Fréttablaðið - 23.05.2020, Qupperneq 4

TÖLUR VIKUNNAR 17.05.2020 TIL 23.05.2020
68
milljónir króna var tap
félagsliða í efstu deild karla
í knattspyrnu á síðasta ári.
2
eru í einangrun á Íslandi
vegna COVID-19.
18
milljónir króna er áætlaður
kostnaður við viðbyggingu
á Bragganum í Nauthólsvík.
24
prósent kvenna sem starfa
á Alþingi hafa orðið fyrir kyn-
ferðislegri áreitni í starfi sínu.
5,7
prósent af íbúum Íslands
eru frá Póllandi.
Björn Rúnar Lúðvíksson
yfirlæknir ónæmisfræðideildar
Landspítala
sagði að áhrif
mikillar spritt­
notkunar á
ónæmiskerfið
væru ekki þekkt.
„Stutta svarið er
að við vitum það
ekki. Þessi gengdarlausa spritt­
notkun sem hefur verið í gangi
núna á sér engin dæmi í sögu
mannsins þannig að það á eftir
að koma í ljós hver áhrif hennar
verða,“ sagði hann.
Drífa Snædal
forseti ASÍ
sagði stöðu
öryrkja
smánarblett á
samfélaginu og
að mikill vilji
væri innan sam­
bandsins til að
styrkja kjör þeirra.
Ásamt henni skrifuðu formenn
BSRB, Öryrkjabandalags Íslands,
Bandalags háskólamanna og
Kennarasambands Íslands
undir yfirlýsingu um bættan hag
öryrkja á Íslandi. Aldrei fyrr hafa
samtök launþega lýst yfir stuðn­
ingi við Öryrkjabandalagið.
Ásgeir Jónsson
seðlabankastjóri
sagði ekki víst að
aukin skuld­
setning myndi
leysa vanda
fyrirtækja sem
hafa orðið fyrir
verulegu tekjutapi
vegna kórónuveirunnar. Mikil­
vægt sé að fyrirtæki semji fyrst
við kröfuhafa áður en þau leiti á
náðir ríkissjóðs. „Brúarlánin og
að einhverju leyti stuðningslánin
eru einn valmöguleikinn sem
fyrirtækjum stendur til boða við
endurskipulagningu skulda.“
Þrjú í fréttum
Spritt, öryrkjar
og tekjutap
ÁRA5ÁBYRGÐUMBOÐSAÐILI FIAT Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR • S. 534 4433 WWW.FIATPROFESSIONAL.IS • WWW.ISBAND.IS • ISBAND@ISBAND.IS • OPIÐ VIRKA DAGA 10-18 • LAUGARDAGA 12-16
FIAT HÚSBÍLAEIGENDUR
ER HÚSBÍLLINN ÞINN KLÁR FYRIR SUMARIÐ?
BJÓÐUM UPP Á SMURÞJÓNUSTU OG LÉTTA ÁSTANDSSKOÐUN FYRIR SUMARIÐ:
• SJÓNSKOÐUN Á BREMSUKERFI OG UNDIRVAGNI
• LJÓS YFIRFARIN
• ÁSTAND HJÓLBARÐA METIÐ OG LOFTÞRÝSTINGUR MÆLDUR
• ÞURRKUR OG RÚÐUSPRAUTUR YFIRFARNAR
• ÁSTAND KÆLIKERFIS METIÐ
• HLEÐSLA RAFKERFIS MÆLD.
ALLIR VINNA – ENDURGREIÐSLA Á VSK Á VINNULIÐ AÐ LÁGMARKSUPPHÆÐ 25.000 KR. ÁN VSK.
NEYTENDUR Mikill fjöldi fasteigna­
eigenda hefur endurfjármagnað
húsnæðislán sín og hefur hlutfall
óverðtryggðra lána aldrei verið
hærra. Seðlabankinn lækkaði stýri­
vexti niður í eitt prósent í vikunni
sem er það lægsta á öldinni. Með
endurfjármögnun á lægri vöxtum
er hægt að spara tugi þúsunda
króna á mánuði.
Björn Berg Gunnars son, deildar­
stjóri Greiningar hjá Ís lands banka,
segir um þriðjung lántöku síðustu
mánaða vera endurfjármögnun.
