Hugur og hönd - 2019, Qupperneq 32

32 HUGUR OG HÖND 2019
Inngangur
Í nokkrum undanförnum ritum
Hugar og handar, riti Heimilis-
iðnaðarfélags Íslands, hafa verið
skrifaðar greinar um skautbúning
Alexandrínu drottningar.1 Skrifað
hefur verið um konungskomuna
1921, gjöfina sem íslenskar konur
færðu drottningunni við það
tilefni sem var skautbúningur-
inn. Einnig hefur verið skrifað
um fólk sem kom að verkinu,
blæjuna, skartið og margt fleira
sem fróðlegt er að lesa. Í þessari
grein verður skrifað um útsaums-
munstrið á samfellunni, en sam-
fella er pils skautbúningsins.2 Árið
2014 vann ég BA ritgerð í listfræði
og fjallaði þar meðal annars um
áhrif blómateikninga Sigurðar
Guðmundssonar málara (1833-
1874) og tengdi við munstrin á
skautbúningi Alexandrínu drottn-
ingar.3 Greinin hér er að mestu
byggð á rannsóknarvinnunni við
BA ritgerðina. Þá ljósmyndaði ég
muni tengda rannsóknarvinnunni
bæði á Þjóðminjasafni Íslands og
á Nationalmuseet í Kaupmanna-
höfn sem bæði hafa veitt leyfi til
að birta hér myndir af safnmunum
sínum.
Samfellumunstrið og
útsaumurinn
Munstrið sem er neðst á samfell-
unni er gert úr fjórum munstur-
einingum sem tengjast saman
(myndir 1a og 1b). Munstrið er af
brennisóleyjum sem teygja sig upp
Sóleyjarmunstrið á skautbúningi
Alexandrínu drottningar Íslands
Teikningar og útsaumur
H ö f u n d u r : Jófr íður Benediktsdótt ir - L j ó s m y n d i r : Bir tar með leyfi eigenda
M y n d 1 b : Ú t s a u m u r s a m f e l l u n n a r. M u n u r ú r s a f n e i g n Na t i o n a l m u s e e t í
K a u p m a n n a h ö f n .