Feykir - 29.11.2017, Side 12

2 01 712 2 01 712
ferðinni. Þannig hafa ýmsir góðir réttir
orðið til.“
En víkjum að jólamatseldinni, er
eitthvað sérstakt sem fólk ætti að
hafa í huga varðandi hana?
Ég ráðlegg fólki alltaf að skipuleggja
tímann fyrirfram, setjast niður og
skrifa hjá sér hvað þarf að gera og í
hvaða röð, svo að maður standi ekki til
dæmis á síðustu stundu með eitthvað
þrennt sem þarf að fara í ofninn, allt á
mismunandi hita.
Hver er hinn hefðbundni jólamatur
Nönnu?
Ég er lítið fyrir hefðir í jólamat og
nú er ég hætt að elda hann því ég fer
alltaf til útlanda um jólin. Í fyrra fékk
ég þrennu af villisvíni, kengúru og
zebrahesti í Trieste á Ítalíu, árið áður
kanínupottrétt á Möltu og þar áður
reyktan saltfisk og rauðvínssoðnar
grísakinnar á Madeira. Hef ekki
hugmynd um hvað ég fæ í ár. En
síðustu árin sem ég eldaði sjálf um
jólin voru reyndar oftast andabringur,
barnabörnin tóku ekki annað í mál.
Þríréttuð jólamáltíð sem ekki
krefst þess að maður eyði
öllum aðfangadegi í eldhúsinu.
Uppskriftirnar eru ætlaðar
fyrir fjóra, þótt ísinn myndi
nú sennilega endast handa
fleirum.
FORRÉTTUR
Hörpuskel með
kryddjurtasmjöri
Galdurinn er að hörpuskelin sé sem
þurrust þegar hún fer á pönnuna,
sem þarf að vera rjúkandi heit.
Uppskriftin er úr bókinni Pottur,
panna og Nanna.
400 g risahörpuskel
pipar og salt
lófafylli af söxuðum, ferskum
kryddjurtum eftir smekk, t.d.
steinselja og óreganó
3 msk olía
50 g smjör
Taktu þiðnaða hörpuskelfiskana
úr umbúðunum og raðaðu þeim á
eldhúspappír. Láttu þá standa nokkra
stund og þerraðu þá vel. Kryddaðu
þá svo með pipar og salti. Saxaðu
kryddjurtirnar smátt. Hitaðu pönnu
þar til rýkur af henni. Helltu olíunni
á hana. Raðaðu hörpuskelfiskunum
á hana og steiktu þá við háan hita
í 2 mínútur. Snúðu þeim þá við
og steiktu í um 1 mínútu á hinni
hliðinni.
Taktu skelfiskana af pönnunni
og settu þá á disk. Slökktu undir
pönnunni, settu smjörið á hana
og svo kryddjurtirnar og hrærðu
þar til smjörið er bráðið og
aðeins farið að brúnast. Raðaðu
hörpuskelfiskunum á fat eða diska
og austu kryddjurtasmjörinu yfir.
Berðu fram gott brauð með.
AÐALRÉTTUR
Steiktar andabringur
Andabringur eru fljótlegur, ein-
faldur og þægilegur jólamatur og
barnabörnin taka ekki í mál að fá
annað á aðfangadagskvöld.
3-4 andabringur
pipar og salt
4 perur
safi úr ½ sítrónu
80 g apríkósur eða gráfíkjur
60 g pekanhnetur
klettasalat eða önnur salatblöð
bláber, rifsber eða önnur ber
Sósa:
400 ml gott andasoð (eða vatn og
andakraftur)
3 msk dökkt portvín (má sleppa)
sósujafnari
100 ml rjómi
pipar og salt ef þarf
Þerraðu bringurnar með eldhús-
pappír og skerðu tígulmynstur í
fitulagið án þess að skera í kjötið.
Kryddaðu bringurnar með pipar og
salti og láttu þær standa í nokkrar
mínútur. Flysjaðu á meðan perurnar,
settu þær í pott með sítrónusafa og
svo miklu vatni að fljóti yfir og
sjóddu þær í 8-10 mínútur. Taktu
þær þá upp úr.
Hitaðu ofninn í 200°C og hitaðu
eldfast mót í honum. Hitaðu pönnu
nokkuð vel, settu bringurnar á hana
Jólauppskriftir Nönnu með fituhliðina niður og steiktu
þær við góðan hita í 6-8 mínútur,
eða þar til þær eru fallega brúnar
og meirihlutinn af fitunni hefur
bráðnað af þeim. Snúðu þeim þá
við og steiktu þær í 1-2 mínútur en
færðu þær þá í eldfasta mótið og
settu þær í ofninn í um 12 mínútur,
eða eftir þykkt.
Helltu mestallri fitunni af pönn-
unni (geymdu hana, hún er mjög
góð til steikingar). Skerðu perurnar í
tvennt og steiktu þær við meðalhita,
ásamt apríkósum eða gráfíkjum og
hnetum, þar til perurnar hafa tekið
lit. Settu andasoð og portvín í pott
og láttu sjóða smástund. Þykktu með
sósujafnara, hrærðu rjóma saman
við og kryddaðu eftir þörfum.
Taktu bringurnar út, settu þær
á bretti og láttu standa í nokkrar
mínútur. Hrærðu soðinu úr mótinu
saman við sósuna. Skerðu svo
bringurnar í sneiðar á ská og raðaðu
þeim á fat, ásamt perum, apríkósum
og hnetum. Dreifðu e.t.v. berjum
yfir og berðu fram með sósunni,
steiktum eða brúnuðum kartöflum
og rauðkáli.

EFTIRRÉTTUR
Jarðarberjaís
með sósu
300 g jarðarber, fersk eða frosin (og
meira til að bera fram með ísnum)
1-2 msk sítrónusafi
6 eggjarauður
100 ml þunnt hunang
250 ml rjómi
Maukaðu berin með sítrónusafanum.
Þeyttu eggjarauður og hunang
mjög vel saman og blandaðu svo
jarðarberjamaukinu saman við
með sleikju. Stífþeyttu rjómann og
blandaðu honum gætilega saman
við. Settu í form og frystu í nokkrar
klukkustundir. Láttu ísinn mýkjast
smástund áður en hann er borinn
fram með meiri jarðarberjum og
e.t.v. með jarðarberjasósu:
Jarðarberjasósa:
250 g jarðarber, fersk eða frosin
2 tsk sítrónusafi
1-2 msk hunang eða sykur
Skerðu berin e.t.v. í grófa bita. Settu
þau í pott ásamt sítrónusafanum og
hunanginu eða sykrinum og láttu
malla rólega í nokkrar mínútur, þar
til berin eru mjúk eða komin í mauk.
Taktu þau af hitanum og láttu kólna.
Hörpuskel með kryddjurtasmjöri.
Jarðaberjaís með sósu.