Íslenskt mál og almenn málfræði - 01.01.2017, Qupperneq 79

3. Niðurstöður úr málkönnunum
3.1 Um gagnasöfnunina
Niðurstöðurnar sem hér eru kynntar eru í fyrsta lagi byggðar á rafrænni
vefkönnun sem lögð var fyrir 30 nemendur við Háskólann á Akureyri
2015, í öðru lagi á skriflegum spurningalista sem lagður var fyrir 32 stúd-
enta við Fróðskaparsetur Føroya 2016, og í þriðja lagi á skriflegri könnun
sem 37 nemendur við Háskóla Íslands tóku þátt í 2017. Í könnuninni sem
gerð var í Háskólanum á Akureyri voru 162 dæmasetningar sem tengdust
allar á einhvern hátt mismunandi stöðu atviksorða. Í spurningalistanum
sem lagður var fyrir nemendur við Háskóla Íslands voru 24 dæmasetning-
ar sem vörðuðu næstum allar innbyrðis röð atviksorða. Í færeysku könn-
uninni voru 105 setningar, þar af 40 dæmi um mismunandi innbyrðis röð
atviks orða. Fyrir hverja setningu voru gefnir þrír svarmöguleikar í öllum
könnununum (sýnishorn úr færeysku könnuninni):
(9) Ja = Góður setningur. Soleiðis kundi eg væl sagt.
góð setning svona gæti ég vel sagt
? = Ivasamur setningur. Eg kundi møguliga sagt so.
vafasöm setning ég gæti hugsanlega sagt svona
Nei = Ómøguligur setningur. Soleiðis kundi eg ikki sagt.
ótæk setning svona gæti ég ekki sagt
Í þeim fræðilegu skrifum um mögulega innbyrðis röð atviksorða sem mér
er kunnugt um hafa málfræðingar fyrst og fremst stuðst við eigin máltil-
finningu. Það getur hins vegar verið svolítið erfitt að meta fínleg blæ-
brigði af þessu tagi og þegar fræðilegar kenningar og „hagsmunir“ eiga í
hlut er alltaf viss hætta á skekkju í niðurstöðunum. Þess vegna er að mínu
mati traustara að safna dómum ef draga á ályktanir um það hversu tækar
eða ótækar tilteknar orðaraðir eru í einstökum málum. Einnig er fróðlegt
að sjá hvað er líkt og ólíkt með náskyldum málum eins og íslensku og fær-
eysku í þessum efnum.
3.2 Íslenska
Eins og nefnt var í tengslum við (6) hér að framan spáir atviksorðakenn-
ing Cinque (1999) því að fyrri dæmin í eftirfarandi setningapörum eigi að
vera betri en þau seinni. Þetta virðist ganga eftir í íslensku könnuninni
(HÍ):
Setningaratviksorð í íslensku og færeysku 79