Hugur og hönd - 01.06.1986, Page 30

PRJONAÐUR HOKULL
í ÞORLÁKSKIRKJU
Sjávarmegin og sunnan við Þor-
lákshöfn í Ölfushreppi stendur
nýreist guðshús, veglegt en lát-
laust, Þorlákskirkja. Þegar hún var
vígð í júlí 1985, sex árum eftir að fyrsta
skóflustungan var tekin, stóð hún nær
fullgerð svo til skuldlaus. Byggingar-
saga þessarar kirkju er að mörgu leyti
sérstæð. Þorlákshafnarbúar sem eru
nú um 1100 (voru 14 1951) hafa með
samhug og samstilltu átaki staðið að
þessari byggingu, lyft þar grettistaki
sem er til fyrirmyndar. Ótaldir ein-
staklingar og félög lögðu fram vinnu í
margvíslegri mynd, gáfu efni, léðu
verkfæri og söfnuðu fé til byggingar-
innar, þar til markinu var náð. Þor-
lákshafnarbúum er annt um kirkju
sína, gefa henni enn góða gripi, en
gæta þess þó vandlega að fullt sam-
ræmi sé með kirkjumunum, annarri
innréttingu og stil hússins.
Einn af einlægustu velunnurum
Þorlákskirkju er Gunnar Markússon,
fyrrverandi skólastjóri á staðnum.
Hann sat í byggingarnefnd frá upp-
hafi og hefur verið formaður sóknar-
nefndar frá 1983. Gunnar er ekki sá
sem situr með hendur í skauti í fritím-
um sinum. Hann prjónar, hefur gert
talsvert að því á seinni árum að prjóna
útprjónaða kjóla úr íslensku eingirni
og nýtur við það aðstoðar konu sinn-
ar, Sigurlaugar A. Stefánsdóttur
handavinnukennara.
Fyrir nokkrum árum sáu þau hjón
myndir í Hug og hönd af handofnum
höklum frá Guðrúnu Vigfúsdóttur á
ísafirði. Þá datt þeim í hug að eins
mætti prjóna hökla og létu ekki þar
við sitja. Prjónaður var hökull og
stóla fyrir Þorlákskirkju. Þau völdu
græna litinn, þann lit sem oftast er
notaður við almennar sunnudags-
messugjörðir. Efnið er grænt og gult
Gefjunarkambgarn ásamt gullþræði
sem lagður er með gula garninu.
Gunnar prjónaði en Sigurlaug saum-
aði. Miðstykkið er prjónað, fyrst með
sléttu prjóni, en röndótt hliðarstykkin
með garðaprjóni, lykkjur teknar upp
við jaðra miðstykkis. Á hökulinn
30
'/MÉ
Myndir af höklinum eru teknar í Lang-
holtskirkju.
Ljósmyndir: Kristján Pétur Guðnason.
völdu þau að setja hið kirkjulega tákn
akkeri og fiska, töldu það við hæfi á
þessum stað, því að eins og Gunnar
sagði: „Líf okkar byggist á fiski — við
lifum á fiski“. Jes Einar Þorsteinsson
arkitekt dró upp táknið að ósk þeirra
hjóna. Sigurlaug saumaði það með
prjónasaum í miðstykki hökulsins, að
aftan og framan. Á stóluna eru saum-
aðir fjórir fiskar. Snið og stærð hök-
ulsins var miðuð við svuntuhökul í
Kotstrandarkirkju. Sigurlaug sneið,
fóðraði og annaðist annan frágang á
hökli og stólu. Allt er handbragð
þeirra hjóna með miklum ágætum,
unnið af alúð sem ber vott um hug
þeirra til kirkju sinnar.
Þorlákskirkja er teiknuð af Jörundi
Pálssyni arkitekt, bæði sjálft húsið og
allar innréttingar. Altari, predikunar-
stóll og skírnarfontur eru unnin úr ís-
lenskum steini, grágrýti og gabbrói,
einnig eftir teikningum Jörundar. Á
gólfinu eru grásteinsflísar. Allur
steinn er unninn í Steinsmiðju S.
Helgasonar í Kópavogi. Tvöföld
kirkjuhurðin er með sex myndum, út-
skornum eftir teikningum arkitekts-
ins. Það verk vann Erlendur Magnús-
son í Hveragerði. Ullaráklæði frá
Gefjun er á bekkjum.
Altaristaflan er allsérstæð, líklega
sú eina sinnar tegundar í landinu, svo-
kölluð múrrista. Mótífið minnir enn á
líf fiskimannsins og heitir „Herra
bjarga þú mér“. Altaristaflan er eftir
Gunnstein Gíslason myndlistarmann
og má geta þess í lokin að eitt hinna
ötulu félaga staðarins, Kvenfélag Þor-
lákshafnar, gaf kirkjunni andvirði
hennar.
Sigríður Halldórsdóttir
HUGUR OG HÖND