„Þetta er þróun sem hófst strax
þegar vextir tóku að lækka. Fyrir­
höfnin og kostnaðurinn við endur­
fjármögnun er miklu minni en áður
og hafa margir áttað sig á því að
þetta getur lækkað greiðslubyrðina
eða stytt lánstímann,“ segir Björn.
Hluti breytir lánum úr verð­
tryggðum y f ir í óverðtryggð.
„Óverðtryggð húsnæðislán hafa
aldrei verið hærra hlutfall en í
dag. Það má að miklu leyti rekja
til vaxtastigsins, en það er í fyrsta
skipti raunhæft fyrir marga að taka
slík lán,“ segir Björn. „Ef þú sérð fram
á að lántökukostnaðurinn sé fljótur
að koma til baka í þeim vöxtum sem
þú sparar þá er það ansi mikill hvati.
Það þarf þó einnig að taka mið af
mögulegum uppgreiðslukostnaði.“
Hægt er að sækja um endurfjár­
mögnun hjá hvaða banka sem er
óháð viðskiptasambandi, mismun­
andi reglur eru hjá lífeyrissjóðum.
Þá eru einnig í boði viðbótarlán hjá
bæði Framtíðinni og Arion banka.
Fjártæknivefurinn Aurbjörg
hleypti af stokkunum sérstökum
lánareikni fyrir endurfjármögnun
lána nýverið. Er þar hægt að bera
saman eigin lánakjör við öll önnur
lánakjör sem eru í boði hér á landi
og fá nákvæma krónutölu. „Fólk
getur sannarlega sparað háar fjár­
hæðir með endurfjármögnun,“
segir Auður Björk Guðmundsdóttir,
framkvæmdastjóri Aurbjargar. „Ég
held að besta tímakaup sem fast­
eignaeigendur geti fengið sé að
skoða þetta og gera það á hverju
ári þegar fasteignamatið er endur­
reiknað.“
Staðan á markaðnum er síbreyti­
leg og því er alltaf erfitt að tíma­
setja hvenær rétti tíminn sé til að
endurfjármagna. „Rétti tíminn til
að endurfjármagna lán er til dæmis
þegar vextir eru orðnir lægri en það
sem þú ert að borga,“ segir Auður.
Hún bendir á að lækkun á
greiðslubyrði geti ekki aðeins
gagnast þeim sem glíma við tekju­
fall vegna faraldursins heldur einn­
ig geti það hjálpað við að koma
hjólum atvinnulífsins í gang. „Með
endurfjármögnun er hægt að fá fé
til framkvæmda, hvort sem það er
garðurinn eða ný eldhúsinnrétting.“
Fleiri möguleikar eru í boði, til
dæmis að halda sömu greiðslum
en stytta í láninu. „Ef þú ert með
lán sem þú ræður við að borga af í
dag getur þú með því að stytta lánið
og endurfjármagna á betri kjörum
eignast meira í eigninni í hverjum
mánuði,“ segir Björn.
Hann segir að þótt það sé orðið
mjög einfalt og þægilegt að ganga
frá lántöku á netinu sé alltaf gott að
setjast niður með ráðgjafa. „Það er
svo margt sem þarf að hafa í huga
og því er alltaf best að tala við fag­
fólk sem getur leiðbeint manni og
aðstoðað við helstu ákvarðanir.“
arib@frettabladid.is
Gætu sparað sér tugi þúsunda
Fasteignaeigendur geta sparað háar fjárhæðir í hverjum mánuði með endurfjármögnun á lægri vöxtum.
Framkvæmdastjóri fjártæknifyrirtækis segir það geta hjálpað við að koma hjólum atvinnulífsins af stað.
Með endurfjár-
mögnun er hægt að
fá fé til framkvæmda, hvort
sem það er garðurinn eða ný
eldhúsinnrétting.
Auður Björk Guð-
mundsdóttir,
framkvæmda-
stjóri Aurbjargar
Mikil aukning hefur verið í töku óverðtryggðra lána þá mánuði sem liðnir eru af árinu. FRÉTTABLAÐIÐ/SIGTRYGGUR ARI
2 3 . M A Í 2 0 2 0 L A U G A R D A G U R4 F R É T T I R ∙ F R É T T A B L A Ð I Ð