Bændablaðið - 06.10.2016, Page 26

26 Bændablaðið | Fimmtudagur 6. október 2016
Ný Gljúfurárrétt er bylting
Glæný Gljúfurárrétt hefur verið
tekin í notkun í Grýtubakkahreppi.
Fjölmenni mætti þegar þar var
réttað í fyrsta sinn á dögunum.
Vel hafði smalast þrátt fyrir mis-
jafnt veður, að því er Þórarinn Ingi
Pétursson fjallskilastjóri segir við
vef sveitarfélagsins. Um 7 til 8 þús-
und fjár var í réttinni.
Mikið sjálfboðaliðastarf
Áður en réttarstörfin sjálf hófust var
stutt vígsluathöfn. Sveitarstjóri lagði
áherslu á mikilvægi sauðfjárbúskapar
fyrir sveitarfélagið sem og landið og
færði landbúnaðarnefnd og sauðfjár-
bændum þakkir fyrir gríðarlegt sjálf-
boðaliðastarf við byggingu réttar-
innar. Einnig færði hann Guðmundi
Björnssyni í Fagrabæ viðurkenningu
fyrir frábært starf, en hann teiknaði
réttina og stýrði byggingarfram-
kvæmdum frá upphafi til enda.
Inga Siglaugsdóttir gaf fánastöng
til minningar um sr. Pétur Þórarinsson
í Laufási og við athöfnina drógu börn
þeirra hjóna, Þórarinn, Jón Helgi
og Heiða, íslenska fánann að húni.
Stöngin stendur á voldugum steini í
miðjum almenningnum.
Sr. Bolli Pétur Bollason flutti
blessunarorð og bað að gæfa fylgdi
starfi bænda til framtíðar og réttin
yrði þeim notadrjúg. Einnig
minntist hann gömlu réttarinn-
ar með þakklæti og þeirrar sögu
sem hún geymir. Viðstaddir sungu
saman „Vel er mætt til vina-
fundar“ og „Blessuð sértu sveitin
mín“ og var þetta afar hátíðleg og
jákvæð samvera.
Góð vinnuaðstaða
Réttin reyndist alveg ljómandi vel
og er aðstaðan mikil bylting fyrir
bæði fólk og fé.
Vel fer um féð
í safnhólfinu
og fín vinnu-
aðstaða er í og
við réttina til
að sinna réttar-
störfum. Mjög góð aðkoma er
að réttinni og næg bílastæði. Réttin
er glæsilegt mannvirki og byggð af
metnaði og framsýni. Hún er áber-
andi í sínu umhverfi og mun verða
staðarprýði til lengri tíma.
Sveitarfélagið greiddi fyrir efni
og aðkeypta aðstoð, en sauðfjár-
bændur og þeirra lið vann ötullega
að byggingunni og reis hún fullbúin
á undraskömmum tíma. Útlagður
kostnaður er töluvert undir áætlun
og má hrósa bændum alveg sérstak-
lega fyrir glæsilegt verk, segir í frétt
á vefsíðu sveitarfélagsins. /MÞÞ
Féð rennur inn í hina glænýju Gljúfurárrétt í Grýtubakkahreppi sem þykir hið besta mannvirki. Myndir / Þorsteinn Friðriksson / Innfelld loftmyndin / Hjalti Pálsson
Flosi Kristinsson í Höfða.
Þorkell Pálsson í Höfða. Það getur verið gott að hjálpast að við vandasamt verk.
Fjölmenni mætti þegar þar var réttað í fyrsta sinn á dögunum, en
áður en réttarstörf hófust var stutt vígsluathöfn. Sr. Bolli Pétur
afhenti Guðmundi Björnssyni í Fagrabæ viðurkenningu.
Það var mikið fjör í sumum lömbununum.
Mynd / Frímann Kristjánsson
Inga Siglaugsdóttir gaf fánastöng
til minningar um sr. Pétur Þórar-
insson í Laufási og við athöfnina
drógu börn þeirra hjóna, Þórar-
inn, Jón Helgi og Heiða, íslenska
fánann að húni.
Björn Ingólfsson, fyrr
verandi skólastjóri, lé
t sig ekki vanta í
Gljúfurárrétt.
Þórarinn Ingi Pétursson var fjallskila-
stjóri í Gljúfurárrétt.