Skessuhorn - 11.12.2019, Blaðsíða 24

MIÐVIKUDAGUR 11. DeseMbeR 201924
sólveig Ásgeirsdóttir í stykkis-
hólmi sendi í lok nóvember frá sér
sína fyrstu bók. ber hún heitið bláa
ský og er safn prósaljóða og smá-
sagna sem sólveig hefur skrifað í
áranna rás. „Ég hef lengi verið að
skrifa en hingað til hefur það lent
ofan í skúffu, eins og hjá mörgum,“
segir sólveig létt í bragði í samtali
við skessuhorn. „síðan gerðist það
að ein góð vinkona mín, Hanna
Jónsdóttir, hvatti mig til að sækja
um styrk hjá lista- og menningar-
sjóði stykkishólmsbæjar. Ég gerði
það, fékk styrk um síðustu áramót
og þá bara bretti ég upp ermarnar.
Ég átti fullt af efni, en þurfti auð-
vitað að fara yfir það allt og fín-
pússa og svona,“ segir hún.
Náttúran fyrirferðamikil
sem fyrr segir inniheldur bók-
in prósaljóð og smásögur. Höf-
undurinn segir að efnistök þeirra
séu af ýmsum toga. „Ég skrifa um
alls konar hugleiðingar, lífið og til-
veruna, bæði í ljóðunum og smá-
sögunum. Náttúran er fyrirferða-
mikil, hvort sem það er krummi
eða fíflarnir eða mosinn eða fjöllin,
sem eru svo stórfengleg. Ég er mik-
ið náttúrubarn og hef alltaf verið.
Mér hefur alltaf þótt gott að vera
úti við, fara í göngur og fæ yfirleitt
hugmyndir í göngum og útivist. Þá
nóta ég oft eitthvað hjá mér, bara
á símann, og vinn síðan út frá því.
Ætli það megi ekki segja að nátt-
úran sé minn helsti innblástur,“
segir sólveig, „og ekki má gleyma
Guði og gæfunni. Guð er stór part-
ur af mínu lífi og læðist trúin óhjá-
kvæmilega inn í textann hjá mér á
stöku stað,“ bætir hún við.
Mjög góðar viðtökur
Áhugasömum er bent á að bláa ský
er eingöngu til sölu í bókaverzlun
breiðafjarðar í stykkishólmi. „bók-
in var prentuð í eitt hundrað ein-
tökum, þetta er tilraunaútgáfa. enn
eru einhverjar bækur eftir, en þær
hafa selst duglega. Mögulega verð-
ur upplagið stækkað ef bókin selst
upp, ég ætla að halda því opnu,“
segir sólveig, en hún hefur feng-
ið góðar viðtökur. „Ég vissi ekki
alveg við hverju ég átti að búast,
enda aldrei gefið út bók áður. en
það hefur verið virkilega skemmti-
legt og ég er búin að fá þvílíkt góð-
ar viðtökur og góð viðbrögð, sem
er virkilega ánægjuleg,“ segir hún
ánægð.
Peningarnir
gagnist íbúunum
ekki nóg með að sólveig hafi aldrei
gefið út bók áður, heldur lætur hún
allan ágóðann af sölu hennar renna
til góðs málefnis. „Allur ágóðinn af
sölunni rennur óskiptur til Holl-
vinasamtaka Dvalarheimlis aldr-
aðra hér í stykkishólmi. Ég vann
þar í mörg ár og vil með þessu
þakka fyrir mig og láta gott af mér
leiða,“ segir hún. „Hollvinasam-
tökin eru mjög drífandi samtök,
hafa staðið fyrir ýmsum verkefn-
um sem hafa aukið lífsgæði íbú-
anna á dvalarheimlinu. Til dæm-
is hafa samtökin smíðað pall sem
sárvantaði, keypt stóla og útihús-
gögn og fleira fyrir íbúana,“ segir
hún. „samtökin hafa alveg frjálsar
hendur hvað þau nota ágóðann af
sölu bókanna í, hvort sem það er
til tækjakaupa eða jafnvel í ferða-
sjóð íbúa eða eitthvað slíkt. Ég vil
bara að peningarnir gagnist íbúun-
um og ég veit að hollvinasamtök-
in munu sjá til þess,“ segir sólveig
Ásgeirsdóttir að endingu.
Agnar Jónasson, formaður
Hollvinasamtaka Dvalarheimilis
aldraðra í stykkishólmi, vill koma
á framfæri þakklæti fyrir gjöfina
frá samtökunum. „Þetta er frá-
bær gjöf og við hjá samtökunum
erum innilega þakklát fyrir hana
og fyrir það hvað fólk hugsar vel
til okkar,“ segir Agnar í samtali
við skessuhorn.
kgk/ Ljósm. Kristín Hannesdóttir.
Árleg bókaveisla Grunnskóla snæ-
fellsbæjar fór fram í Félagsheim-
ilinu Klifi miðvikudaginn 4. des-
ember. bókaveislan er fyrir löngu
búin að festa sig í sessi í viðburð-
um sem haldnir eru í bæjarfélag-
inu í desember. Það eru nemendur
10. bekkjar grunnskólans sem hafa
veg og vanda af bókaveislunni með
dyggri aðstoð kennara og foreldra
sinna. Nemendur sjá um að kynna
þá höfunda sem koma hverju sinni.
Þeir vinna kynningarnar í skól-
anum, enda er viðburðurinn hluti
af námi nemenda. Þeim höfund-
um sem koma er boðið upp á kjöt-
súpu í skólanum áður en bókaveisl-
an hefst, sem starfsfólk í eldhúsi
skólans býr til. Að þessu sinni voru
það þau Auður Jónsdóttir með bók-
ina Tilfinningabyltingin, eva björg
Ægisdóttir með bókina stelpur sem
ljúga, Halldór Laxness Halldórs-
son, eða Dóri DNA, með bókina
Kokkál, Hildur Knútsdóttir með
bókina Nornina og Hjalti Hall-
dórsson með bókina Ys og þys út
af öllu. Í hléi seldu nemendur kaffi
og dýrindis kökur og fór ágóðinn
í sjóð krakkanna, sem stefna á út-
skriftarferð í vor.
þa
Tónlistarskóli Grundarfjarðar hélt
árlega jólatónleika í Grundarfjarð-
arkirkju miðvikudaginn 4. des-
ember síðastliðinn. Þar spiluðu og
sungu nemendur tónlistarskólans
nokkur vel valin jólalög fyrir gesti
og þétt var setið í kirkjunni þennan
eftirmiðdag.
tfk
Rithöfundar sem komu á Bókaveislu í Klifi á miðvikudaginn í síðustu viku.
Bókaveisla í Klifi
Þessir duglegu söngnem-
endur þöndu raddböndin í tilefni
dagsins.
Nemendur í gítarfræðum slá á
létta jólastrengi.
Jólatónleikar Tónlistarskóla
Grundarfjarðar
Bláa ský er fyrsta bók Sólveigar Ásgeirsdóttur
Gefur hollvinasamtökum allan ágóðann af sölunni
Bogi Thorarensen Bragason les upp úr bókinni fyrir íbúa dvalarheimilisins.
Sólveig Ásgeirsdóttir og Bogi Thorarensen Bragason, eiginmaður hennar, fyrir miðju, ásamt stjórnarmönnum Hollvinasam-
taka Dvalarheimilis aldraðra í Stykkishólmi, þeim Agnari Jónassyni (t.v.) og Dagbjörtu Hrafnkelsdóttur (t.h.). Sólveig lætur
ágóðann af sölu bókarinnar renna til hollvinasamtakanna.