Tímarit Öryrkjabandalags Íslands - 01.09.2005, Blaðsíða 7

Málin rædd yfir kaffibolla.
Sveinn Rúnar Hauksson, Sigursteinn R. Másson og Svanur
Kristjánsson fylgjast með af athygli.
Ályktun um sameiningu Sjónstöðvar íslands og
m-
Heyrnar- og talmeinastöðvar Islands
Aðalfundur Öryrkjabandalags
íslands skorar á stjórnvöld að
fresta fyrirhugaðri sameiningu
Sjónstöðvar íslands og Heyrnar-
og talmeinastöðvar íslands.
Ofangreindar stofnanir þjóna ein-
staklingum með afar ólíkar fatlanir
og eiga lítið sameiginlegt þegar
kemur að meðferð og úrræðum. Við
sameiningu slíkra stofnana verður
því að gæta þess sérstaklega vel að
þjónustan skerðist ekki heldur verði
sameiningin til hagsbóta fyrir alla
skjólstæðinga stofnunarinnar. Til að
svo geti orðið er algjörlega nauð-
synlegt að fulltrúar þeirra sem nýta
munu þjónustu fyrirhugaðrar stofn-
unar taki fullan þátt í undirbúningn-
um og að á þá verði hlustað.
ÖBÍ skorar því á hlutaðeigandi
stjórnvöld að fresta fyrirhugaðri
sameiningu og kalla nú þegar full-
trúa skjólstæðinga nýrrar stofnunar
að undirbúningnum. Einungis
þannig er líklegt að almenn sátt
verði um framtíðarfyrirkomulag
þessarar þjónustu.
tímarit öryrkjabandalagsins
7