Hugur og hönd - 2019, Síða 47

2019 HUGUR OG HÖND 47
útlánsspjaldið úr henni, skráir nafn sitt á það og setur
það í öskjuna. Þegar hann skilar ritinu aftur þarf
hann aðeins að setja það í skilabakkann (alls ekki í
hilluna því að útlánsspjaldið þarf að fara aftur í ritið,
annars er það áfram skráð í útlán á lánþegann). Aðeins
Safnanefndarmenn setja spjöldin aftur í bækurnar
og skrá um leið útlánin í útlánabók. Útlánstíminn er
eftir þörfum eða á meðan námskeiðin standa yfir.
Almennir félagsmenn geta fengið að skoða
safnefnið á staðnum en ekki tekið að láni. Það merkir
að handbókasafnið er lokað safn, það er ekki opið
til almennra útlána. Gestkomandi geta þó fengið að
skoða safnefnið eftir aðstæðum. Bæði formaður og
afgreiðslumaður í verslun eiga oft annríkt við sín
störf og þurfa notendur því að taka tillit til þess.
Skráning handbókasafnsins
Þegar hafist var handa við að skrá safnkostinn, sem
áður hafði verið raðað í hillur eftir efni (t.d. prjóna- og
heklbækur saman o.s.frv.), var gengið á hilluröðina
og byrjað á því að líma vasa aftast í hvert rit og setja í
hann útlánsspjald. Eftir því sem það verk vannst var
tekið til við að merkja hvert rit með aðfanganúmeri
(hlaupandi tala, 1, 2, 3 o.s.frv.). Þá var komið að því
að skrá hvert rit og var ákveðið að gera það í rafræna
ritvinnsluskrá (í Word-skjal). Nokkrir nauðsynlegir
skráningarþættir voru skráðir: Aðfanganúmer, höf-
undur, titill, útgáfuár og blaðsíðufjöldi, miðað er við
eina línu fyrir hvern titil. Nokkur skráningaratriði
til viðbótar fylgja með eftir þörfum eins og númer
bindis, númer útgáfu og svo var jólaefni gefið lita-
merki (rauðlitað). Svona skráning er kölluð skemmri
skráning, þá eru aðeins skráðar helstu upplýsingar
um hvert rit til aðgreiningar frá öðrum. Þannig skrán-
ing er að sjálfsögðu ekki endanleg en hún getur gefið
ýmsar upplýsingar eins og meðfylgjandi dæmi sýna.