Bændablaðið - 23.03.2017, Qupperneq 54

54 Bændablaðið | Fimmtudagur 23. mars 2017
Þegar nýtt merki í bílum er í boði
er það fyrir flestum þeim sem á
annað borð hafa áhuga á bílum
eitthvað nýtt og spennandi sem
þarf að skoða.
Fyrir um mánuði síðan byrj-
aði BL að selja Jaguar bíla. Til
að byrja með býður BL upp á
fimm tegundir af Jaguar bílum,
en mig langaði mest að prófa fjór-
hjóladrifna jepplinginn hjá þeim.
Jepplingurinn, sem heitir Jaguar
F-Pace, er í boði í sautján útfærsl-
um, en sá sem ég prófaði var með
stærstu dísilvélinni sem í boði er.
Sennilega skemmtilegasta og
kraftmesta vél sem ég hef prófað
Bíllinn sem ég prófaði heitir
Jaguar F-Pace R-Sport og er með
sex strokka 3,0 dísilvél sem skilar
300 hestöflum og togkrafturinn er
700 Newtonmetrar (Nm). Bíllinn
er með aldrifi, átta þrepa sjálf-
skiptingu og á viðbragðið úr 0 í
100 km hraða að vera um 6,2 sek.
(hámarkshraði sagður vera 241 km,
en ég prófaði það ekki). Uppgefin
eyðsla í blönduðum akstri er 6,0
lítrar af dísil á hundraðið.
Prufubíll er í dýrari kantinum
og kostar 10.590.000, hlaðinn
þægindum og aukabúnaði s.s.
hita í stýri, aukafjarstýringu til
að kveikja á hitara í bílnum sem
er fljótur að hita upp bílinn.
Hægt er að fá fjórar mismun-
andi gerðir af Jaguar F-Pace
R-Sport með vélar frá 180 hest-
öflum upp í 340 hestafla bíl og
er verðið frá 8.690.000 upp í
13.090.000.
Þægilegur í akstri og rúmgóður,
með litla eyðslu miðað við kraft
F-Pace er þægilegur að keyra, sæti
góð og hægt að stilla á alla vegu
með rafmagni. Fótarými mjög
mikið bæði í fram- og aftursætum.
Farangursrými er mjög stórt (650
lítrar). Bíllinn er fljótur að hitna að
innan án þess að setja forhitamið-
stöðina á með aukafjarstýringunni,
en ef hún er notuð er bíllinn heitur
þegar komið er að honum.
Það eina sem var að trufla mig
við bílinn var að í framrúðunni
eru hitaþræðir sem sjást of mikið
þegar mjög bjart er, en í staðinn
kemur þetta sér vel á morgnana
þegar aðrir þurfa að skafa af fram-
rúðunni.
Ég keyrði bílinn um 220 km
og fyrst var tekinn góður hringur
innanbæjar og eftir 90 km akstur
innanbæjar á meðalhraðanum 42
km var ég að eyða 9,4 lítrum á
hundraðið. Næst var það lang-
keyrsla upp á 60 km. Þar sem með-
alhraðinn var 71 km var eyðslan
hjá mér 7,0 lítrar á hundraðið.
Fjöðrun og aksturseiginleikar
Sé maður á 80 km hraða er kraft-
ur vélarinnar svo mikill að þegar
tekið er fram úr öðrum bílum á
malbikuðum vegum og gjöfin er
sett í botn, er maður fljótt kominn
á sviptingarhraða. Á malbiki liggur
bíllinn vel, svo vel að maður finn-
ur varla fyrir hraðanum á bílnum.
Margoft stóð ég sjálfan mig að því
að hraðamælirinn sýndi tölu sem
var hægra megin við 100 þegar ég
hélt mig vera á mun minni hraða.
Á malarvegi fann maður hvað
fjöðrunin er góð og venjulegar
holur og mishæðir voru hrein-
lega étnar af fjöðrunarkerfinu.
Dekkin undir bílnum sem ég próf-
aði voru á 19 tommu felgum og
prófíll dekkjanna ekki mikill. Góð
fjöðrunin setur dekkin í hættu upp
á að höggva gat á hliðar dekkj-
anna. Hægt er að setja 18 tommu
felgur undir bílinn og minnka þar
með örlítið hættuna á að höggva í
sundur dekk.
Lokaniðurstaða er að krafturinn
er hættulegur gagnvart
ökuskírteininu
Mínusarnir eru ekki margir, en
það sem var mest að trufla mig
voru vírarákirnar í framrúðunni
og varadekkið er það sem ég kalla
aumingi.
Plúsarnir eru fjölmargir, etil
dæmis akreinavarinn sem les
málaðar línur á veginum (ef þær
eru til staðar). Þetta virkar svipað
og þegar maður keyrir út í kant
þar sem búið er að fræsa ójöfnur
í slitlagi.
Dráttarkrókurinn er undir
bílnum og kemur niður ef ýtt er
á takka í farangursrýminu. Það
þarf þó að kaupa millistykki til að
geta tengt rafmagn í flestar gerðir
af kerrum sem hér eru í notkun.
Fjarstýringin fyrir hitann inni
í bílnum er toppurinn, eitthvað
sem ætti að vera í öllum bílum
á Íslandi.
Eftir að hafa keyrt þennan bíl
væri ég alveg til í að eiga svona
bíl, en miðað við hversu þungan
hægri fót ég hef, held ég að ég
yrði fljótur að tapa ökuskírteininu
á 300 hestafla bíl.
Jaguar F-Pace. Myndir / HLJ
VÉLABÁSINN
Svolítill sóði við sjálfan sig á
drullugum vegum.
Óneitanlega ott merki.
V 6 3000 dísilvélin fyllir vel allt rými sem í boði er.
Varadekkið er það sem ég kalla 18 tommu aumingi.
Rafmagnstengillinn er fyrir 13 pinna en estar kerrur eru með 7 pinna tengla
og þarf því að vera til millistykki í bílnum.
Tvær fjarstýringar, önnur fyrir að hita
bílinn áður en maður fer af stað.
Á stórum skjánum er m.a. bakkmyndavél, snertiskjár fyrir hljómtæki og .
Í boði eru 4 stillingar á krafti, stilling-
in lengst til vinstri var hættulega
skemmtileg.
Þyngd (frá) 1.775 kg
Hæð 1.652 mm
Breidd 2.175 mm
Lengd 4.731 mm
Helstu mál og upplýsingar
Hjörtur L. Jónsson
liklegur@internet.is