju
húsnæði að Kalmansvöllum 1 og
hefur gömlu búðinni við Þjóðbraut
13 verið lokað. nýja verslunin er
um 450 fermetrar að stærð og er öll
aðstaða í henni betri en á fyrri stað.
Meðal annars er stór kælir þann-
ig að viðskiptavinir geta nú nálgast
kaldan bjór, gosblöndur eða síder.
Aðgengi að verslunni er sömuleiðis
betra því næg bílastæði eru við hús-
ið frá þeirri tíð að þar var matvöru-
verslun nettó og síðar Kaskó rek-
in. Sigrún ósk Sigurðardóttir, að-
stoðarforstjóri Vínbúðanna, segir
í samtali við Skessuhorn að vöru-
úrval hafi nú verið aukið lítillega
í versluninni á Akranesi, þá sér-
staklega í bjór og kassavíni. Harpa
Sif Þráinsdóttir verslunarstjóri er
sömuleiðis mjög ánægð með flutn-
ing verslunarinnar og ekki síst með
hönnun hennar og betri vinnuað-
stæður starfsfólks. nú er hægt að
keyra vörubretti með t.d. bjór beint
inn á kæli og lítið er geymt inn á
lager því hillurými er meira en á
gamla staðnum. Að morgni opn-
unardags var kælirinn fullur af jóla-
bjór, en sala hans á landsvísu hófst
einmitt sama morgun.
mm
Eggert Kjartansson formaður stjórnar SSV, Hrefna Sigmarsdóttir, Bergþór Krist-
leifsson og Páll S Brynjarsson framkvæmdastjóri SSV. Ljósm. Gísli Einarsson.
Ferðaþjónustan Húsafelli hlaut Nýsköpunarverðlaun SSV 2019
Lært á nýtt kassakerfi skömmu áður en verslunin var opnuð.
Vínbúðin flutt í nýtt húsnæði á Akranesi
Iðnaðarmönnum og fleirum sem komu að lagfæringum á húsnæðinu var boðið í
veislu að morgni opnunardagsins.
Vínbúðin er nú í norðurenda hússins við Kalmansvelli 1.
Þær standa vaktina í Vínbúðinni á Akranesi. F.v. Helga Sigvaldadóttir, Harpa Sif Þráinsdóttir, Ingibjörg Jónsdóttir, Kristín
Svafa Tómasdóttir og Sigurlaug Njarðardóttir.
Sigrún Ósk, aðstoðarforstjóri Vínbúðanna og Harpa Sif Þráinsdóttir verslunar-
stjóri.